యల్లాపూర్ పట్టణం చిన్నదే కావచ్చు. కాని దానికిగల సహజ అందాలు ఒక్కసారి పరవశింప జేస్తాయి. సహజ అడవులు, జలపాతాల కారణంగా పర్యాటకులు అధిక సంఖ్యలో ఆకర్షించబడతారు. యల్లాపూర్ పడమటి కనుమలలో ఉత్తర కన్నడ జిల్లాలో ఉంది. సముద్రమట్టానికి సుమారు 1774 అడుగుల ఎత్తున సుందర జలపాతాలు కొండలనుండి కింది లోయలకు ప్రవహించి పర్యాటకులకు ఆనందం కలిగిస్తాయి.

 యల్లాపూర్ లో ఏం చూడాలి? ఏం చేయాలి? సటోడ్డి జలపాతాలు రాష్ట్రంలోనే ప్రసిద్ధి చెందిన జలపాతాలు. ఈ జలపాతాలకు వెళ్ళే మార్గం ఎంతో అందంగా కనపడుతుంది. మాగోడ్ జలపాతాలు మరింత అందంగా ఉండి ఆశ్చర్య చకితులను చేస్తాయి.

యల్లాపూర్ గ్రామం దట్టమైన అడవులు కలిగి అంతులేని జీవ వైవిధ్యం కలదిగా ఉంటుంది. అడవిలో ట్రెక్కింగ్ అద్భుతంగా ఉంటుంది. వివిధ మొక్కలు, పక్షులు, జంతువులు కనపడతాయి. అడవి మధ్యలో కల కవి కెరె సరస్సు ప్రశాంత వాతావరణం కలిగిస్తుంది. యల్లాపూర్ నుండి 30 కిలో మీటర్ల దూరంలో గల కలాచే గ్రామంలో దుర్గా దేవి దేవాలయం కలదు. తప్పక చూసి ఆనందించదగిన ప్రదేశం ఇది.  

ఈ పట్టణ సమీపంలో హుబ్లీ రైలు స్టేషన్ కలదు. ఇక్కడినుండి బెంగుళూరు, మంగుళూరు మరియు చెన్నైలకు రైలు ప్రయాణం తేలిక. యల్లాపూర్ నుండి హుబ్లీ 500 కి.మీ.ల దూరం కలిగి ఉంటుంది. ఈ దూరాన్ని టాక్సీలు లేదా బస్ లలో ప్రయాణించాలి. వర్షాకాలంలో ఈ జలపాతాలను సందర్శించటం చాలా కష్టం. నవంబర్ నుండి ఏప్రిల్ వరకు వీటిని సౌకర్యవంతంగా చూడవచ్చు.