సింకెరిమ్ బిజీ ప్రాంతమే. కాని ప్రశాంతత కలిగి ఉంటుంది. గోవాలోని పార్టీలు, బీచ్ ల మధ్య విసుగెత్తిన పర్యాటకులు ఈ బీచ్ లో రిలాక్స్ అవచ్చు. సింకేరిం బీచ్ రాజధాని పనాజికు మరియు ప్రసిద్ధ కండోలిం బీచ్ కు 13 కి.మీ.ల దూరంలో మాత్రమే కలదు. కనుక ఇక్కడకు చేరటం తేలిక.
బీచ్ ప్రశాంతంగా ఉండి కొన్ని నీటి క్రీడలను కూడా అందిస్తుంది. మిమ్మల్ని ఇబ్బంది పెట్టే బ్రోకర్ల వంటి వారు కూడా ఇక్కడ ఉండరు. ఈ ప్రాంతంలో మీరు ఒక పిక్ నిక్ స్పాట్ కొరకు చూస్తూ ఉంటే, సుమారు 2 కి.మీ.ల దూరంలో అర్వలం జలపాతాలున్నాయి. ఈ జలపాతాలు సుమారు 50 మీటర్ల ఎత్తునుండి పడతాయి. ఎంతో శుభ్రమైన కొండల నీరు ప్రవహిస్తుంది. ఈ జలపాతాలు రుద్రేశ్వర్ దేవాలయానికి సన్నిహితంగా ఉంటాయి. అక్కడనుండి సమీపంలోని అరవలం గుహలు కూడా చూడవచ్చు. అయితే, అధిక సమయం ఇక్కడ వెచ్చించాల్సిన అవసరం లేదు.
మరోమారు సింకేరిం బీచ్ పరిశీలిస్తే, ఇక్కడ అనేక షాక్స్ లేదా గుడిసెలు ఉంటాయి. వీటిలో చవకబారు ఆల్కహాల్ తో పాటు రుచి పచి లేని గోవా ఆహారాలు లభిస్తాయి. కండోలిం నుండి సింకేరిమ్ రావటం తేలిక. టాక్సీలు, రిక్షాలు ఉంటాయి. పాణజిం నుండి ఉత్తరంగా వెళ్ళే బస్ లేదా టాక్సీలు లభ్యంగా ఉంటాయి. లేదా పాణజిం లో బైక్ అద్దెకు తీసుకొని సింకేరిం, ఇంకా ఇతర బీచ్ లైన కండోలిం, అంజునా, బాగా మరియు కాలన్ గూటే లు కూడా చూడవచ్చు.