Search
  • Follow NativePlanet
Share
» »వెయ్యేండ్ల ఆ గుడిలో ఎన్నో అంతుచిక్కని రహస్యాలు !

వెయ్యేండ్ల ఆ గుడిలో ఎన్నో అంతుచిక్కని రహస్యాలు !

అదోక గుడి. అందులో భారతదేశంలోనే అతిపెద్ద శివలింగం ఉంది. వెయ్యేండ్ల ఆ గుడిలో ఎన్నో అంతుచిక్కని రహస్యాలు దాగి ఉన్నాయి. అదే బృహదీశ్వరాలయం! ఈ ప్రాచీన హిందూ దేవాలయం మరెక్కడో కాదు తమిళనాడు లోని తంజావూరు.

By Mohammad

అదోక గుడి. దానికి వెయ్యేండ్లు నిండాయి. అందులో భారతదేశంలోనే అతిపెద్ద శివలింగం ఉంది. అదే బృహదీశ్వరాలయం. ఈ ప్రాచీన హిందూ దేవాలయం మరెక్కడో కాదు తమిళనాడు లోని తంజావూరు లో ఉన్నది. దీనిని క్రీ.శ.11 వ శతాబ్దంలో చోళుల పాలకుడు మొదటి రాజరాజచోళుడు నిర్మించాడు.

తమిళనాడులో కావేరీ నదికి దక్షిణాన ఉన్న తంజావూరులో ఉంది బృహదీశ్వరాలయం. విశాలమైన ఈ ఆలయానికి చేరడానికి మూడు ద్వారాలున్నాయి. మొదటి ద్వారం అనగా ప్రవేశద్వారం 'కేరళాంతకన్‌', రెండో ద్వారం 'రాజరాజన్‌ తిరువసల్‌', మూడో ద్వారం 'తిరువానుక్కన్‌ తిరువసల్‌'. ఈ బృహదీశ్వరాలయా న్ని నిర్మించిన రాజరాజచోళుడి పేరున 'రాజరాజేశ్వరాలయం' అని కూడా పిలుస్తారు. ఈ ఆలయం వాస్తు, శిల్ప, చిత్రలేఖన కళ లన్నిటి సంగమం అని చెప్పవచ్చు.

చోళుల అద్భుత కట్టడం - ఐరావతేశ్వర ఆలయం !

ఇవి మీకు తెలుసా ?

క్రీ.శ 1954లో మొట్టమొదటిసారిగా ఇండియాలో రూ.1000 నోటు చలామణిలోకి వచ్చింది. ఆనాడు భారత ప్రభుత్వం ఆ నోటుమీద బృహదీశ్వరాయం బొమ్మను ముద్రించింది. తరువాత 1975లో భారత ప్రభుత్వం వెయ్యి రూపాయల నోటును నిషేధించింది.

రాజరాజచోళునిచే 1010వ సంవత్సరంలో తంజా వూరులో నిర్మించిన బృహదీశ్వరాలయానికి వెయ్యి సంవత్సరాలు నిండిన సందర్భంగా, సహస్రాబ్ది ఉత్స వాలకు తపాలాశాఖ 26-9-2010 న బృహదీశ్వరాలయం బొమ్మలతో ఒక ప్రత్యేక తపాలా బిళ్లను విడుదల చేసింది. మన దేశంలో ఉన్న అతిపెద్ద గర్భగుడి, విమాన గోపురం ఉన్న దేవాలయం ఇదే. భూమినుండి స్తుపి వరకు 66మీ ఎత్తులో అద్భుత శ్పికళా సంపదతో అలరారే ఈ దేవాలయం ప్రపంచ వారసత్వ ప్రదేశంగా గుర్తించబడింది.

స్వామిమలై - 'దేవుని పర్వతం' !

కట్టడానికి సలాం ..!

కట్టడానికి సలాం ..!

మిస్టరీలకు నిలయం తంజావూరు బృహదీశ్వర ఆలయం. ఎక్కడా సిమెంట్, ఉక్కు అన్నమాటకు తావులేకుండా నిర్మించిన ఈ దేవాలయాన్ని చూస్తే అప్పటి టెక్నాలజీకి సలాం చేయకమానరు.

చిత్రకృప : Jean-Pierre Dalbéra

శివలింగం

శివలింగం

వెయ్యేళ్ల కిందట కట్టిన ఈ ఆలయం అప్పట్లో ఇండియాలోనే అతిపెద్ద ఆకాశహర్మం. 13 అంతస్తులు కలిగిన ఈ ఆలయంలో ఇండియాలోనే అతిపెద్ద శివలింగం ఉన్నది. దీని ఎత్తు 3. 7 మీటర్లు.

