ఉదయ్ విలాస్ రాజ ప్రాసాదం కళాపోషకుడైన రెండవ మహారావల్ ఉదయ్ సింగ్ రాజనివాసం. ఈ ప్రదేశం రాజపుతానా నిర్మాణ శైలికి ఉత్తమమైన ప్రతీక. క్లిష్టమైన చెక్కుళ్ళ తో వున్న బాల్కనీలు, కొష్టాలు వున్న కిటికీలు, తోరణాలు, స్థ౦భాలు, పానెళ్ళ రూపకల్పన పర్యాటకుల దృష్టిని ఆకర్షిస్తుంది. గాయిబ్ సాగర్ సరస్సు ఒడ్డున ఉన్న ఈ భవనం మంత్రముగ్ధుల్ని చేస్తుంది. ఈ భవన౦ ‘పరేవా’, ‘బాల్వారియా’ రాళ్ళను ఉపయోగించి నిర్మించారు. ఈ భవనానికి రాణివాస్, ఉదయ్ విలాస్, కృష్ణ ప్రకాష్ లేదా ఏక్ తంబియా మహల్ అనే పేర్లతో మూడు భాగాలు ఉన్నాయి. ఈ భవన౦ గోడలు అందమైన చిత్రాల అద్భుతమైన సేకరణలతో అలంకరించబడి ఉంది. ప్రస్తుతం, ఈ భవనంలో ప్రసిద్ధ రాజస్తాన్ హెరిటేజ్ హోటల్ నడుస్తుంది.