మూడు రాష్ట్రాలు కలిసే చోట (కర్నాటక, తమిళనాడు, కేరళ) దట్టమైన నీలగిరి అడవుల్లో వున్న ముదుమలై వన్యప్రాణి అభయారణ్యానికి ప్రసిద్ది చెందింది. దక్షిణ భారత దేశంలోనే పెద్దదిగా పేరుపడ్డ ఈ అభయారణ్యం అంతర్జాతీయంగా కూడా ప్రసిద్ది చెంది౦ది. 1940 లో స్థాపించిన ముదుమలై దేశంలోని విస్తారమైన వృక్ష, పశు సంపదను కాపాడి, స౦రక్షించడానికి జరిగిన ప్రముఖమైన, అందమైన ప్రయత్నం. ఈ ప్రాంతంలో ప్రధాన పర్యాటక ఆకర్షణ అయిన ,ముదుమైలై లో చాల అద్భుతమైన, అరుదైన, మరెక్కడా కానరాని జాతుల పుష్ప, ఫల జాతులు కొలువై వున్నాయి. ఈ అందమైన అడవికి స్వాగతం!
ముదుమలై అభయారణ్యంలో అటవీశాఖ వారు నిర్వహించే జంగిల్ సఫారీలు నిజంగా చూడతగ్గవి. ఇక్కడి జీవ జాతుల వైవిధ్యంతో పాటు రకరకాల అడవులు కూడా ఈ సఫారీలను జీవితకాల అనుభవంగా మారుస్తాయి. ఉష్ణ మండలీయ తేమతో కూడిన ఆకురాల్చు అడవులు, దక్షిణ ఉష్ణ మండల ముళ్ళ అడవులు, ఉష్ణ మండల పొడి ఆకురాల్చు అడవులు ఈ అభయారణ్యంలో వున్నాయి. పక్షి ప్రేమికులకు ఇక్కడ రెండు వందలకు పైగా జాతులను చూసే అవకాశం వుంది. జంతు జాతుల్లో మానిటర్ బల్లులు, హయనాలు, తోడేళ్ళు, జింకలు, చిరుతపులులు, దుప్పులు ఇక్కడి పచ్చని, ప్రశాంత వాతావరణంలో సహజీవనం చేస్తూ వుంటాయి. భారత దేశంలోని అత్యధిక పులుల సాంద్రత కలిగిన ఒక పులి అభయారణ్యం కూడా ఇక్కడ వుంది. పైగా, ఈ అభయారణ్యంలో ఏడు వందలకు పైగా ఏనుగులు స్వేచ్చగా తిరుగుతూ వుంటాయి. ఎన్నో అంతరించిపోతున్న జాతుల (వృక్ష, పశు, పక్షి) ఆలవాలమైన ఈ అభయారణ్యం దేశంలో జీవ వైవిధ్యాన్ని కాపాడడంలో చాలా కీలకమైన పాత్ర పోషిస్తోంది. అడవి బియ్యం, పసుపు, అడవి అల్లం, దాల్చిన చెక్క, మామిడి, జామ, మిరియాలు ఈ అభయారణ్యంలో విస్తారంగా పెరుగుతాయి – అందువల్ల ఈ మొక్కల నిల్వ జన్యు సమూహానికి దోహదం చేస్తాయి. ఈ మొక్కలు అక్కడక్కడా వుండే శాకాహార వన్యప్రాణులకు పుష్కలంగా ఆహారం అందిస్తున్నాయి. ఇక్కడ పెరిగే రెండు రకాల వెదురు మొక్కలు (బా౦బూసా & డే౦డ్రోకేలామస్ స్త్రిక్టస్) ఏనుగులు, గౌర్ లు లాంటి పెద్ద ప్రాణులకు ఆహారం అందిస్తాయి.
ముదుమలై పరిసరాలు
ముదుమలై పరిసరాల్లో చాలా ఆకర్షణలు వున్నాయి – వాటిలో పైకారా సరస్సు, కల్లట్టీ జలపాతాలు, తెప్పకాడు ఏనుగుల శిబిరం, మోయార్ నది, వంయప్రానులను కలుసుకోడానికి చాలా అధ్బుతమైన ప్రద్శాలు వున్నాయి. ఈ ప్రాంతంలోని ఆహ్లాదకరమైన వాతావరణం, మంచి రోడ్డు రవాణా సౌకర్య౦ ముదుమలైని ఋతువులతో సంబంధం లేకుండా తరచుగా వెళ్ళే గమ్యస్థానంగా మారుస్తాయి. ఇక్కడి ప్రాకృతిక అందంతో, చూడదగ్గ ప్రదేశాలు, పర్వతారోహణ అవకాశాలతో ముదుమలై కుటుంబంతో సహా ఒక్క రోజు పర్యటనలకు, సాహస పర్యటనలకు వెళ్ళడానికి తగిన విహార కేంద్రంగా పని చేస్తుంది.