Click it and Unblock the Notifications
చంబల్ అభయారణ్యాన్ని పడవలలో చక్కగా చూసిరావచ్చు. చంబల్ నదిపై నది యాత్ర ఆ ప్రాంతంలోని వన్యప్రాణులను వీక్షించడానికి సరైన అవకాశం. తెప్పను నడిపేవాడు యుక్తిని ప్రదర్శించడం ద్వారా తెప్పను పక్షులు, జంతువుల సమీపానికి తీసుకువెళ్ళే అవకాశం ఉంది. శిక్షణ పొందిన ప్రకృతి సంరక్షకులకు ఈ యాత్ర ఆసక్తికర వివిధ పక్షిజాతి, వృక్షజాతుల గురించిన సమాచారాన్ని అందిస్తుంది. లోయల గుండా వెళ్తుంటే కొండలలోకి దారి తీస్తుంది. ఈ దారి పొడవునా తీరం వెంట ఎండలో పొర్లాడే సరీసృపాలను కూడా చూడవచ్చు లేదా జతలుగా నదిలో పడి లేచే డాల్ఫిన్లను కూడా చూడవచ్చు.
ఈ లోయల పైన కడిగినట్టు వుండే తెల్లటి దేవాలయాలు కూడా ఈ ప్రశాంతమైన పరిసరాలలో అక్కడక్కడా కనిపిస్తాయి. ఈ కనుమల్లో మొలిచే ప్రతి గడ్డి పరకను నమిలి తినేసే మేకలను కూడా మీరు చూడవచ్చు. ఎత్తైన కనుమలలో కనపడే నీటి జాడలు ఇక్కడి నది వర్షాకాలంలో ఎంత ఉధృతంగా, బలంగా ప్రవహిస్తుందో తెలియచేస్తాయి.
