వారణాసిలో అత్యాధునిక హంగుల‌తో క్రికెట్ స్టేడియం..

వారణాసిలో అత్యాధునిక హంగుల తో క్రికెట్ స్టేడియం..భారత్ లో క్రికెట్ కు ఎంత క్రేజ్ ఉందో చెప్పాల్సిన అవసరం లేదు. క్రికెట్ కు ఉన్నఆదరణ దృష్ట్యా నేటిత రం యువకులు క్రికెట్ నే కెరియర్ గా ఎంచుకుంటున్నారు. క్రికెట్ చూసే వారి సంఖ్య కూడా అదే స్థాయిలో ఉంటున్నది. ఈ క్రమంలో దేశంలో క్రికెట్ కు ఉన్న డిమాండ్ కు తగ్గట్టు.. అంతర్జాతీయ స్థాయి సౌకర్యాలు, హంగుల కొత్త స్టేడియాల నిర్మాణంపై కేంద్రం దృష్టి సారించింది. ప్రపంచంలోని పురాతన నగరాల్లో ఒకటైన కాశీలో క్రికెట్ స్టేడియం నిర్మించడానికి ప్రభుత్వం గ్రీన్ సిగ్నల్ ఇచ్చింది. ఇప్పటికే దేశంలో చాలానే క్రికెట్ స్టేడియాలు ఉన్నాయి. వీటికి భిన్నంగా కొత్త కొత్త హంగుల తో, ఆధునాత న సౌక ర్యాల తో వార ణాసి క్రికెట్ స్టేడియాన్ని నిర్మించ నున్నారు. ఇప్పటి వరకూ ప్రపంచంలో ఎక్కడా లేని విధంగా చాలా వినూత్నంగా ఈ స్టేడియం నిర్మాణానికి శివుడి థీమ్ ను తీసుకోనున్నట్టు తెలుస్తోంది. రండి ఆ విశేషాలేంటో తెలుసుకుందాం.ఈ 23న శంకుస్థాప న ..వార ణాసిలో ఇప్పుడు అంతర్జాతీయ క్రికెట్ స్టేడియంను నిర్మించ బోతున్నారు. దీనికి సెప్టెంబర్ 23న ప్రధాని మోదీ శంకుస్థాపన చేయనున్నారు. అత్యాధునిక సదుపాయాలతో కూడిన ఈ స్టేడియంను రెండేళ్లలో పూర్తిచేయాల నుకుంటున్నారు. ఐపీఎల్ తో పాటు అంతర్జాతీయ మ్యాచ్ లు కూడా ఇక్కడ నిర్వహించబడతాయి. బాబా విశ్వనాథ్ నగరమైన వారణాసిలో నిర్మించబడుతున్న అంతర్జాతీయ క్రికెట్ స్టేడియం థీమ్ భోలేనాథ్ ఆధారంగా ఉంటుంది. ఢమరుకం ఆకారంలో ప్రవేశ ద్వారం, త్రిశూలం ఆకారంలో ఫ్లడ్ లైట్ పోల్స్ , ఇలా ప్రతీ అంశంలో శివతత్వం ఉండే విధంగా నిర్మించనున్నారు. 30వేల మంది ప్రేక్షకుల సామర్థ్యం ఉన్న స్టేడియంలో ఏడు పిచ్ లతో అంతర్జాతీయ క్రికెట్ స్టేడియం నిబంధనల ప్రకారం అత్యాధునిక స్టేడియం నిర్మించనున్నారు. 2025 డిసెంబర్ నాటికి ఈ స్టేడియం పూర్తి కానుంది. శివుడికి సంబంధించిన సంగీత వాయిద్యం ఆకారంతోపాటు గంగా ఘాట్ మెట్లను పోలిన ప్రేక్షకుల గ్యాలరీ ఉంటుంది.రూ. 451 కోట్లతో స్టేడియం నిర్మాణం..వారణాసిలోని రాజా తలాబ్ లో ఉన్న గంజరి ప్రాంతంలో ఈ అంతర్జాతీయ స్టేడియంను నిర్మించ నున్నారు. రూ. 451 కోట్లతో ఈ స్టేడియాన్ని నిర్మించనున్నారు. స్టేడియంలో అంతర్జాతీయ క్రికెట్ లీగ్ లు జరుగుతాయి. అంతేకాకుండా రానున్న కాలంలో ఐపీఎల్ మ్యాచ్ లు కూడా ఇక్కడే నిర్వహించనున్నారు. దీని వల్ల స్టేడియంలో అన్ని సౌకర్యాలు ఉండేలా చూడ డున్నారు. సెప్టెంబర్ 23న ప్రధాని నరేంద్ర మోదీ చేతులమీదుగా జ రిగే ఈ శంకుస్థాపనకు సచిన్ టెండూల్కర్, సునీల్ గవాస్కర్, బీసీసీఐకి చెందిన పలువురు ఉన్నతాధికారులు పాల్గొంటున్నారు. బీసీసీఐ ప్రెసిడెంట్ రోజర్ బిన్న, వైస్ ప్రెసిడెంట్ రాజీవ్ శుక్లా, సెక్రటరీ జే షా సహా కీలక వ్యక్తులు కూడా ఈ కార్య క్ర మంలో హాజరుకానున్నారు. కాన్పూర్, లక్నో తర్వాత ఉత్తరప్రదేశ్ లో మూడవ అంతర్జాతీయ క్రికెట్ స్టేడియాన్ని వార ణాసిలో నిర్మిస్తున్నారు. ఎల్ అండ్ టీ సంస్థ ఈ స్టేడియం డిజైన్ ను రూపొందించింది.ఇన్ని ఎకరాల్లో స్టేడియం..వారణాసిలో నిర్మించనున్న ఈ అంతర్జాతీయ క్రికెట్ స్టేడియం 30.86 ఎకరాల్లో విస్తరించి ఉంది. ఈ స్టేడియంలో దాదాపు 30 వేల మంది కూర్చోవచ్చు. దీంతో పాటు డే నైట్ మ్యాచ్ లకు కూడా స్టేడియాన్ని సిద్ధం చేశారు. స్టేడియం చేరుకునే ప్ర తి మార్గాన్ని విశాలంగా,అందంగా తీర్చిదిద్ద నున్నారు. ట్రాఫిక్ లేకుండా ప్రజలు ఈ స్టేడియాన్ని చేరుకునేలా ప్ర ణాళిక లు సిద్ధం చేస్తున్నారు.