మహె లోని ప్రసిద్ధ పర్యాటక ఆకర్షణ, వారసత్వ భవనం అయిన ప్రభుత్వ గృహం, 1855 లో ఫ్రెంచ్ పాలకులు నిర్మించారు. టాగోర్ పార్క్ కు దగ్గరగా వున్న ఈ అందమైన ప్రదేశానికి నగరం నుంచి తేలిగ్గానే చేరుకోవచ్చు.ఈ ప్రభుత్వ గృహంలో వున్న ప్రాచీన దీపగృహం, జండా స్థంభం ప్రధాన ఆకర్షణలు. 1720లలో ఫ్రెంచ్ వారు మహె తీరానికి వచ్చినప్పుడు నిర్మించిన ఈ దీపస్తంభం ఎంతో మంది నావికులకు, వర్తకులకు దారి చూపింది. ఈ గృహంలో కొద్దిగా పైకి ఎక్కితే అరేబియన్ సముద్రపు అందమైన దృశ్యం కనపడుతుంది.
ఫ్రెంచి నిర్మాణ వైభవానికి ఈ భవనం గొప్ప నమూనాగా నిలుస్తూ, ఫ్రెంచి హయాంలోని వైభవాన్ని తెలియచేస్తుంది. ఈ భవనం వెనక వైపు వున్న చిన్న అడవి ఒక గొప్ప వ్యూ పాయింట్ ను ఆవిష్కరిస్తు౦ది. సాయంత్రపు షికారుకు, అందమైన వ్యూ పాయింట్ కు అనువుగా వుండే ఈ ప్రభుత్వ గృహం యాత్రికులను ఆహ్లాదపరుస్తుంది.