నృత్యగ్రామ్ పరిసరాలు ఎంతో అద్భుతంగాను, కళాత్మకంగాను ఉంటాయి. ఈ గ్రామం తప్పక చూడవలసిన ప్రదేశం. ఈ గ్రామం బెంగుళూరు గ్రామీణ జిల్లాలో హీసర ఘట్ట గ్రామానికి సమీపంలో ఉంది. బెంగుళూరుకు షుమారు 35 కిలో మీటర్ల దూరం మాత్రమే ఉండటంతో ప్రతి ఒక్కరికి ఇక్కడకు చేరేందుకు ఎంతో తేలికగా ఉంటుంది.
ఈ గ్రామాన్ని గురించిన కొన్ని వాస్తవాలు
ఈ గ్రామం ప్రసిద్ధ ఒడిస్సి నృత్యకారిణి ప్రతిమా బేడి చే స్ధాపించబడింది. ప్రాచీన గురుకుల సంప్రదాయ రీతిలో నృత్యాన్ని బోధించాలనే మంచి ఆలోచనతో ఆమె ఈ గ్రామాన్ని స్ధాపించింది. నృత్యగ్రామ్ లో బోధించే నాట్యాలు ఎంతో ప్రసిద్ధి చెందినవి. ఆ గ్రామా సహజ అంద చందాలు ప్రత్యేకించి గ్రామ నిర్మాణంలో వాడిన నిర్మాణ వస్తువుల తయారీ వంటివి సందర్శకులు ప్రతి ఒక్కరికి మరచిపోలేని అనుభవాలుగా ఉంటాయి.
ఈ గ్రామాన్ని ప్రఖ్యాత శిల్పి గెరార్డ్ డా కున్హా రూపొందించారు. బయలు ప్రదేశాలు, అక్కడి పచ్చదనాలు, మట్టి నిర్మిత భవనాలు ఈ నృత్యగ్రామ్ కు గ్రామీణ శోభను కల్పిస్తాయి. నృత్యగ్రామ్ సందర్శించాలంటే, వసంత హబ్బ పండుగ సమయంలో దర్శించాలి. ఈ పండుగ వసంతరుతువులో ఇక్కడ జరుపుతారు. ఈ సమయంలో ప్రపంచవ్యాప్త కళాకారులు ఇక్కడకు వచ్చి పాల్గొని తమ తమ ప్రతిభా పాటవాలను ప్రదర్శించుకుంటారు.
నృత్యగ్రామ్ సందర్శించేవారికి హీసరఘట్ట రిజర్వాయర్ చూసే అవకాశం కూడా ఉంటుంది. ఈ రిజర్వాయర్ డ్యాన్స్ గ్రామానికి షుమారు అయిదు కి.మీ. దూరంలో మాత్రమే ఉంటుంది. ఇది మానవ నిర్మిత సరస్సు. షుమారు 1124 ఎకరాల విస్తీర్ణంలో 1894 లో నిర్మించారు. నృత్యగ్రామ్ ఆది మరియు సోమవారాలలో మూసివేయబడి ఉంటుంది.