వోఖ లోని పండుగలలో తోఖు ఏమంగ్ పండుగ అతి పెద్దది. పంట కోతల తర్వాత తొమ్మిది రోజుల పాటు అత్యుత్సాహంతో లోథా తెగ వారు ఈ పండుగను జరుపుకుంటారు. పంట సేద్య౦లోని కష్టాకాల౦ చివరగా తమ తీవ్ర కృషి ఫలానికి సంతోషిస్తూ ఈ పండుగను జరుపుకుంటారు. ఈ పండుగ సందర్భంగా పురుషులు, స్త్రీలు రంగురంగుల సాంప్రదాయ దుస్తులలో ముస్తాబౌతారు. అంతటా ఐకమత్యం, సోదరభావం కనబడుతుంది. ఈ సమయంలో ఇక్కడి ప్రజలందరూ ఒకరికొకరు గౌరవం, కృతజ్ఞత ప్రదర్శిస్తారు.
మీరు మరింత దగ్గరగా నాగా సంప్రదాయాన్ని చూడాలనుకొంటే తోఖు ఎమాంగ్ పండుగ అన్నింటి కంటే ఎంతో ఉత్తమమైనది. ప్రతి ఏటా నవంబర్ మొదటి వారంలో జరుగే ఈ పండుగలో మీకు స౦ప్రదాయ సంగీత, నృత్యాలు కనువిందు కల్గిస్తాయి. వాటి శ్రేష్ఠమైన రుచికి ప్రసిద్ధి చెందిన అనేక రకాల నాగా మాంసాహార వంటకాలను రుచి చూడటం మరవకండి.