Click it and Unblock the Notifications
మెక్లియాడ్ గంజ్ నుంచి 8 కిలోమీటర్ల దూరంలో వున్న ప్రధాన పర్యాటక ఆకర్షణ నోర్బు లింగ్కా సంస్థ. దలైలామా స్థాపించిన ఈ సంస్థ 7 ఎకరాల సువిశాల ప్రాంగణంలో వుంది. టిబెట్ కళ, సంస్కృతి, సంగీతం, నృత్యం, చెక్క పని, చేతి వృత్తులు, శిల్ప కళల్లో విద్య అందించేందుకు ఈ సంస్థ నెలకొల్పారు.
గడచినా 15 ఏళ్ళలో తయారైన 160 కన్నా ఎక్కువ బొమ్మలను ప్రదర్శించే లోసేల్ డాల్ మ్యూజియం ఇక్కడి మరో ప్రధాన ఆకర్షణ. టిబెట్ ప్రజల వృత్తులు, ఆహార్యాలను ఈ బొమ్మలు కళ్ళకు కడతాయి. నోర్బు లింగ్కా సంస్థ కు వెళ్ళినప్పుడు ఇక్కడికి దగ్గరలోనే వున్న గ్యాతో విహారాన్ని కూడా చూడాలి.
