అబ్బే జలపాతాలు మడికెరి పట్టణానికి 7-8 కి.మీ.ల దూరంలో కలవు. కూర్గ్ లో అబ్బే ఫాల్స్ అధికంగా చూసే ఆకర్షణలలో ఒకటి. ఈ జలపాతాలు ప్రయివేట్ కాఫీ తోటల మరియు సుగంధ ద్రవ్యాల తోటల మధ్యగా దట్టమైన పొందలలో ప్రవహించి కొండలలో చిన్న ధారగా మొదలై పర్యాటకులు చూడదగ్గ ఎత్తునుండి ఎంతో ఆకర్షణీయంగా క్రిందకు ప్రవహిస్తాయి.

జలపాతాల హోరు పర్యాటకులను ఆశ్చర్య చకితులను చేస్తుంది. ఆ ప్రాంత ప్రశాంతతనే మార్చివేస్తుంది. బ్రిటీష్ వారు ఈ జలపాతాలకు జెస్సి వాటర్ ఫాల్స్ అని పేరు పెట్టారు. మడికెరికి వారి మొదటి పాలకుడి కుమార్తె గుర్తుగా ఆ పేరుతో పిలిచేవారు. అయితే, తర్వాతికాలంలో వీటికి అబ్బే లేదా అబ్బి జలపాతాలని పేరు వచ్చింది. కూర్గు భాషలో అబ్బే అంటే జలపాతం అని అర్ధం చెపుతారు.

పడమటి కనుమలలో భాగమైన ఈ జలపాతాలు అనేక ధారల కలయిక. ఎంతో వేగంగా ప్రవహించి కొండలపైనుండి కిందకు దుముకుతాయి. ఒక చక్కటి సరస్సుగా కింద ఏర్పడుతుంది. ప్రశాంత వాతావరణం కల కూర్గ్ లో ఈ జలపాతాల  హోరు ఒక ప్రత్యేకతగా ఉంటుంది. నీరు వేగంగా కిందకు పడుతూంటే ఆ ప్రదేశం అంతా పొగమంచు వ్యాపిస్తుంది.

ఈ పొగమంచు కొండలపై వ్యాపించి చూసే వారికి ఆ ప్రాంతం మరింత అందంగా ఉండేలా  చేస్తుంది. వర్షాకాలంలో ఈ జలపాతాలు మరింత పెద్దవిగా విస్తరించి వేగంగా కదులుతూంటాయి. సాధారణంగా వేసవిలో వీటి ధార, వేగం తగ్గుతాయి. జలపాతాలకు ఎదురుగా ఒక వేలాడే వంతెన కలదు. ఈ వంతెనపైనుండి జలపాతాలను మరింత స్పష్టంగా చూసి పర్యాటకులు ఆనందిస్తారు. వంతెనకు ఆవలిపైన కాళీ మాత దేవాలయం కూడా ఉంది.