నాగర్ కోయిల్ నుంచి 20 కిలోమీటర్ల దూరంలో వున్న ప్రసిద్ధ పర్యాటక గమ్యస్థానం ఒలకరువి జలపాతాలు. కన్యాకుమారిని సందర్శించే పర్యాటకులు అందమైన పరిసరాల్లో వుండే ఈ జలపాతాల్ని తప్పక చూస్తారు. దక్షిణ భారత దేశంలోని ప్రసిద్ధ జలపాతాలలో ఇది ఒకటి.

స్థానికుల కథనం ప్రకారం, ఒలకరువి జలపాతానికి ఔషధ గుణాలు వున్నాయి. ఈ నీళ్ళలో స్నానం చేస్తే చర్మ వ్యాధులు నయమవడమే కాక కీళ్ళు, కండరాల నెప్పులు కూడా తగ్గుతాయి. ఈ జలపాతాలు వృద్ధులను కూడా ఆరోగ్యంగా, ఉత్సాహంగా ఉంచడానికి దోహదం చేస్తాయంటారు.

ఈ జలపాతాలకు చేరుకోవదానికి మీరు నాగర్ కోయిల్ లోని ఒక రోడ్డు వెంటే వెళ్ళాలి. అయితే ఈ రోడ్డు జలపాతాల దగ్గర ఒక పాయింట్ దగ్గర ఆగిపోతుంది, అక్కడినుంచి తక్కిన దూరం నడిచి వెళ్ళాలి. ఈ దూరం తేలిగ్గానే నడవ వచ్చు, అది అటూ ఇటూ గా ఒక పర్వతారోహణ లాగా వుంటుంది కనుక ఆనందంగానే వెళ్ళవచ్చు. పచ్చటి పొలాల్లోంచి, అందమైన భూభాగం గుండా నడుస్తారు కనుక, ఈ జలపాతాలకు చేరుకోవడం ఆనందాన్ని కలిగిస్తుంది.