ఉత్తర కన్నడ జిల్లాలోని యానా గ్రామంలో విభూతి జలపాతాలు ప్రసిద్ధి గాంచినవి. ఈ ప్రాంత పర్యటనకు వచ్చినవారు వీటిని తప్పక చూస్తారు. ఈ జలపాతం 30 అడుగుల ఎత్తునుండి పారుతూ దట్టమైన అడవులు, వెదురు తొటలలో పారుతుంది. చుట్టూ అనేక రకాల పూవులు కూడా అందంగా కనపడతాయి. అక్కడకు సమీపంలో ఉన్న సున్నపురాయి కారణంగా దీనికి విభూతి జలపాతాలని పేరు వచ్చిందని స్ధానికులు చెపుతారు.
సున్నపు రాయి ప్రదేశం కాక, ఇక్కడే మరో రెండు అతి పెద్ద రాతి ప్రదేశాలు కూడా ఉన్నాయి. దీనికి చేరాలంటే కాలినడకన మాత్రమే వెళ్లాలి. ప్రధాన జలపాతం నుండి ఇది రెండు కి.మీ.ల దూరం ఉంటుంది. అయితే, పర్యాటకులు తరచుగా నడిచే అడవి బాట ఉంటుంది. అది ఒకవైపు వ్యవసాయ భూములు మరోవైపు అడవులు కలిగి ఉంటుంది.