భూతల స్వర్గం అయిన కేరళలోని మున్నార్ ను చూశారా?

1. ఫోటో పాయింట్

మున్నార్ నుండి 3 కి. మీ. ల దూరంలో వున్న ఫోటో పాయింట్ లో మీకు ఫోటోగ్రఫీ అంటే ఇష్టముంటే ఈ ప్రదేశంలో వున్న అడవులు, మరియు నీటి ప్రవాహాలు, జలపాతాలను మీ కెమేరాలో బందించవచ్చును. ఈ ప్రదేశం మట్టుపెట్టికి వెళ్ళే మార్గంలో కలదు. పచ్చటి అడవులు, గల గల పారే ప్రవాహాలు, పచ్చటి కొండలు వంటివి ఎన్నో ప్రదేశాలు చూడవచ్చు.

2. ఎకో పాయింట్

మున్నార్ నుండి 15 కి. మీ.ల దూరంలో వున్న ఎకో పాయింట్ కొన్ని కొండల మధ్య వున్న చిన్న ప్రదేశం. సహజమైన ఈ ప్రతిధ్వని ప్రదేశం మీరు ఎంత బిగ్గరగా అరిస్తే అదే రీతిలో మరల సౌండ్ అలలతో మీ వద్దకు వచ్చి వినపడుతుంది. ఆసక్తి కల యువత గ్రూప్ లు గా ఈ ఎకో పాయింట్ కు వచ్చి రకరకాల ధ్వనులు చేసి ఆనందస్తారు.

3. ఏనుగుల ప్రదేశం

మున్నార్ నుండి 18 కి. మీ.ల దూరంలో వున్న ఈ ప్రదేశంలో మీరు ఏనుగుపై సవారి చేయవచ్చు. దానితో పాటు మిమ్మల్ని మంత్రముగ్ధులను చేసే మున్నార్ కొండలు, టీ తోటలు కూడా చూసి ఆనందించవచ్చు. పచ్చటి మైదానాలలో నడిచి ఆనందించవచ్చు.

pc:Jinomunnar

4. ఎరావికులం నేషనల్ పార్క్

ఇక్కడ సుమారు 26 రకాల వన్య జంతువులను, 132 రకాల పక్షులను చూడవచ్చు. అంతేకాకుండా ఎరావికులం నేషనల్ పార్క్ లో మీరు నేడు కనుమరుగు అవుతున్న నీలగిరి తార జింకలను చూడవచ్చు.

5. ఎరావికులం నేషనల్ పార్క్ చూచుటకు అనుకూల సమయం

జనవరి - ఫిబ్రవరి నెలలు సందర్శనకు పార్క్ లోపలికి అనుమతించరు. వర్షాకాలంలో వన్య జీవులకు సంతానోత్పత్తి సమయం. కనుక ఈ సమయంలో నేషనల్ పార్క్ యాజమాన్యం సందర్శకులను పార్క్ లోపలికి అనుమతించరు.

6. రాజమల

ఎరావికులం నేషనల్ పార్క్ సమీపంలో వున్న రాజమలలో నీలగిరి థార్ జింకలను చూడవచ్చును.

7. హనీ మూన్ జంటలకు ఇది ఒక మంచి ప్రదేశం

రాజమలకు చుట్టూ పచ్చటి పర్వత శ్రేణులు ఎత్తుగా వుండి ప్రకృతి ప్రియులను రంజింప చేస్తుంది. హనీ మూన్ జంటలకు ఇది ఒక మంచి ప్రదేశం. ఫ్యామిలీ ట్రిప్ లు, విద్యార్ధుల ఎక్స్ కర్షన్ లకు కూడా బాగుంటుంది. సాహస ప్రియులకు ఇక్కడ ట్రెక్కింగ్ కూడా చేయవచ్చును.

8. ఎకో పాయింట్

మున్నార్ లో ఎకో పాయింట్ ఒక విశిష్టమైన పర్యాటక ఆకర్షణ. ఈ ప్రదేశం మున్నార్ కు 13 కి. మీ. ల దూరంలో కలదు. ఇది ఒక నది ఒడ్డున కలదు. ఇక్కడ మీరు చప్పట్లు చరిస్తే వాటి ప్రతి ధ్వని ఎంతో బాగా వినిపిస్తుంది.

Photo Courtesy: Vinayaraj

9. అనయరంకాల్

అనయరంకాల్ ప్రదేశం మున్నార్ నుండి 22 కి. మీ. ల దూరంలో కలదు. ఇక్కడ ఒక ప్రసిద్ధ డాం, సరస్సు, పచ్చటి తేయాకు తోటలు వుంటాయి.

Photo Courtesy: Rameshng

10. ఏనుగుల గుంపులు

అనయరంకాల్ లో మీరు అందమైన ఏనుగుల గుంపులు చూడవచ్చు. అవి సమీప సరస్సులో నీటిని తాగుతూ వుంటాయి.

Photo Courtesy: Rameshng

11. అనరయన్కాల్ డ్యాం

అనరయన్కాల్ డ్యాం చుట్టూ దట్టమైన అడవులు, తేయాకు తోటలు కలవు. చక్కటి ప్రకృతి దృశ్యాలు, ఫోటోగ్రఫీ చేసుకోవచ్చు. తేయాకు తోటల నుండి వచ్చే సువాసనలు ఈ ప్రదేశ అందాలతో బాటు మీకు మరింత ఆనందం కలిగిస్తాయి.

Photo Courtesy: Rameshng

12. మున్నార్ సందర్శన

కేరళలోని ప్రధాన నగరాలనుండి మరియు తమిళనాడులోని ప్రధాన ప్రదేశాల నుండి మున్నార్ కు ప్రైవేటు బస్సులు ఇతర రోడ్డు రవాణా సౌకర్యాలు కలవు. మున్నార్ సందర్శనకు సంవత్సరంలో ఎప్పుడైనా పర్యటించవచ్చు.

Photo Courtesy: Kerala Tourism