పూంపుహార్ లేదా పుహార్ తమిళనాడు లోని నాగపట్టినం జిల్లా లోని పట్టణం. ప్రాచీన కాలంలో రద్దీగా ఉండే కావేరీ పుహం పట్టినం అనే రేవుగా ఇది ప్రసిద్ది చెందింది. ఒకప్పుడు తమిళనాడును పాలించిన చోళరాజుల రాజధానిగా కూడా ఈ పట్టణం ఉండేది. కావేరీ నది సముద్రంలో కలిసే ప్రదేశానికి దగ్గరలో ఈ పట్టణం ఉంది. క్రీశ 500 లో ఒక సునామీవల్ల ఈ నగరంలో చాలాభాగం దెబ్బతింది. అయినప్పటికీ ప్రాచీన కాలానికి చెందిన టెర్రకోట శిల్పాలు, కుండలు లాంటివి పూంపుహార్ లో బైటపడ్డాయి. తమిళనాడులో అతిప్రాచీన జనావాసంగా కూడా పూంపుహార్ ప్రసిద్ధిచెందింది. ఈనాటి పూంపుహార్ లో స్త్రీ పురుషులు, పిల్లలు కలిసి షుమారు 86000 మందికి పైగా నివసిస్తున్నారు.
పూంపుహార్ లోను, చుట్టుపక్కల ఉన్న పర్యాటక ప్రాంతాలు
మాసిలమని నాతార్ కోవిల్, సిలప్పతికరా ఆర్ట్ గాలరీ అనే రెండు ప్రముఖ నిర్మాణాలు పూంపుహార్ కి ప్రతి ఏటా పర్యాటకులను ఆకర్షిస్తాయి. 14వ శతాబ్దంలో నిర్మించిన మాసిలమని నాతార్ కోవిల్ సముద్రపు ఆటుపోట్లను తట్టుకొని నిలబడింది. ఆనాటి నిర్మాణశైలికి ఇప్పటికీ ఒక అరుదైన ఉదాహరణగా నిలిచింది.
తమిళ పురాణం సిలప్పతికార౦కు గుర్తుగా నిర్మించిన సిలప్పాతికార ఆర్ట్ గాలరీ 7 అంతస్తుల భవంతి. పూంపుహార్ లో వెళ్ళినపుడు తప్పక చూడవలసిన ప్రదేశం. డేనిష్ గవర్నర్ గారి బంగాళా, పట్టణ ప్రవేశద్వారం, పూంపుహార్ సముద్ర తీరం, జియాన్ చర్చ్ ఇక్కడి ప్రముఖ పర్యాటక ఆకర్షణలు.
పూంపుహార్ చేరుకోవడం ఎలా ?
పూంపుహార్ రోడ్డు మార్గం ద్వారా తేలికగా చేరుకోవచ్చు. నాగపట్టినం, త్రిచీ పూంపుహార్ కి సమీప నగరాలు. ఇక్కడికి రైలుద్వారా కూడా చేరుకోవడం తేలిక. పూంపుహార్ కి రైల్వే స్టేషన్ లేదు. కానీ ఇక్కడికి దగ్గరలో ఉన్న నాగపట్టినం రైల్వే స్టేషన్ కు బస్సుద్వారా చేరుకోవచ్చు.
పూంపుహార్ వాతావరణం
కోస్తా ప్రాంతం కావడంవల్ల ఏడాదిలో ఎక్కువ భాగం పూంపుహార్ వాతావరణం వేడిగా, తేమగా ఉంటుంది. వేసవి చాలా వేడిగా ఉంటుంది, కానీ డిసెంబర్ నుండి ఫిబ్రవరి వరకు ఉండే శీతాకాలంలో సంవత్సరంలో మిగిలిన సమయం కంటే చాలా చల్లని వాతావరణం ఉంటుంది. పూంపుహార్ సందర్శనకు ఇదే ఉత్తమ సమయం.