సర్స భుం చున్ గా ప్రసిద్ది చెందినా సర్చు హిమాచల్ ప్రదేశ్ మరియు లడఖ్ మధ్యలో సరిహద్దులో నెలకొని ఉంది. సముద్ర మట్టం నుండి 4290 మీటర్ల ఎత్తులో ఉన్న ఈ ప్రాంతానికి దక్షిణ వైపున బరలచ ల ఉండగా ఉత్తరం వైపున లచులుంగ్ లా ఉంది. మనాలి నుండి 475 కిలోమీటర్లు ఉన్న లెహ్ కి ప్రయాణించే దారిలో ఈ ప్రాంతంలో ఒక రాత్రి విశ్రమించే సదుపాయం కలదు. శీతాకాలంలో జాతీయ రహదారి మూసి ఉండడం వల్ల పర్యాటకులు సర్చుని సందర్శించలేరు. మంచు కరిగిపోయిన తరువాత మే నుండి సెప్టెంబర్ నెలలలో ఈ దారి తెరుచుకుంటుంది. ఈ సమయం లో నే లెహ్-మనాలి జాతీయరహదారిలో ఈ ప్రాంతాన్ని హాల్టింగ్ ప్లేస్ గా పర్యాటకులు ఉపయోగించుకుంటారు. ఇండియన్ ఆర్మీ కి ఆధారమైన త్సరప్ చు నది ఈ ప్రాంతానికి సమీపంలో ఉంది.
జూన్ నుండి అక్టోబర్ నెలలో ఇక్కడికి ప్రయాణించే పర్యాటకులు చిన్న కుటీరాలలో వసతిని సులభంగా పొందగలుగుతారు. భోజన వసతి కూడా కలదు. లడఖ్ లో ఉన్న జంస్కర్ ప్రాంతం పరిసరాల్లో ట్రెక్కింగ్ చేసే సదుపాయం ఉంది.
ఎండాకాలం లోనే ఈ ప్రాంతాన్ని సందర్శించవలసిందిగా పర్యాటకులకి సిఫార్సు చేయబడుతున్నది. ఎందుకంటే, ఈ కాలంలో సగటు ఉష్ణోగ్రత 25 డిగ్రీల సెల్సియస్ తో పర్యాటకులకి ఈ ప్రాంతం యొక్క అందాలని వీక్షించడానికి అనుకూలంగా ఉంటుంది. జూన్ లో ప్రారంభమై అక్టోబర్ లో ఎండాకాలం ముగుస్తుంది. అక్టోబర్ నెలలో హైవే రూట్ మరియు క్యాంపు మూసి ఉంచబడతాయి. ఈ సమయంలో ఉష్ణోగ్రత -35 డిగ్రీల సెల్సియస్ కి పడిపోతుంది.
255 కిలోమీటర్ల దూరంలో ఉన్న లెహ్ నుండి విమాన సౌకర్యం ద్వారా పర్యాటకులు సర్చుకి చేరుకునేందుకు అవకాశం కలదు. న్యూ ఢిల్లీ, ముంబై, చండిగర్ , త్రివండ్రుం, గోవా మరియు ముంబై వంటి ప్రధాన భారతీయ పట్టణాలకి లెహ్ విమానాశ్రయం చక్కగా అనుసంధానమై ఉంది. విమానాశ్రయం వెలుపల పర్యాటకులని సర్చు కి చేర్చేందుకు షేర్డ్ టాక్సీ లు అలాగే క్యాబ్ లు అందుబాటులో ఉంటాయి. అలాగే, పర్యాటకులు రైళ్ళ ద్వారా కూడా ఈ ప్రాంతానికి చేరుకోవచ్చు. ఇక్కడికి సమీపంలో ఉన్న రైల్వే స్టేషన్ 581 కిలోమీటర్ల దూరంలో ఉన్న జమ్మూ రైల్వే స్టేషన్. రోడ్డు మార్గం ద్వారా ఈ ప్రాంతానికి చేరాలనుకునే పర్యాటకులకు మనాలి నుండి బస్ సర్వీసులు అందుబాటులో ఉంటాయి లేదా టాక్సీల ద్వారా ప్రైవేటు బస్సుల ద్వారా ఇక్కడికి చేరుకోవచ్చు.