యానాలోని అసాధారణ కొండ ప్రాంతాలు యాత్రికులను, ప్రకృతి ప్రియులను, ట్రెక్కర్లను విశేషంగా ఆకర్షిస్తాయి. పడమటి కనుమలలోని సహ్యాద్రి పర్వత శ్రేణులలోని ఈ ఈ చిన్న గ్రామంలో కల ఈ రాతి నిర్మాణాలు యానా కు ప్రధాన ఆకర్షణ. ఈ గ్రామం ఉత్తర కన్నడ జిల్లాలో ఉంది. దగ్గరి పట్టణాలైన కుంటా 29 కి.మీ.ల దూరంగాను, సిర్శి 55 కిలో మీటర్ల దూరంలోను కలవు.

ప్రదేశ ఇతిహాస చరిత్ర - పౌరాణిక ఇతిహాసాల మేరకు యానా ప్రనదేశానికి ప్రత్యేక గుర్తింపు కలదు. ఇక్కడి రాతి నిర్మాణాలకు సంబంధించి అనేక గాధలున్నాయి. వాటిలో ఒకటి శివుడు భస్మాసురుడనే ఒక రాక్షసరాజు  తనను తరుమూతూ ఉంటే  ఈ రాతి నిర్మాణాలలో  ఒకటైన భైరవేశ్వర శిఖరంపై  తలదాచుకున్నాడని చెపుతారు. మరో రాతి నిర్మాణం అంటే జగన్మోహినిగా చెప్పబడేది శివుడిని రక్షించేందుకు మోహిని అవతారం ఎత్తిన శ్రీ మహావిష్ణువు అని భావిస్తారు.

ఈ పురాణ గాధలే కాక, ఈ ప్రదేశంలో అంటే యానాలో మహా శివరాత్రి పండుగను అత్యంత వైభవంగాజరుపుతారు. పదిరోజులపాటు చేసే ఈ వేడుకలలో సాంప్రదాయ నృత్యాలు, సంగీత కచేరీలు, యక్షగానాలు నిర్వహిస్తారు. ఇక్కడే ఒక గుహ దేవాలయం మరియు ఒక జలపాతం కూడా ఉన్నాయి.  దీనికి గోవా సమీప విమానాశ్రయం. ఇది సుమారుగా 181 కి.మీ.ల దూరంలో ఉంది. యానా కు హుబ్లీ రైలు స్టేషన్ సమీపం. కుంటా మరియు సిర్సిలనుండి రాష్ట్ర రోడ్డు రవాణా బస్సులు నడుస్తాయి.