కైమూర్ బీహార్ లోని ఉజ్వలమైన వారసత్వం ఉన్న, ఎంతో శక్తివంతమైన ప్రాంతాలలో ఒకటి. బీహార్ లోని పశ్చిమ భాగంలో ఉన్న కైమూర్ జిల్లా ప్రధాన కార్యాలయం భబువలో ఉంది. మైదానాలు పచ్చని ఒండ్రు నేలలతో కూడి ఉండగా, పీఠభూమి ప్రాంతాలు రాళ్లతో నిండి ఉంటాయి. నగర సరిహద్దులలో కర్మనాశ, దుర్గావతి, కుద్ర నదులు ఉన్నాయి.
కైమూర్ చరిత్ర కైమూర్ క్రీ.పూ. 6 వ శతాబ్దం నుండి క్రీ.శ. 5 వ శతాబ్దం వరకు మౌర్యులకు ముందు గుప్తులకు తర్వాత మగధ సామ్రాజ్యంలో ఒక అంతర్గత భాగమైంది. కైమూర్ భారతీయ స్వతంత్ర పోరాటంలో అపారమైన సహకారాన్ని అందించింది.
కైమూర్ లోనూ, చుట్టూ ఉన్న పర్యాటక స్థలాలు
కైమూర్ లోని ప్రధాన పర్యాటక ఆకర్షణలలో కైమూర్ వన్యప్రాణి అభయారణ్యం, బైద్యనాథ్, ముండేశ్వరి మాత ఆలయం, చోర్ఘాటియ, కర్మనాశ నది, సిధనాథ ఆలయం, ఇంకా ఎన్నో చూడదగిన స్థలాలు ఉన్నాయి. కైమూర్ తన పర్యాటకులను నిరుత్సాహ పరచ కుండా ప్రతి ప్రాంత రుచిని చూపెడుతుంది. కైమూర్ చుట్టూ ఉన్న ఆలయాలు, కోటలు, కొండలు, అడవి, జలపాతాలు, చూడచక్కని ప్రదేశాలు కైమూర్ పర్యాటక రంగాన్ని ఒక సమగ్ర బహుముఖ గమ్యస్థాన౦గా మార్చాయి. తెల్హార్, కైమూర్ దగ్గరగా బి.టి రోడ్డులో ఉన్న ఒక అందమైన జలపాతం. సహజ పరిసరాలలో ఉన్న ఈ జలపాతం చక్కగా కనువిందు చేస్తుంది.
కైమూర్ వివిధ తీర్థయాత్ర ప్రాంతాలు, ఆలయాలలో పెద్ద సంఖ్యలో జరిగే హిందూ పండగలు, ఉత్సవాలకు ఆతిధ్యమిస్తుంది. పర్యాటకులు, తీర్థయాత్రికులు కూడా గుంపులు గుంపులుగా దాని ప్రశాంతతను దగ్గరి నుండి చూడటానికి కైమూర్ ను సందర్శిస్తారు.
కైమూర్ వాతావరణం
కైమూర్ ప్రాంతం విభిన్న వాతావరణ పరిస్థితులతో కూడిన వివిధ కాలాలను చవిచూస్తుంది. వేసవి కాలం ఎంతో వేడిగా ఉండగా, శీతాకాలం కూడా తీవ్రంగా ఉండి, అక్టోబర్, మార్చి మధ్య సమయాన్ని నగర పర్యటనకు అనుకూలంగా మలుస్తుంది.
కైమూర్ చేరడం ఎలా
కైమూర్ కు అతి దగ్గరగా ఉన్న వారణాసి, గయా, పాట్న లలో విమానాశ్రయాలు ఉండగా చక్కటి రైలు, రోడ్డు మార్గాలు కూడా ఉంది.