సంగ్రూర్, పంజాబ్ లోని ఒక అందమైన నగరం. సంఘు అనే ఒక జాట్ వ్యక్తీ పేరిట 400 ఏళ్ల నాడు ఏర్పడింది ఈ వూరు. పాటియాలా నుంచి 48 కిలోమీటర్ల దూరంలో వున్న ఈ నగరం ఒకప్పటి జింద్ రాష్ట్రానికి రాజధానిగా వుండేది. సంగ్రూర్ పర్యాటకాన్ని సుప్రసిద్ధం చేసే 20 కి పైగా గురుద్వారాలు వుండే ఈ నగరాన్ని గురుద్వారాల నగరం గా పిలుస్తారు. ఇక్కడి సాంస్కృతిక సౌరభం వల్ల వివిధ దేశాల పర్యాటకులు విరివిగా వస్తారు.

సంగ్రూర్ లోను, చుట్టు పక్కలా పర్యాటక ప్రదేశాలు

శీష్ మహల్, బనసర్ ఉద్యానవనం, గురుద్వారా జనమ్, గురుద్వారా నానక్ ఝిరా సాహెబ్, గురుద్వారా అకోయి సాహిబ్, లాంటివి సంగ్రూర్ పర్యాతకంలో తప్పని సరిగా వుండే ఆకర్షణలు. ఈ గురుద్వారాల్లో సిఖ్ గురువులు కూడా వుంటారు. వివిధ ప్రాంతాల ప్రజలను ఆకర్షించేలా సంగ్రూర్ లో చాలా ఉత్సవాలు నిర్వహిస్తారు. జన్మాష్టమిని చాలా వేడుకగా ఇక్కడ జరుపుకుంటారు.

ప్రతి ఏటా నిర్వహించే గూగ నవమి అనే ఉత్సవానికి దేశం నలు మూలల నుంచి ప్రజలు వచ్చి పాల్గొంటారు. జనవరి నెలలో నిర్వహించే కుకా ఉత్సవం సంగ్రూర్ పర్యాటకం లోని ఉత్సాహాన్ని చూడాలనుకునే పర్యాటకులు మిస్ కాకూడదు. దాంతో పాటు పర్యాటకులు జామా మసీద్ (మలేర్ కోట్లా), ఇలా ముబారక్ (భటిండా), సన్ సెట్ పాయింట్ (కసౌలీ)మ్ కాళీ దేవాలయం (పాటియాలా), వారాంతాల్లో చూడవచ్చు.

సంగ్రూర్ ఎలా చేరుకోవాలి

పంజాబ్ లోని ప్రధాన నగరాలనుంచి రోడ్డు మార్గం ద్వారా అనుసంధానం అయి వుండడం వల్ల ఈ నగరానికి ప్రయాణించడం చాలా తేలిక. జబల్పూర్ ఎక్స్ప్రెస్, అమ్రితసర్ ఎక్స్ప్రెస్స్, పంజాబ్ మెయిల్ లాంటి ప్రధానమైన రైళ్ళు సంగ్రూర్ రైల్వే స్టేషన్ గుండా వెళ్తాయి.

రోజంతా ఆటో రిక్షాల్లాంటి ప్రజా రవాణా సాధనాలు నగరం అంతటా దొరుకుతాయి. పైగా సమీపంలోని చండీఘర్ విమానాశ్రయానికి విమానంలో వెళ్లి అక్కడినుంచి ఒక టాక్సీ లేదా కాబ్ మాట్లాడుకుని సంగ్రూర్ వెళ్ళవచ్చు.

సంగ్రూర్ వాతావరణం

వేసవి చాలా వేడిగా, పొడిగా వుండగా శీతాకాలాలు చాలా చల్లగా, ఆహ్లాదకరంగా వుంటాయి. వర్షాకాలం చాలా కొద్ది కాలం మాత్రమె వుంటుంది. వాతావరణం ఆహ్లాదకరంగా వుండే డిసెంబర్ నుంచి మార్చి వరకు ఈ ప్రదేశాన్ని సందర్శించడం ఉత్తమం, అదే సమయంలో చాలా ఉత్సవాలు నిర్వహిస్తారు.