ప‌చ్చ‌ని ప్ర‌కృతి అందాలు.. వాయ‌నాడ్ సొంతం..

ప చ్చ ని ప్ర కృతి అందాలు.. వాయ నాడ్ సొంతం..సెప్టెంబర్ లో కుటుంబం లేదా భాగస్వామితో కలిసి ఎక్కడికైనా వెళ్లాలని ఆలోచిస్తున్నట్లయితే, కేరళను ప్లాన్ చేసుకోవచ్చు. కేర ళ లో చాలా అందమైన ప్రదేశాలు ఉన్నాయి. వాటిలో ఒకటి వాయనాడ్. ప్రకృతి ప్రేమికులకు ఈ ప్రదేశం స్వర్గం కంటే తక్కువేమీ కాదు. జలపాతాల నుండి వన్యప్రాణుల అభయారణ్యాల వరకు ఇక్కడ అన్వేషించడానికి చాలానే ఉంటాయి. వాయనాడ్ దక్షిణ భారతదేశంలో చాలా అందమైన ప్రదేశం. పశ్చిమ కనుమల పర్వతాల మధ్య ఉన్న వాయనాడ్ కేరళ రాష్ట్రంలోని ప్రసిద్ధ హిల్ స్టేషన్. ఈ ప్రదేశం అందం, సుగంధ ద్రవ్యాల తోటలు, అడవులు, వన్యప్రాణులకు ప్రసిద్ధి చెందింది. వాయనాడ్ సందర్శించడానికి అక్టోబర్ నుండి ఏప్రిల్ వరకు ఉత్తమ సమయం. ఈ సమయంలో ఇక్కడి వాతావరణం సందర్శనకు అనుకూలంగా ఉంటుంది. కుటుంబం లేదా భాగస్వామితో గడపడానికి ఈ స్థలం ఉత్తమమైనది.వాయనాడ్ వన్యప్రాణుల అభయారణ్యంవాయనాడ్ వన్యప్రాణుల అభయారణ్యం అనేక అందమైన, అంతరించిపోతున్న వృక్షజాలం, జంతుజాలానికి నిలయంగా ఉంది. ఇది నీలగిరి బయోస్పియర్ రిజర్వ్ లో భాగం. 1973లో స్థాపించబడిన వాయనాడ్ వన్యప్రాణుల అభయారణ్యం కర్ణాటకలోని నాగర్ హోల్, బందీపూర్, తమిళనాడులోని ముదుమలై ప్రాంతాలతో సంబంధం కలిగి ఉంది. ఇక్కడికి వస్తే టేకు, వెదురు, రోజ్ వుడ్ చెట్లను చూడొచ్చు. ఈ ప్రాంతం పెద్ద మొత్తంలో క్యాంపింగ్, ట్రెక్కింగ్ ట్రయల్స్, ఉత్కంఠభరితమైన జలపాతాలు, గుహలు, పక్షులను చూసే ప్రదేశాలు, వృక్షజాలం, జంతుజాలం, అద్భుతమైన దృశ్యాలకు ప్రసిద్ధి చెందింది. సంవత్సరాలుగా ఈ ప్రాంతం పర్యాటకులకు ఎంతో ఇష్టమైనదిగా పేరుగాంచింది.చెంబ్రా శిఖరంచెంబ్రా శిఖరం, వయనాడ్ కొండలలోని ఎత్తైన శిఖరం. ఇది కల్పేటకు దక్షిణంగా 8 కిలోమీట ర్ల దూరంలో ఉంది. ప ర్యాట క ఆక ర్ష ణ ల లో ఈ ప్రాంతం చూడదగ్గ దృశ్యం. ఈ ప్రదేశం అన్ని వైపుల నుండి పచ్చదనంతో చుట్టుముట్టబడి ఉంటుంది. ట్రెక్కింగ్ అంటే ఇష్టప డే వారు త ప్ప కుండా ఈ ప్రాంతాన్ని సంద ర్శించాల్సిందే.బాణాసుర ఆనకట్టబాణాసుర్ డ్యామ్ భారతదేశంలో అతిపెద్ద మట్టి ఆనకట్ట. అంతేకాకుండా, ఆసియాలో రెండవ అతిపెద్ద ఆనకట్ట కూడా ఇదే. బాణాసుర డ్యామ్ వద్ద స్పీడ్ బోటింగ్, ట్రెక్కింగ్, క్యాంపింగ్ వంటి కార్యక్రమాలను ఆనందించవచ్చు. ఇది కేరళలోని ప్రసిద్ధ హిల్ స్టేషన్ అయిన వాయనాడ్ నుండి 20 కిలోమీటర్ల దూరంలో బాణాసుర కొండల దిగువన ఉంది. కబిని నదికి ఉపనది అయిన కరమనతోడు నదిపై నీటిపారుదల, త్రాగునీటి అవసరాలను తీర్చడానికి ఈ ఆనకట్ట నిర్మించబడింది.ఎడక్కల్ గుహలుఈ గుహలు వాటి శిల్పాలకు ప్రత్యేకించి ప్రసిద్ధి చెందాయి. ఎడక్కల్ గుహలు కల్పేట నుండి 25 కిలోమీట ర్ల దూరంలో అంబుకుట్టి మాల వద్ద ఉన్నాయి. కళలు, చరిత్ర గురించి తెలుసుకోవాలనే ఆసక్తి ఉంటే మాత్రం త ప్ప కుండా ఈ ప్ర దేశాన్ని సంద ర్శించొచ్చు. ఇవి ప్రపంచంలోని పురాతన రాతి శిల్పాలను కలిగి ఉన్నాయి.సూచిపర జలపాతంసూచిపర జలపాతాన్ని సెంటినెల్ రాక్ వాటర్ ఫాల్స్ అని కూడా పిలుస్తారు. దీని నీరు దాదాపు 200 మీటర్ల ఎత్తు నుండి వస్తుంది. ఈ ప్రదేశపు ప్రత్యేక ఆకర్షణ చెట్టు శిఖరం. ఇక్కడ నుండి పశ్చిమ కనుమల లోయల అందాల ను చూడొచ్చు. ట్రెక్కింగ్, రాక్ క్లైంబింగ్ ను ఇష్టపడేవారు ఇక్కడ తప్పక సందర్శించాలి.వాయనాడ్ చేరుకోవడం ఎలా?వాయనాడ్ దక్షిణ భారతదేశంలోని చాలా నగరాలకు రోడ్డు, రైలు మార్గాల ద్వారా అనుసంధానించబడి ఉంది. ఇక్కడికి చేరుకోవడానికి సమీప రైల్వే స్టేషన్ కోజికోడ్.