పునలూర్ తమిళ నాడు మరియు కేరళ రాష్ట్రాల సరిహద్దులలో కల ఒక చిన్న సుందరమైన పట్టణం. పునలూర్ పేపర్ మిల్లు స్ధాపనతో ఈ పట్టణం కేరళలోని పారిశ్రామిక విప్లవానికి ఒక నాందిగా చెపుతారు. కల్లాడ నది పునలూర్ పట్టణం గుండా ప్రవహిస్తుంది. పునల్ అంటే తమిళం మరియు మళయాళం భాషలలో నీరు అని అర్ధం ఊరు అంటే స్ధలం అని అర్ధం. కనుక దీనిని టవున్ ఆఫ్ వాటర్ లేదా నీటి ఊరు అని పిలుస్తారు. పాతానపురం తాలూకా అనే పేరుతో పడమటి కనుమల పాలనా ప్రధాన కార్యాలయం ఈ ప్రదేశంలో కలదు. ఈ పట్టణాన్ని పడమటి కనుమల ఒడి అని కూడా అంటారు. దక్షిణాదిన ఇది అయిదవ పెద్ద పట్టణం. పునలూర్ దేనికి ప్రసిద్ధి?

పునలూర్ దాని పైన్ ఆపిల్స్, ప్లైవుడ్, పెప్పర్, మరియు కలపలకు ప్రసిద్ధి. అంతేకాదు, సుమారు 19వ శతాబ్దంలో బ్రిటీష్ వారిచే నిర్మించబడిన ఇక్కడి వేలాడే వంతెన జాతీయ కట్టడంగా గుర్తింపు పొందింది. ఇపుడు ఈ బ్రిడ్జి ఉపయోగంలో లేనప్పటికి, దాని సంరక్షణ కొరకై ఇటీవలే పునరుద్ధరించబడింది. పునలూర్ లో ఆగస్త్య మలై అనే జీవ సంరక్షణాలయం కూడా కలదు.

పునలూర్ లో సైట్ సీయింగ్

కల్లాడ నది అనేక సుందర ప్రదేశాలు కలిగి ఉంది. శబరిమల అయ్యప్ప దర్శనానికి వెళ్ళే యాత్రికులందరూ ఈ పట్టణం చూసి ఆనందించి వెళతారు. పండుగ రోజులలో మరింత అందంగా ఉంటుంది. తేన్మల ఎకో టూరిజం ప్రాజెక్టు లో భాగమైన శంధురాని అడవి ఈ పట్టణానికి మరో ప్రధాన ఆకర్షణ. మీరు ఇక్కడ హైకింగ్, మౌంటెన్ బైకింగ్ వంటివి చేయవచ్చు. సాహస ప్రియులకు ఇది చక్కటి ప్రదేశం. అందమైన పలరువి జలపాతాలు, మరియు పురాతన కుర్తాళం జలపాతాలు మరి కొన్ని ఆకర్షణలు. పురాతన దేవాలయాలైన పట్టాజీ దేబి దేవాలయం మరొక ఆకర్షణీయ ప్రదేశం.