ధనౌల్తి సముద్ర మట్టం నుండి 2286 మీటర్ల ఎత్తులో ఉన్న ధనౌల్తి ఉత్తరాఖండ్ లో ని గర్హ్వాల్ జిల్లాలో ఉంది. ప్రశాంతమైన నిర్మలమైన వాతావరణం కలిగిన ఈ ప్రాంతం చంబా నుండి ముసోరి వెళ్ళే మార్గం లో ఉంది. ముస్సొరి కి కేవలం 24 కిలో మీటర్ల దూరం లో ఉన్నందువల్ల ఈ ప్రాంతం పర్యాటకుల లో అమితం గా ప్రాచుర్యం పొందింది. ఈ ప్రాంతం నుండి మంత్రముగ్ధుల్నిచేసే డూం వాలీ యొక్క అందాలను పర్యాటకులు తిలకించవచ్చు.
చుట్టూ దేవదారు వృక్షాలు కలిగిన ఎకో పార్క్ ఈ ధనౌల్తి లో ఉన్న ప్రధాన పర్యాటక ఆకర్షణలలో ఒకటి. పర్యాటకులకు బస చేసే అవకాశాన్ని కల్పించే వివిధ ఎకో హట్స్(పర్యావరణ కుటిరాలు) ని ముస్సోరీ ఫారెస్ట్ డిపార్టుమెంటు అభివృద్ధి చేసింది. వీటితో పాటు, ఈ ప్రాంతం బంగాళా దుంప పంట కి ప్రాచుర్యం చెందినది కావడం వల్ల "ఆలూ ఖేట్" గా ప్రసిద్ది చెందింది. దశావతార్ టెంపుల్, న్యూ తెహ్రి టౌన్ షిప్, బరేహిపని మరియు జోరండ ఫాల్స్, డియోగర్ ఫోర్ట్ మరియు మతటిల డ్యాం వంటివి ఇక్కడికి సమీపం లో ఉన్న మరికొన్ని ప్రసిద్ద పర్యాటక ఆకర్షణలు. సందర్శకులు థంగ్ధర్ క్యాంపు లో రాక్ క్లైమ్బింగ్, రివర్ క్రాసింగ్, హైకింగ్ మరియు ట్రెక్కింగ్ వంటి సాహసోపేతమైన క్రీడలలో పాల్గొనవచ్చు. ఈ క్యాంపు వసతి సదుపాయం తో పాటు అన్ని మౌలిక సదుపాయాలు పర్యాటకులకి కల్పిస్తుంది.
వాయు, రైలు మరియు రోడ్డు మార్గం ద్వారా ధనౌల్తి కి సులభం గా చేరుకోవచ్చు. జోలీ గ్రాంట్ విమానాశ్రయం ఈ ప్రాంతానికి సమీపం లో ఉన్న విమానాశ్రయం. డెహ్రాడున్ మరియు రిషికేశ్ లో ఉన్న రైల్వే స్టేషన్ లు ఈ ప్రాంతానికి సమీపం లో ఉన్న రైల్వే స్టేషన్స్. సమీప ప్రాంతాలైన డెహ్రాడున్, ముస్సోరీ, హరిద్వార్, రిషికేశ్, రూర్కీ మరియు నైనిటాల్ నుండి ఇక్కడికి చేరుకోవడానికి బస్సు సర్వీస్ ల ని పర్యాటకులు వినియోగించుకోవచ్చు.
ధనౌల్తి ని సందర్శించాలనుకునే పర్యాటకులకి ఎండాకాలం అలాగే శీతాకాలం అనువైనవి. ఈ సమయం లో వాతావరణం ఆహ్లాదకరంగా ఉంటుంది.