చాలామందికి సాహసోపేతమైన యాత్ర, ఇతరులు చాలామందికి జీవితకాలానికి సరిపడే అనుభూతి, ఔత్సాహికులకు మానవ పరిణామ శాస్త్రానికి చెందిన ఒక హాట్ స్పాట్, మోన్ లో ప్రతి ఒక్కరి కోసం ఏదో ఒకటి ఉంది. మీరు నగర రణగొణ ధ్వనుల జీవితం నుండి దూరంగా ఉండాలనుకొంటే ఒక్క సందర్శనలోనే మీకు ప్రశాంతతను, శాంతిని కల్గిస్తుంది. నాగాలాండ్ లోని పదకొండు జిల్లాలలో మోన్ ఒకటి. ఈ జిల్లాకు ఉత్తరాన అస్సాం, దక్షిణాన మయాన్మార్, పశ్చిమాన మోకోక్చుంగ్, టుఎన్సంగ్ ఉన్నాయి.
సంస్కృతి & ప్రజలు – విచక్షణ కల్గిన పర్యాటకుని కోసం
సాంస్కృతికపరంగా సంపన్న జిల్లా మోన్ ను పర్యాటకులకు సాంస్కృతిక స్వర్గంగా పరిగణిస్తారు. మోన్ జిల్లా నాగాలాండ్ పచ్చబొట్ల యోధుల తెగ కొన్యకుల భూమిగా బాగా ప్రజాదరణ పొందింది. ప్రత్యేకించి పెద్ద పరిమాణంలో చెవు రింగులతో భారీ దుస్తులు ధరించిన స్త్రీ పురుషులతో ఈ జిల్లాలోని గ్రామాలు ఇప్పటికీ సంప్రదాయాన్ని కనబరుస్తున్నాయి. కొన్యకులు ‘తెండు’, ‘తేంతో’ అనే రెండు భాగాలుగా విభజించబడ్డారు. మొదటి గ్రూపు పచ్చ బోట్ల ముఖాలతో గుర్తి౦చబడగా, తరువాతి గ్రూపు వారి తెలుపు ముఖాలతో గుర్తించబడ్డారు. ఈ జిల్లాలోని దిగువ భాగంలో తేన్దూలు, టోబు గా పిలిచే ఎగువ ప్రాంతాలలో తె౦తువులు స్థిరపడ్డారు. తెండు పాలకులను ‘అంఘ్స్’ అంటారు. తెండులను వారి పచ్చ బొట్ల మొఖాలు, గడ్డాల వల్ల సులువుగా గుర్తించవచ్చు.
పండుగల సమయం – మోన్ సందర్శనకు సరైనది
ఏప్రిల్ మాసంలో, ఆలంగ్ మొన్యు పండుగ తో కొన్యకులు ఉత్సవాన్ని జరుపుకుంటారు. వారం పొడవునా జరిగే ఈ పండుగ వసంత రుతువుని లేదా పంటలను ఆహ్వానిస్తుంది. ఈ పండగను దృష్టిలో ఉంచుకొని పర్యటన ప్రణాళికను రూపొందించడం మంచి ఎంపిక. వాతావరణం
నాగాలాండ్ లోని మిగిలిన ప్రాంతాలలో గుర్తించిన ఒకమోస్తరు వాతావరణాన్ని మోన్ లోకూడా చవిచూడవచ్చు.