సింధు నాగరికత కాలంనాటి మూలాలు రోహటక్ లో ఉన్నాయని విశ్వసిస్తారు. ఖోఖ్రకోట్ దగ్గర బయల్పడిన మినార్లు సింధునాగరికత కాలంనాటి ప్రత్యేకత కల్గినవి. దీని ప్రస్తావన మహాభారతంలో రోహిటికగా ఉంది. రోహటక్, బహుశా యధ్యయాసుల సామ్రాజ్యం బహుధాన్యక రాజధాని కూడా అయిఉండవచ్చు. 3-4 శతాబ్ద కాలానికి చెందిన యధ్యయాసుల నాణేల అచ్చులను భారీ సంఖ్యలో కనుగొన్నారు. కుషానుల కాలంలో ఈ పట్టణం ఉందనడానికి నిదర్శనంగా కుషానుల మూల స్థూపాన్ని ఇక్కడ కనుగొన్నారు. ఈ స్థూపంపై రెక్కల సింహాలు, రౌతుల బొమ్మలు చెక్కి ఉన్నాయి.
రోహటక్ క్రీ.శ. 10 వ శతాబ్దం వరకు అభివృద్ధి చెందిందని విశ్వసిస్తారు. ప్రస్తుతం, రోహటక్ అనేక విద్యాసంస్థలకు నివాసం. ఇది భారత అల్పాహారం రేవడికి కూడా ప్రసిద్ధి.
రోహటక్ లోనూ, చుట్టూ ఉన్న పర్యాటక ప్రాంతాలు
రోహటక్ లో జరిపిన తవ్వకాలలో బూడిదతో చిత్రించిన కళాఖండాలు ఉన్న ఒక హరప్పా ప్రదేశం బయల్పడింది. మహాభారత కాలానికి చెందిన ఈ ప్రదేశం, మదీనా-సమర్ గోపాలపూర్ రోడ్డులో గిరవాడ్ గ్రామంలో కనుగొన్నారు. ఢిల్లీ-హర్యానా సరిహద్దు నుండి సుమారు 42 కిలోమీటర్ల దూరంలో ఉన్న తిల్యార్ సరస్సును కూడా మీరు సందర్శించవచ్చు. ఈ సరస్సు చుట్టూ ఒక పచ్చటి ప్రాంతం వ్యాపించి ఉండటం వలన, ఢిల్లీ, దాని చుట్టూ ఉన్న ప్రాంతాలలోని పర్యాటకులను పెద్ద సంఖ్యలో ఆకర్షిస్తుంది.
ఇక్కడ ఉన్న ఒక జూ పులి, చిరుత, జింక, కోతి, పక్షులు, ఇంకా అనేక ఇతర జంతువులకు నివాసం. గురు గోరఖ్ నాథ్ శాఖ కు చెందిన అస్తాల్ బోహర్ అనే ఆశ్రమ౦ లేదా ఒక ఆధ్యాత్మిక అనుచరుల నివాసంలో అవశేషాలు, పురాతన ఆవిష్కరణలు, చెక్కిన రాతి విగ్రహాలు, పవిత్ర గ్రంథాలు, పుస్తకాలు, ధార్మిక ప్రాధాన్యత ఉన్న అనేక ఇతర వస్తువులు ఉన్నాయి.
మహంలోని రాధాకృష్ణుల ఆలయం ఏడాది పొడవునా భక్తులను ఆకర్షిస్తుంది. ఖోకర్లు నిర్మించినట్లుగా విశ్వసించే ఖోఖర్ కోటను కూడా మీరు సందర్శించవచ్చు. ఇది దాని పురోభివృద్ధి కాలంలో ఒక గొప్ప, బలీయమైన కోట కానీ దురదృష్టవశాత్తూ ప్రస్తుతం శిధిలావస్థలో ఉంది.
రోహటక్ లో మహం పట్టణం నడిబొడ్డున జామా మసీదు కూడా ఉంది. మసీదులోని ఒక శిలాశాసనం ప్రకారం దీనిని క్రీ.శ. 1531 లో హుమాయున్ చక్రవర్తి నిర్మించాడు. కాని మరొక శాసనం దీనిని ఔరంగజేబు కాలంలో క్రీ.శ. 1667-68 మధ్య నిర్మించాడని తెలుపుతుంది.
హర్యానాలోని ఇతర అన్ని నగరాల వలె, రోహటక్ లో కూడా ఒక పవిత్రమైన గోకరణ్ చెరువు లేదా గావు కరణ్ చెరువు ఉన్నాయి. ఇది నగరంలోనే ఉంది. ఈ ప్రాంగణంలో ధార్మిక ప్రాముఖ్యత ఉన్న అనేక నిర్మాణాలు, దేవి, దేవతల ఆలయాలు ఉన్నాయి.
రోహటక్ లో ఉన్నప్పుడు, వారాంతపు విహారయాత్రకు, పక్షి ప్రియులకు, ఫోటోగ్రాఫర్లకు అనువైన గమ్యస్థానం భిందవాస్ సరస్సును కూడా మీరు సందర్శించవచ్చు.
రోహటక్ లో వాతావరణం
రోహాతాక్ లో వాతావరణం వైవిధ్యభరితంగా ఉంటుంది.
రోహతాక్ చేరడం ఎలా
రోహటక్ కు చక్కటి రోడ్డు, రైలు, వాయుమార్గం ఉంది.