(పులికాట్ సరస్సు వన్యప్రాణి అభయారణ్యంగా పిలువబడే) పులికాట్ పక్షి అభయారణ్యం ఈ తీరప్రాంత పట్టణం లోని ప్రధాన ఆకర్షణ. ఈ అభయారణ్యం సంరక్షణలో వున్న 481 చదరపు కిలోమీటర్ల ప్రాంతం తమిళనాడు, ఆంధ్రప్రదేశ్ రాష్ట్రాలలోని వివిధ జిల్లాల్లో వుంది. ఒరిస్సాలోని ప్రసిద్ధ చిలకా సరస్సు తర్వాత రెండో అతి పెద్ద ఉప్పునీటి పర్యావరణ వ్యవస్థగా ఈ సరస్సు, అభయారణ్యం పేరుగాంచింది.
ఈ అభయారణ్యంలోని జీవవైవిధ్యం ప్రపంచ వ్యాప్తంగా లక్షలాది పర్యాటకులను, వన్యప్రాణి ప్రేమికులను ఇక్కడికి ఆకర్షిస్తుంది. ఇక్కడి పక్షులలో గ్రేటర్ ఫ్లెమింగో పక్షులు, పెలికాన్లు, సీగల్, ఎగ్రేట్, హెరాన్ లతో పాటు వివిధ జాతుల బాతులు, గద్దలు కూడా వున్నాయి. ఈ అభయారణ్యం వున్న ప్రాంతం తమిళనాడు, ఆంద్ర ప్రదేశ్ రాష్ట్రాల అటవీ శాఖల అధీనంలో వుంది.
ఈ అభయారణ్యం వలస పక్షులేన్నిటికో వసతి కల్పిస్తుంది, దీన్ని నవంబర్ నుంచి ఫిబ్రవరి మధ్య సందర్శించాలి. పర్యాటక శాఖ ప్రతి ఏటా డిసెంబర్ జనవరి నెలల మధ్య నిర్వహించే ఫ్లెమింగో ఉత్సవం అనేక మంది పర్యాటకులను ఆకర్షిస్తుంది.