దేవి కులంలోని అందమైన ఇడుక్కి కొండలపై సుమారు 1700 అడుగుల ఎత్తున ప్రశాంత వాతావరణంలో మట్టుపెట్టి సరస్సు కలదు. ఈ ప్రదేశం మున్నార్ లోని కొండలపై గల తోటల మధ్య కలదు. దట్టమైన అటవీ పర్వత ప్రదేశాలు, చక్కగా పెంచబడుతున్న తోటలు పర్యాటకుడి మనస్సుకు ఆహ్లాదం, కన్నులకు విందుగా ఉంటాయి.
ఈ ప్రదేశం చూసే వారికి అచ్చెరువొందిస్తుంది. మట్టుపెట్టీ డామ్ ను 1940 లో నిర్మించారు. మట్టుపెట్టి ఇండో - స్విస్ లైవ్ స్టాక్ ప్రాజెక్టుకు ప్రసిద్ధి. సుమారు 100 రకాల ఆవులు ఇక్కడ పెంచబడుతున్నాయి. అందమైన ఈ సరస్సు వెనుక చక్కని పర్వత ప్రాంతాలు, సుగంధ ద్రవ్యాల తోటలు కనపడతాయి. ఈ సరస్సులో బోటింగ్ చేయవచ్చు. స్పీడ్, మోటర్, పెడల్ బోటింగులు అద్దెకు లభిస్తాయి. ఈ కొండ ప్రాంతాలు వివిధ రకాల పక్షులు కూడా కలిగి పక్షి సందర్శన పట్ల ఆసక్తి కలిగిస్తాయి.