ఇక్కడ పెళ్లిచేసుకొంటే కొన్ని గంటల్లోనే వైధవ్యం

కువాగం

P.C: You Tube

హిజ్రాల కథనం అనుసరించి మహాభారత యుద్దంలో పాండవులు గెలవాలంటే ముందుగా ఒక మహావీరుడిని నరబలి ఇవ్వాల్సి ఉంటుంది. అలాంటి వీరులు పాండవుల్లో ఉన్నారు. అయితే సైనిక బలం కరువుల కంటే పాండవులకు తక్కువ.

కువాగం

P.C: You Tube
ఈ సమయంలో మరో మహావీరుడిని పోగొట్టుకోవడం వారికి ఇష్టముండదు. దీంతో ఈ గండం నుంచి గట్టెక్కించాల్సిందిగా శ్రీకృష్ణుడిని కోరుతారు. దీంతో శ్రీకృష్ణుడు బాగా ఆలోచించి అర్జునుడు, నాగకన్యకు జన్మించిన ఐరావంతుడు ఇందుకు సరైన వ్యక్తిగా భావిస్తాడు.

కువాగం

P.C: You Tube
విషయాన్ని ఐరావంతుడికి తెలిపి బలికి సిద్ధం చేస్తాడు. అయితే బలికి ముందు తాను వివాహం చేసుకోవాలనుకుంటున్నానని ఐరావంతుడు శ్రీకృష్ణుడికి తెలియజేస్తాడు. దీంతో శ్రీకృష్ణుడితో పాటు పాండవులు ఆలోచనలో పడుతారు.

కువాగం

P.C: You Tube
బలికాబోయే వారికి కోరి పిల్లను ఎవరిస్తారని వారు చింతిస్తుంటారు. ఈ సమయంలో శ్రీకృష్ణుడు మోహినీ అవతారమెత్తి ఐరావంతుడిని పెళ్లి చేసుకొంటారు. అలా ఆ మోహినీ అవతారంతోనే తాము పుట్టామని హిజ్రాలు చాలా ఏళ్లుగా నమ్ముతున్నారు.

కువాగం

P.C: You Tube
అందుకే ఐరావంతుడిని తమ భర్తగా వారు భావించి కొలుస్తారు. ఏడాది మొత్తం దేశంలో వివిధ చోట్ల ఉండే హిజ్రాలు చైత్రమాస పౌర్ణమి రోజున తమిళనాడులోని విల్లుపురం జిల్లాలోని కువాగం గ్రామనికి చేరుకొంటారు.

కువాగం

P.C: You Tube
అక్కడి కుతాండవర్ అనే ఆలయంలో పెళ్లి చేసుకోవడానికి సర్వం సిద్ధం చేసుకొంటారు. వారం ముందునుంచే పలు పలు ప్రాంతాల నుంచి హిజ్రాలు విల్లుపురం చేరుకొని పూటకు ఒక విధంగా అలంకరించుకొంటారు.

కువాగం

P.C: You Tube
వీధుల్లో ఆటపాటలు పాడుతూ ఆనందిస్తారు. ఈ సందర్భంగా హిజ్రాలకు డ్యాన్స్, అందాల పోటీలను కూడా నిర్వహిస్తారు. కళ్యాణోత్సవం రోజున హిజ్రాలందరూ పట్టుచీరలు ధరించి పెళ్లికూతురులాగా అలంకరించుకొని ఐరావంతుడి దర్శనానికి వెలుతారు.

కువాగం

P.C: You Tube
అటు పై అక్కడి పూజారులతో పుసుపుతాడును తాళిగా కట్టించుకొంటారు. అలా తాళిని కట్టించుకున్న హిజ్రాలు ఆ రాత్రంతా ఆలయంలోనే ఆడుతూ పాడుతూ సంతోషంగా గడుపుతారు. చెక్కలతో చేసిన ఐరావంతుని విగ్రహాన్ని ఊరంతా ఊరేగిస్తారు.

కువాగం

P.C: You Tube
తెల్లవారుజామున ఐరావంతుడి బలికి సూచికగా విగ్రహం తలను తీసేస్తారు. అతవరకూ ఆనందోత్సవాలతో ఆడిపాడిన హిజ్రాలు ఐరావంతుడు బలైనాడని గుండెలు బాదుకొంటూ జుట్టు విరబోసుకొని హాహాకారాలు చేస్తూ తమ విచారాన్ని వెలుబుచ్చుతారు.

కువాగం

P.C: You Tube
ఆ తరువాత తాళిని తెంపేసి, గాజులను పగులగొట్టి స్నానం చేసి వైవిద్యానికి సూచికగా తెల్లని చీర కట్టుకొని ఆ ఊరి విడిచి తమ స్వగ్రామాలకు చేరుకొంటారు. దీంతో ఆ ఏడు ఉత్సవం ముగుస్తుంది. ఇలా పెళ్లి అయిన కొన్ని గంటల వ్యవధిలోనే వారు వైవిధ్యాన్ని అనుభవిస్తారు.