చిత్రకృప : Vsvs2233

నంది

నంది

శివుని వాహనం నంది కూడా తక్కువేం కాదు. ఇదొక ఏకశిలా విగ్రహం. 20 టన్నుల బరువు, 2 మీటర్ల ఎత్తు, 6 మీటర్ల పొడవు, 2. 5 మీటర్ల పొడవు కలిగి ఉంటింది.

చిత్రకృప : MADHURANTHAKAN JAGADEESAN

గ్రానైట్ రాయి

గ్రానైట్ రాయి

ఈ ఆలయం నిర్మించటానికి సిమెంట్, ఉక్కు వాడలేదు. పూర్తిగా 13 అంతస్తులు గ్రానైట్ రాయితోనే కట్టించారు.

చిత్రకృప : Gmuralidharan

గోపురం

గోపురం

ప్రధాన ఆలయానికి గోపురం హైలెట్. 13 అంతస్తులు ఎటువంటి వాలు సహాయం లేకుండా నిలబడటం అనేది.

చిత్రకృప : Ryan

మధ్యాహ్నం

మధ్యాహ్నం

ఇక్కడ ఆశ్చర్యపరిచే మరో అంశం మిట్టమధ్యాహ్నం ఆలయం యొక్క గోపురం నీడ ఎక్కడా పడకపోవడం. గుడి నీడన్న పడుతుందేమో గానీ గోపురం నీడ అస్సలు పడదు.

చిత్రకృప : Kochapz

సువిశాలం

సువిశాలం

ఆలయ శబ్ద పరిజ్ఞానాన్ని మెచ్చుకోకతప్పదు. ఆలయ ప్రాంగణం సువిశాలంగా ఉంటుంది. ఇక్కడ మనం మాట్లాడుకొనే శబ్దాలు మళ్ళీ ప్రతిధ్వనించవు.

చిత్రకృప : simianwolverine

సొరంగాలు

సొరంగాలు

ఆలయంలో అనేక సొరంగమార్గాలు ఉన్నాయి. కొన్ని తంజావూరులోని ఆలయాలకు దారితీస్తే, మరికొన్ని మరణానికి దారితీసేవిగా ఉన్నాయి. వీటిని రాజరాజచోళుడు తగుజాగ్రత్తల కోసం ఏర్పాటుచేసుకున్నాడని చెబుతారు.

చిత్రకృప : Vengolis

రాతితోరణాలు

రాతితోరణాలు

గుడిలో ఆశ్చర్యపరిచే మరో టెక్నాలజీ అంశం గుడి చుట్టూ ఉన్నరాతి తోరణాలు. ఈ తోరణాల యొక్క రంధ్రాలు ఆరు మీ.మీ ల కన్నా తక్కువ సైజులో వంపులతో ఉంటాయి. అంత చిన్నగా ఎందుకు పెట్టారో ఎవరికీ తెలీదు.

చిత్రకృప : MADHURANTHAKAN JAGADEESAN

విశేషాలు

విశేషాలు

వందల సంవత్సరాల క్రితం నాటి గుడులు ఇప్పుడు శిధిలావస్థ దశలో ఉంటాయి. అయితే ఈ గుడి మాత్రం చెక్కుచెదరకుండా అత్యద్భుతంగా, ఇప్పుడిప్పుడే కట్టారా ? అన్న రీతిలో ఉంటుంది. ఇన్ని వింతలు, విశేషాలు నెలకొన్న ఈ గుడి ప్రపంచ వారసత్వ జాబితాలో చేరింది.

చిత్రకృప : brehadeesh kumar

మిస్టరీయే ..!

మిస్టరీయే ..!

ఒకప్పుడు సువిశాల రాజ్యానికి కేంద్రబిందువువైన తంజావూరు ఇప్పుడు ఒక కుగ్రామం మాత్రమే. ఈ నగరం ఎలా అంతరించిందో చరిత్రకు సైతం అంతుపట్టలేదు.

చిత్రకృప : Mdjaveed01

శిల్పం

శిల్పం

గుడి చుట్టుపక్క ప్రాంతాలలో ఇప్పటికీ పురావస్తుశాఖ వారు తవ్వకాలను జరుపుతున్నారు. తవ్వకాలు జరిపిన ప్రతిసారి ఎదో ఒక శిల్పమో లేదా ఆనాటి కాలానికి సంబంధించిన వస్తువో బయటపడుతూ ఉంది ... ఆనాటి వైభవాన్ని చాటుతూ ఉంది.

చిత్రకృప : Ryan

బస్సులలో

బస్సులలో

తంజావూరు కు సమీపాన ట్రిచి, చెన్నై విమానాశ్రయాలు మరియు రైల్వే జంక్షన్ ఉన్నాయి. ఇక్కడి నుండి ప్రభుత్వ లేదా ప్రవేట్ బస్సులలో తంజావూర్ చేరుకోవచ్చు.

చిత్రకృప : Mugilkmv

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X