అరువిక్కరా, తిరువన౦తపురం జిల్లాలో ఒక ప్రముఖ గ్రామం. ఈ గ్రామం తిరువనంతపురం నుండి కేవలం 15 కిలోమీటర్ల దూరంలో మాత్రమే ఉంది, ఇక్కడ కరమానా నది ప్రవహిస్తుంది. ఈ గ్రామం జలాశయానికి, తోటకి ప్రసిద్ది చెందింది. ప్రధానంగా స్థానికులు, పర్యాటకులు వారికి ఇష్టమైన వారితో తమ విలువైన సమయాన్ని గడపడానికి ఈ గ్రామానికి వస్తారు. దుర్గాదేవి భక్తులు ఈ గ్రామంలో ఉన్న భగవతి ఆలయానికి వస్తారు. ఆలయం ప్రవేశ ద్వారం లో ప్రవహించే చిన్న సెలయేరుతో ఈ గ్రామం అందంగా ఉంటుంది. ఈ ఆలయంలో వున్న మహిమ వల్ల, పర్యాటకులు తరచుగా అమ్మవారికి సాయంత్రం పూట జరిగే ప్రార్ధనలకోసం వుండిపోతారు. ఈ గ్రామంలో చిన్న జలాశయం కూడా ఉంది, దీనిని అరువికరా జలాశయం అని పిలుస్తారు, ఇది రాష్ట్ర రాజధానిలోని చుట్టుపక్కల చిన్న గ్రామాలకు, తిరువనంతపురానికి రోజూ నీటిని అందిస్తుంది. నగర జీవితాన్ని తప్పి౦చుకొనే ఉద్దేశ్యంతో వచ్చే పర్యాటకుల ప్రణాళిక లో ఈ గ్రామం వుండి తీరాలి.