దట్టమైన పచ్చదనం, సహజ ప్రకృతి దృశ్యాలు కలిగిన నెర్సా సందర్శన మిమ్ములను పూర్తిగా రిలాక్స్ చేసేస్తుంది. నెర్సా, కర్నాటక మరియు గోవాల సరిహద్దులలోని చిన్న గ్రామం. ఇది ప్రపంచంలోని అత్యధిక జీవ వైవిధ్యం కల మహదాయ్ వ్యాలీలో ఉంది. పక్షులను గమనించేవారికి, వన్యప్రాణుల ఆసక్తి కలవారికి  నెర్సా ఒక స్వర్గం. ఇక్కడ ఉండగోరే వారికి చిన్న గ్రామ ఆనందాలు అమోఘంగా లభిస్తాయి. 

నెర్సా లో ఏమి చూడాలి? అద్భుతమైన ప్రకృతి దృశ్యాలు చూసి ఆనందించవచ్చు. పచ్చటి కొండలు, దట్టమైన అడవులు కలిగిన ఈ ప్రదేశం పడమటి కనుమలలో ఉంది. ఇక్కడి కొండలు ట్రెక్కింగ్ కు అనువుగా ఉంటాయి. జంతువులను పసిగట్టటం, పక్షులను గమనించటం ఎంతో ఆసక్తికరంగా ఉంటుంది. నెర్సాలో ఉండి సమీప ప్రాంతంలోని భీమ్ ఘర్, కొంగ్లా, అబ్ నాలి మరియు జామ్ గోన్ లు కూడా సందర్శించవచ్చు. అయితే వీటిలో కొన్ని ప్రదేశాలకు చేరేందుకు నడక మాత్రమే చేయాలి. మార్గంలోని వందలాది పక్షులు, సీతాకోక చిలుకలు, స్ధానిక మొక్కల సముదాయం వంటివి మిమ్మల్ని ఆనంద పరుస్తాయి.

నెర్సా సందర్శనలో మరచిపోలేని అనుభవం అంటే తలవాడిలోని గబ్బిలాలు. 40 రకాల జాతులకు పైగా గబ్బిలాలు ఇక్కడ చూడవచ్చు. లోండా అడవి లోని బారాపేడి గుహ సుమారు 200   గబ్బిలాలను చూపుతుంది.

ఖానాపూర్ సమీప రైలు స్టేషన్. బెంగుళూరు అంతర్జాతీయ విమానాశ్రయానికి ఇది సుమారు 500 కి.మీ. ల దూరం ఉంటుంది. బెంగుళూరు నుండి నెర్సాకు డీలక్స్ బస్ లలో కూడా చేరవచ్చు.