Click it and Unblock the Notifications
కొద్ది క్షణాల శాంతి అనుభవం కావాలంటే సేవాగ్రాం అనే చిన్న ప్రశాంత పట్టణం సరైన ప్రదేశం. పచ్చని చెట్లతో కప్పబడిన వనాల మధ్య వున్న ఈ పట్టణం ఆధ్యాత్మిక, ధ్యాన కేంద్రంగా ఉత్తమమైన ఎంపిక.
మహారాష్ట్రలో నెలకొని వున్నా సేవాగ్రాం అంటే “సేవ కోసం వున్నా వూరు” అని అర్థం – గాంధీ గారు ౧౯౪౦ లో ఈ ఊరోచ్చినప్పుడు దీనికి ఆ పేరు వచ్చింది. అంతకు ముందు దీన్ని షేగావ్ అనేవారు.
వార్ధా జిల్లా నుంచి కేవలం ౮ కిలోమీటర్ల దూరంలో వున్న ఈ పట్టణం భారత దేశం యొక్క ఆతిథ్యానికి, సేవలకు ఓ ఉత్తమ స్మారకం.
సేవాగ్రాం ఆశ్రమం :
సేవాగ్రాం ఆశ్రమం గాంధీజీ జీవన విధానానికి దగ్గరి సంబంధం కలిగి వుంటుంది. తన భార్య కస్తూర్బా తో కలిసి ఆయన నివసించిన కుటీరం ఇప్పటికీ చెక్కు చెదరకుండా వుండి పర్యాటకులను ఆకట్టుకుంటోంది. ఈ కుటీరాల్లో ఎలాంటి అలంకరణలూ లేవు, కళాత్మకంగానూ వుండవు. పైగా వెదురు చాపలు, బొంగులు మట్టి ఇటుకలతో తయారైన ఈ కుటీరం గాంధీగారు అవలంబించిన నిరాడంబర జీవన విధానాన్ని మన కళ్ళకి కడుతుంది.
ఈ ఆశ్రమంలో మనకి మాహాదేవ్ కుటీ, కిశోర్ కుటీ, పర్చురే కుటీ కనబడతాయి. చరిత్ర అంటే మక్కువ కలవారందరికీ స్వాతంత్రానికి పూర్వం వున్న అనుభూతుల్ని మిగులుస్తుంది ఈ ప్రదేశం.
గతంలో గాంధీజీ ఇక్కడ తన ఆశ్రమాన్ని నెలకొల్పినప్పుడు కేవలం ఓ వెయ్యి మంది నివాసం వుండేవారు. ఈనాడు ఈ చిన్న గ్రామం, ప్రపంచంలోని అత్యంత శక్తివంతుడైన వ్యక్తి జీవనవిధానాన్ని తెలుసుకునేందుకు ఏడాది పొడవునా వచ్చే పర్యాటకులతో కళకళలాడుతోంది.
సేవాగ్రాం పర్యటన మిమ్మల్ని తన అందంతో మంత్రముగ్ధుల్ని చేస్తుంది, తన సేవా నిరతితో ప్రేరణ నిస్తుంది.
