ఉత్తర భారత దేశపు అద్భుత పది జలపాతాలు !

భాగ్సు జలపాక్తాలు

భాగ్సు జలపాతాలు ఉత్తర భారత దేశంలో ప్రసిద్ధి చెందిన జలపాతాలు. ఇవి మెక్లెఒద్ గంజ్ కు రెండు కి. మీ. ల దూరంలో కలవు. అందమైన ఈ జలపాతాల నుండి అర్ధ కిలో మీటర్ దూరంలో భాగ్సునాద్ టెంపుల్ కలదు. వర్షాకాలంలో ఈ జలపాతాలు సుమారు 30 అడుగుల ఎత్తులో ఒక గోడ వలే ఏర్పడి ప్రవహిస్తాయి. సందర్శకులు, కాలినడక లేదా ఆటో లేదా టాక్సీ లలో ఇక్కడకు చేరవచ్చు.
Photo Courtesy: Arpan Ganguly

చాచాయి జలపాతాలు

చాచాయి జలపాతాలు ఉత్తర భారత దేశంలోని మధ్య ప్రదేశ్ లో ఒక ఆకర్షణీయమైన జలపాతాలు. ఈ జలపాతాలు సుమారు 130 మీటర్ల ఎత్తునుండి పడతాయి. ఈ జలపాతాలు తమసా నది ఉపనది అయిన బీహాద్ నది నుండి పుడతాయి. ఈ జలపాతాలు ప్రాంతాన్ని అంతా ఆహ్లాదకరంగా చేస్తాయి. ఈ జలపాతాలు ప్రసిద్ధి చెందిన చిత్రకూట్ కొండల చివరన కలవు. చిత్రకూట పర్వతాలకు పౌరాణిక విలువలు కలవని చెపుతారు.
Photo Courtesy: Kumar Chitrang

చిత్రకూట జలపాతాలు

చిత్రకూట జలపాతాలను భారత దేశ నయాగరా జలపాతాలు అని పేర్కొంటారు. ఇండియా లో ఇవి అతి వెడల్పైన జలపాతాలు. ఇవి జగదల్ పూర్ కు సుమారు 38 కి. మీ. ల దూరంలో కలవు. రోడ్డు మార్గంలో ప్రయాణించాలి. చత్తీస్ ఘర్ లో ని జలపాతాలలో ఇవి అత్యంత ప్రసిద్ధి చెందిన జలపాతాలు గా పేర్కొంటారు. చుట్టూ దట్టమైన అడవుల మధ్య అద్భుతంగా వుంటాయి. సుమారు 95 అడుగుల ఎత్తు నుండి పడే ఈ జలపాతాలు చూసేందుకు వేలాది పర్యాటకులు వస్తారు. వర్షాకాలంలో ఇక్కడి నది పూర్తిగా ప్రవహిస్తూ జలపాతాల వెడల్పు మరింత అధికం చేస్తుంది.

Photo Courtesy: Iamg

కార్బెట్ జలపాతాలు

ఉత్తర ఇండియా లోని అందమైన కార్బెట్ జలపాతాలు 60 అడుగుల ఎత్తు నుండి ప్రవహిస్తాయి. ఇవి రాం నగర్ కు 86 కి. మీ. ల దూరంలో కలవు. ఇక్కడ కేమ్పింగ్, పిక్నికింగ్ మరియు బర్డ్ వాచింగ్ వంటివి చేయవచ్చు. సందర్శకులకు అవసరమైన సౌకర్యాలు ఇక్కడి ఫారెస్ట్ డిపార్టుమెంటు చేపడుతుంది. పక్షుల కిల కిలలు , పచ్చటి ప్రదేశాలు, ప్రశాంత వాతావరణం పర్యాటకులకు ఆనందం కలిగిస్తుంది. ఇక్కడ కల ప్రకృతి దృశ్యాలను సందర్శకులు ఉచితంగా ఫోటోలు తీసుకొనవచ్చు. జలపాతాలలో జలకాలు ఆడవచ్చు.

