సలోగ్ర, హిమాచల్ ప్రదేశ్ లో సిమ్లా జిల్లాలోని సోలన్ నుండి 5.3 కి.మీ.ల దూరంలో నెలకొని ఉన్న ఒక ప్రముఖ పర్యాటక కేంద్రం. తోప్-కి-బేర్, మహి, మూల మరియు మాషీవార్ వంటి ఎన్నో సుందరమైన గ్రామాలు ఈ ప్రాంతానికి సమీపంలో ఉన్నాయి. కాందఘాట్, సోలన్, ధర్మపూర్ మరియు కునిహార్ ఇతర సమీప పట్టణాలు.
క్రోల్ కా తిబ్బా, అని పిలవబడే సుందర దృశ్యాలు గల ఒక అందమైన పర్వతం, సలోగ్ర వద్ద ఉన్న ముఖ్యమైన పర్యాటక కేంద్రం. పచ్చని పైన్ మరియు దేవదారు అడవులతో చుట్టబడిన సలోగ్ర, సందర్శకులకి అత్యంత సహజ ప్రాకృతిక సౌందర్యం ఆస్వాదించడానికి అవకాశం అందిస్తుంది. సలోగ్ర యొక్క మంచుతో కూడిన వాలు ప్రదేశాలలో ట్రెక్కింగ్ ఒక అదనపు ఆకర్షణ. బారోగ్ వద్ద 1 కి.మీ దూరంలో ఉన్న, దుష్టశక్తులను నాశనం చేసేవాడిగా పరిగణించబడే హిందూ దైవం శివునికి అంకితం చేయబడిన, ప్రసిద్ధ ఆలయం అనేక మంది సందర్శకులను ఇక్కడికి ఆకర్షిస్తుంది.
సలోగ్రకు ప్రయాణించేవారు ఇక్కడికి కేవలం 41 కి.మీ ల దూరంలో ఉన్న, అనేక పర్యాటక ఆకర్షణలు గల సిమ్లాకు కూడా వెళ్ళవచ్చు. ఈ ప్రదేశం, రాష్ట్రం లోని ఇతర పర్యాటక ప్రాంతాలకు అనుసంధానించబడిన కల్కా రైల్వే స్టేషన్ తో కలపబడి ఉంది.
సలోగ్ర విమాన మార్గం, రైలు మార్గం మరియు రహదారులు వంటి ప్రధాన రవాణా మార్గాల ద్వారా చేరుకోవచ్చు. ఈ ప్రాంతం, ఏప్రిల్ నెల నుంచి జూన్ నెల వరకు సందర్శనకు అనువుగా ఉంటుంది. అయితే, శీతాకాలంలో ప్రతి ఏటా భారీ హిమపాతం ఉన్నప్పటికీ సలోగ్రలో ట్రెక్కింగ్ కు వాతావరణ పరిస్థితులు అనుకూలంగానే ఉంటాయి కాబట్టి, ఆ సమయంలో కూడా విహారయాత్రకు రావచ్చు.