మహూరి కలువ దేవాలయం చత్రపూర్ నుంచి 37 కిలోమీటర్ల దూరంలోను, బెర్హంపూర్ నుంచి 15 కిలోమీటర్ల దూరంలోను వుంది. ఈ గుడి లో దేవత మహూరి కలువ, ఈమెను మహూరి రాజు ఆరాధి౦చాడని చెప్తారు. జానపదుల ప్రకారం ఈ దేవతను మొదట్లో ఒక గుహలో స్థాపించారు, అక్కడికి కేవలం రాజు గారు మాత్రమె వెళ్ళ గలిగే వారు, సామాన్యులకు అందుబాటులో వుండేది కాదు. ఈ దేవత ఒకప్పుడు ప్రసాదించిన ఖడ్గంతో రాజు గారు అన్ని ఆపదల నుంచి గట్టెక్కాడు.

అయితే ఒకరోజు ఆ ఖడ్గం పోవడంతో బ్రిటిష్ వారు ఆయన్ను ఓడించారు. అందువల్ల ఈ దేవతను ఆ కొండ దిగువన స్థాపించారు – ఇప్పుడు అందరికీ ఆవిడ దర్శనం అవుతోంది. ఈ గుడి దట్టమైన అడవిలో వుంది – చుట్టూ ఎత్తైన కొండలు కూడా వున్నాయి. ఇంతకు ముందు దేవత వున్న గుహ దగ్గరికి యాత్రికులు వెళ్లేందుకు వీలుగా కొండ మీద కొన్ని మెట్లు తొలిచారు. ఇప్పుడు ఈ ప్రాంతం యాత్రికులకు మంచి విహార కేంద్రం అయింది.