బెంగళూరు చూడ్డానికి వెళ్ళిన వాళ్ళు తప్పక చూడాల్సింది విధాన సౌధ – ఇది రాష్ట్ర సచివాలయం మాత్రమె కాక అద్భుతమైన ఇటుక రాతి కట్టడం. 46  మీటర్ల ఎత్తు వుండే ఈ భవనం నగరంలోని ఎత్తైన హర్మ్యాలలో ఒకటి.అటు సాంప్రదాయ ద్రావిడ ఇటు ఆధునిక శైలి నిర్మాణాల మేలు కలయిక అయిన ఈ భవన నిర్మాణ శైలి చూపరులను నిరుత్సాహ పరచదు. అన్ని వైపుల నుంచి భవనం లోపలికి వెళ్ళ వచ్చు. శెలవు దినాల్లోను, ఆదివారం సాయంత్రాల వేళల్లోనూ విద్యుద్దీపాల అలంకరణలతో ఈ భవనం చాల అందంగా కనిపిస్తుంది. సాయంత్రం 6 గంటల నుంచి 8.30 వరకు భవనంలోని దీపాలు వెలుగుతూనే వుంటాయి. మీరు తప్పకుండా చూడాల్సిన వాటిలో ఇది ఒకటి.బెంగళూరు సిటీ జంక్షన్ నుంచి ఇది కేవలం తొమ్మిది కిలోమీటర్ల దూరంలో వుంది. విస్తారమైన పచ్చిక బయళ్ళతో కబ్బన్ పార్క్ దగ్గరలో వుండే ఈ భవనం చూసి తీరాల్సిందే – సృజనశీలుర ఉత్సాహాన్ని ఈ భవనం ఇనుమడింప చేస్తుంది.