వాయనాడ్ లోని ఈ ప్రకృతి అందాలను చూశారా?

కురువా ద్వీపం

P.C: You Tube

వాయనాడ్ లో అత్యంత ప్రజాదరణ పొందిన పర్యాటక కేంద్రాల్లో కురువా ద్వీపం ముందుంటుంది. కబిని నది ఉపనదులన్నీ కలిసే చోట ఈ కురువా ద్వీపం ఉంటుంది. ఈ ద్వీపం చుట్టూ ఉన్న పచ్చటి అటవీ ప్రాంతం మనసుకు ఆహ్లాదాన్ని కలిగిస్తుంది. అందుల్లే కేరళ నుంచే కాకుండా ప్రపంచ వ్యాప్తంగా పర్యాటకులు ఇక్కడకు ఎక్కువ సంఖ్యలో వస్తుంటారు. ఈ ద్వీపంలో అత్యంత అరుదైన పక్షులను,జంతువులను చూడవచ్చు.

చేంబ్రా శిఖరం

P.C: You Tube

వాయనాడ్ లోనే కాకుండా దేశంలోనే అత్యంత అందమైన హిల్ స్టేషన్స్ లలో చేంబ్రా శిఖరం కూడా ఒకటి. ఇక్కడ ట్రెక్కింగ్ కోసం యువత ఎక్కువగా వస్తుంటారు. ఇక్కడ ట్రెక్కింగ్ కొంత కఠినంగా ఉంటుంది. వాయనాడ్ లోనే అత్యంత ఎతైన ఈ చేంబ్రా శిఖరం ప్రాంతంలో ఉదయం పూట ట్రెక్కింగ్ చాలా ఆహ్లాదకరంగా ఉంటుంది. ట్రెక్కింగ్ మార్గంలో అందమైన పక్షులు కూడా కనువిందు చేస్తాయి.

ఎడక్కాల్ కేవ్

P.C: You Tube

వయనాడ్ లోని అంబుకుత్తే పర్వతశిఖరాల్లో భాగమైన ఈ ఎడక్కాల్ గుహల పొడవు 96 అండుగులు కాగా, వెడల్పు 22 అడుగులు. ఆదిమ మానవులు ఈ గుహల్లో నివశించినట్లు చెబుతారు. ఇందుకు సంబంధిచిన కొన్ని ఆధారాలను కూడా మనం ఇక్కడ చూడవచ్చు. చరిత్రను తెలుసుకోవాలనుకునేవారు, పురావస్తు శాఖతో చేరి పరిశోధనలు చేసేవారు ఈ ప్రాంతాన్ని ఎక్కువగా సందర్శిస్తూ ఉంటారు.

లక్కిడి

P.C: You Tube

వాయనాడ్ లో మరో ప్రముఖ పర్యాటక కేంద్రం లక్కిడి. కనుచూపు మేర పచ్చదనంతో కూడిన పర్వత శిఖరం ఇక్కడి ప్రత్యేకత. అదేవిధంగా అరుదైన పక్షి, జంతువులకు కూడా లక్కిడి నిలయం. ప్రక`తిని ఆరాధించే వారు వారాంతాల్లో ఇక్కడికి ఎక్కువగా వస్తుంటారు. ఇప్పుడిప్పుడే ట్రెక్కింగ్ కోసం యువత ఈ లక్కిడిని ఎంచుకొంటున్నారు.

సోచుప్రా జలపాతం

P.C: You Tube

ఇక్కడ నీళ్లు సుమారు 300 మీటర్ల ఎత్తు నుంచి కిందికి పడుతుంటాయి. ఆ సమయంలో ఆ జలపాతం చేసే సవ్వడి చెవులకు, ఆ పాలనురగల్లాంటి నీటి హొయలు కంటికి ఇంపుగా అనిపిస్తుంది. సోచుప్రా జలపాతం వద్ద రివర్ రాఫ్టింగ్ వంటి జల క్రీడలకు అవకాశం ఉంది. జలపాతం కిందికి పడే చోట ఈత కొట్టడానికి కూడా అవకాశం ఉంది.