Photo Courtesy: Chanchal Rungta

దస్సం జలపాతాలు

రాంచి కి సుమారు 40 కి. మీ. ల దూరంలో ఈ జలపాతాలు కలవు. ఈ జలపాతాలు కంచి నది ప్రవాహం లో పుడతాయి. అందమైన ఈ జలపాతాలు సుమారు 144 అడుగుల ఎత్తునుండి పడతాయి. ఇక్కడి నదీ ప్రవాహంలో లేదా జలపాతాలలో స్నానాలు చేయవద్దని మొసళ్ళు లేదా పాములు ఉంటాయని హెచ్చరికలు చేస్తారు.
Photo Courtesy: Ranchi Tourism

దౌందార్ జలపాతాలు

ఉత్తర భారత దేశంలో దౌందార్ జలపాతాలు ప్రసిద్ధి. ఇవి సుమారు పదిమీటర్ల ఎత్తు నుండి పడతాయి. ఈ జలపాతాలు నర్మదా నదీ నీటి ప్రవాహం కారణంగా ఏర్పడ్డాయి. సుందరమైన ఈ జలపాతాలు చక్కని మార్బుల్ రాళ్ళ గుండా ప్రవహించి పెద్ద శబ్దంతో అతి వేగంగా జలపాతాలవలె రూపొందుతాయి. అకస్మాత్తుగా పడే ఈ జలపాతాలు అక్కడ పొగమంచు పుట్టిస్తాయి. దౌ అంటే పొగ అని కనుక వీటికి దౌందార్ జలపాతాలు అని పేరు వచ్చిందని చెపుతారు. వేలాది పర్యాటకులు సంవత్సరం పొడవునా సందర్శనకు స్నేహితులు, బంధువులతో పిక్నిక్ లు కు వస్తూనే వుంటారు.
Photo Courtesy: Sandyadav080

దూద్ సాగర్ జలపాతాలు

ఉత్తర భారత దేశంలో దూద్ సాగర్ జలపాతాలు అత్యుత్తమ మైనవిగా పేర్కొంటారు. నాసిక్ సమీపంలోని సోమేశ్వర్ లో కల ఈ జలపాతాలు సుందరమైన దృశ్యంగా సుమారు పది మీటర్ల ఎత్తునుండి పడతాయి. ఈ ప్రదేశం ఒక ప్రసిద్ధ పిక్నిక్ స్పాట్ జలపాతాల దిగువ భాగం చేరేందుకు ఇక్కడ చక్కని మెట్లు కూడా కలవు.
Photo Courtesy: Kumar Chitrang

దూడుమా జలపాతాలు

దూడుమా జలపాతాలను 'మత్స్య తీర్థ' అని కూడా చెపుతారు. ఇవి జీ పోర్ లో ఒక ప్రసిద్ధ ఆకర్షణ. దూడుమా జలపాతాలు మాచకుండ్ నది నుండి పుడతాయి. నార్త్ ఇండియా లోని సుందరమైన ఈ జలపాతాలు సుమారు 157 అడుగుల ఎత్తునుండి ప్రవహిస్తాయి. మాచ్ కుండ్ ప్రదేశం శ్రీ చైతన్య మహాప్రభు సందర్శించిన ఒక యాత్రా స్థలం. వర్ష రుతువులో ఈ జలపాతాలు మరింత అందంగా కనపడతాయి.
Photo Courtesy: Arpan Ganguly

ఎలిఫెంట్ జలపాతాలు

ఎలిఫెంట్ జలపాతాలు ఉత్తర ఇండియా లోని ప్రసిద్ధ జలపాతాలలో ఒకటి. ఇవి షిల్లాంగ్ లో కలవు. ఈ జలపాతాలు మూడు అంచెలలో కిందకు పడతాయి. అక్కడ ఒక రాయి ఏనుగు ఆకారంలో వుండటం చే బ్రిటిష్ వారు వీటికి ఎలిఫెంట్ జలపాతాలు అని పేరు పెట్టారు. ఈ రాతిలో కొంత భాగం 1897 లో వచ్చిన భూ కంపానికి ధ్వంసం అయింది. నల్లటి రాతి పై జలపాతాలు తెల్లగా పాల వలే ప్రవహిస్తాయి.
Photo Courtesy: Rocky Nelina

గిరా జలపాతాలు

గిరా జలపాతాలు వర్ష రుతువులో తప్పక చూడ దగినవి. వాఘాయి టవున్ కు ఇవి 3 కి. మీ. ల దూరంలో కలవు. అంబిక నది లో పుట్టే ఈ జలపాతాలు సుమారు 30 మీ. ల ఎత్తు నుండి కింద పడతాయి. అందమైన ఈ జలపాతాల ప్రదేశానికి కార్లలో కూడా వెళ్ళవచ్చు. అనేకమంది ఇక్కడకు పిక్నిక్ లకు వచ్చి ఆనందిస్తారు.
Photo Courtesy: Kumar Chitrang