ఉగాది పండుగ - జయ హో..... !

ఇది జయనామ సంవత్సరం. ఉగాది అంటే తెలుగు భాషలో కొత్త సంవత్సరం మొదటి రోజు. ఈ పండుగను దక్షిణ ఇండియా ప్రాంతంలో అతి వైభవంగా ఆచరిస్తారు. ఉగాది అనే పదం సంస్కృతం నుండి వచ్చింది. ఈ పండుగ ను హిందువులు హిందూ కాలెండర్ అయిన చాంద్ర మానం ప్రకారం ఆచరిస్తారు కనుక ప్రతి సంవత్సరం వివిధ రోజులలో వస్తుంది. సంవత్సరం లో మొదటి రోజు గా చెప్పబడే ఈ ఉగాది పంచాంగం మేరకు చైత్ర మాసం లో మొదటి రోజున వస్తుంది. nbsp; ఉగాది పండుగ రోజున ఉదయం లేదా సాయంత్రం ప్రతి ఒక్కరూ భక్తి శ్రద్ధలతో దేవాలయానికి వెళతారు దేవుడి కి పూజలు చేస్తారు. సంవత్సరం లోని అన్ని రోజులూ తమకు అనుకూలంగా వుంది సుఖ సంతోషాలను కలిగించాలని భగవంతుని వేడుకుంటారు. ఈ రోజున దేవాలయాలు భక్తులతో కిట కిట లాడుతూ వుంటాయి. వివిధ రకాల పూజలు నిర్వహిస్తారు. ఈ పండుగ రోజున ఉదయం వేళ అభ్యంగన స్నానాలు చేస్తారు. ఆరు రుచులతో కూడిన ఉగాది పచ్చడిని దేవుడికి నైవేద్యం గా పెడతారు. ఈ పచ్చడిలో కొత్త బెల్లం, కొత్త చింతపండు, వేప పూవు, మామిడి కాయ, పచ్చి మిరప లేదా మిరియం, ఉప్పు ఉపయోగిస్తారు. దానిని ఉగాది రోజు దేవుడి ప్రసాదంగా తింటారు. వివిధ రకాల పిండి వంటలు చేసుకొని తింటారు. నూతన దుస్తులు ధరిస్తారు. కొత్త సంవత్సర వేడుకలుగా, పరిచయస్తులు, స్నేహితులు బంధువులు అభినందనలు తెలుపుకుంటూ కలసి వివిధ ప్రదేశాలలో లేదా ఇండ్లలో ఆనందంగా కొంత సమయం గడుపుతారు. దేవాలయాలలో ఉదయం లేదా సాయంత్రం వేళ పంచాంగ శ్రవణం అంటే ఆ సంవత్సరం ఫలితాలను తెలియ చేసే అంశాలను వివరిస్తారు. ఈ ఫలితాలను పండుగ చేసుకునే ప్రతి వారూ తప్పని సరిగా విని ఆ సంవత్సరం వారికి శుభా అశుభాలు ఎలా ఉంటాయో తెలిసుకుంటారు.