కోరమాండల్ తీరాన వున్న పులికాట్ తమిళనాడు లోని చిన్న, అందమైన కోస్తా తీర పట్టణం. 17 వ శతాబ్దం నాటి డచ్చి సెటిల్మెంట్ ప్రాంతం అయిన ఈ పట్టణం సజీవ, వైవిధ్య సాంస్కృతిక సంప్రదాయాలు కలిగి వుంది. ఐతే ఈ ప్రాంతం చరిత్ర డచ్చి వారి ఏలుబడి తోనే అయిపోలేదు - చరిత్ర లోని వేర్వేరు కాలాల్లో పోర్చుగీస్, బ్రిటిష్ వారికి కూడా పులికాట్ పెట్టని కోటగా వుండి ఈ ప్రాంతపు సాంస్కృతిక వారసత్వాలకు దోహద పడింది. ఓడ రేవుగా, వాణిజ్య కేంద్రంగా వుండే ఈ పట్టణం గడచినా శతాబ్దాలలో తమిళనాడు వాణిజ్యానికి భారీగా సాయపడింది.
పులికాట్ పర్యాటకుల్లో రెండు విషయాలకు ప్రసిద్ది చెందిదిని – పులికాట్ సరస్సు, పక్షుల అభయారణ్యం. పులికాట్ లోని సరస్సు భారత దేశంలోని రెండో అతి పెద్ద ఉప్పు నీటి సరస్సుగా పేరొందిన కారణంగా ప్రతి ఏటా లక్షలాది యాత్రికులను ఆకర్షిస్తోంది. పులికాట్ సరస్సులో కలిసిన భౌగోళిక ప్రాంతం ప్రతి ఏటా వలస వచ్చే అనేక జాతుల పక్షులకు ఆవాస కేంద్రంగా కూడా పనిచేస్తోంది. పక్షి జాతుల వైవిధ్యం వల్ల విహంగ వీక్షణం ఇక్కడి ప్రసిద్ధ కాలక్షేపం.
డచ్చి చర్చి, డచ్చి సమాధులు, దీపగ్రుహం, చింతమనీశ్వరార్ దేవాలయం, పెరియ పల్లివసాల్ లాంటి అనేక ఇతర పర్యాటక ఆకర్షణలు కూడా పులికాట్ లో వున్నాయి. ఇక్కడి చర్చిలు, ప్రాచీన భవంతులు, సమాధుల నిర్మాణంలో డచ్చి వారి ప్రభావం బాగా కనిపిస్తుంది.
చెన్నై నుంచి సుమారు 60 కిలోమీటర్ల దూరంలో వుండే పులికాట్ కు రోడ్డు ద్వారా తేలిగ్గా చేరుకోవచ్చు. ఉష్ణమండల వాతావరణం ఉన్నప్పటికీ ఈ ప్రాంతాన్ని తీవ్ర వేసవి లోను భారీ వర్షాల్లోను తప్ప ఎప్పుడైనా సందర్శించ వచ్చు. ప్రాకృతిక సౌందర్యం, అద్భుతమైన పక్షుల సంతతి, వారసత్వ భవంతులు, గొప్ప సాంస్కృతిక చరిత్ర పర్యాటకులకు, చరిత్ర ప్రేముకులకు పసందైన విహార కేంద్రం.