చక్కని విశ్రాంతి సెలవులని ఆహ్లాదంగా గడిపేందుకు త్రిశూర్ ని  సందర్శించడం ఉత్తమం . ఇది కేరళ యొక్క సాంస్కృతిక రాజధాని. కొంత దేవుడు మరికొంత మానవుడి కళా నైపుణ్యం తో అందంగా రూపుదిద్దుకున్న ఈ ప్రదేశం పర్యాటకులని అందాల ప్రపంచం లో కి తీసుకెళ్తుంది. త్రిశూర్ లేదా త్రిశివపెరుర్(మహా శివుడి పేరుతో ఉన్న ప్రాంతం) వడ్డక్కుంనాథన్ క్షేత్రం లో కొలువైన దేవుడి పేరు మీద ప్రాచుర్యం పొందింది.

ప్రాచీన కాలానికి సాక్ష్యం

దైవత్వం, ప్రకృతి మరియు సంస్కృతి ల సమ్మేళనం త్రిశూర్ నగరం. ఈ ప్రాంతం లో ఉండే ప్రాచీన ప్రార్ధనా స్థలాల నిర్మాణ కళలు, దస్తావేజులలో, మ్యూజియం ల లో పొందుపరచిన చారిత్రక సమాచారం, మరెన్నో తరచి తరచి చెప్పించుకోవాలనే విశేషాలు పర్యాటకులలో ఉన్న ఉహాశక్తి ని చైతన్యపరుస్తాయి. పోర్చుగీసు, డచ్ మరియు ఇంగ్లీష్ వారిచే పరిపాలించబడడం వల్ల ఈ నగరం అప్పటి వైభవంతమైన మరియు ఘనమైన గతం తో ఏంతొ మంది పర్యాటకులని ఆకర్షిస్తోంది.

ఇది ఒక నగరం మాత్రమే కాదు

ఎన్నో జలపాతాలు, బీచ్ లు, డ్యాం వంటి వివిధ ఆకర్షణలతో ఈ ప్రాంతం పర్యాటకుల ను అమితంగా ఆకర్షిస్తుంది.

త్రిశూర్ ని ఎప్పుడు సందర్శించాలి?

ఎల్లప్పుడూ సందడిగా ఉండే వాణిజ్య కేంద్రం కావడం వల్ల ఈ నగరంలో అతిద్యానికి లోటు లేదు. పర్యాటకులని అలాగే భక్తులని అత్యధికంగా ఆకర్షించే ఎనిమిది రోజుల పూరం పండుగకి ఈ ప్రాంతం ప్రసిద్ది చెందినప్పటికీ, వేడి మరియు తేమ ల వల్ల ఏప్రిల్ నుండి మే నెల వరకు ఈ ప్రాంతాన్ని సందర్శించకపోవడం ఉత్తమం. అక్టోబర్ నుండి ఫిబ్రవరి వరకు ఈ ప్రాంతాన్ని సందర్శించేందుకు ఉత్తమ సమయం. త్రిశూర్ లో విమానాశ్రయం లేదు. కానీ, బస్సు సర్వీసులు తరచూ వివిధ ప్రాంతాల నుండి అందుబాటులో ఉంటాయి. రైళ్ళ సదుపాయం కూడా కలదు.