మలంపూజ - సుందర దృశ్యాలు, అత్యుత్తమ వినోదాలు !!

ఫాంటసీ పార్క్

ఫాంటసీ పార్క్ మలంపూజ లో ఒక అమ్యూజ్మెంట్ పార్క్. ఉత్తర కేరళ లో పర్యాటకులు అధికంగా చూసే ప్రదేశం. పాలక్కాడ్ టవున్ కు 10 కి.మీ. ల దూరంలో కల ఈ పార్క్ సుమారు 15 ఎకరాలలో విస్తరించి వుంది. ఒక రోజు పిక్నిక్ లకు, స్కూల్ పిల్లల సందర్శనలకు బాగుంటుంది.

చిత్రకృప : Asokants

మలంపూజా తోటలు

మలంపూజ తోటలని కేరళ బృందావనం గా పిలుస్తారు. ఇవి రిసర్వాయర్ ప్రాంత సమీపం లో కలవు. ఈ ప్రాంతం లో ఒక వైపు ప్రకృతి మరో వైపు మానవ నిర్మిత డాం ఎంతో అందంగా కనిపిస్తాయి. వారాంతపు సెలవులలో తోటలకు సాయంకాలం 7గంటల నుండి 8 గంటల వరకు లైటింగ్ ఏ ర్పాట్లు చేస్తారు.

చిత్రకృప : കാക്കര

రాక్ గార్డెన్

మలంపూజ లో కల రాక్ గార్డెన్ కేరళ లో ఈ రకం వాటిలో మొదటిది. ఇండియా లో రెండవ గార్డెన్ రాక్. ఇది మలంపూజ డాం మరియు గార్డెన్ల కు సమీపంగా ఉంటుంది. దాని ప్రత్యేకతతో ఎంతో మందిని ఆకర్షిస్తోంది.

చిత్రకృప : Ranjithsiji

మలంపూజ డాం

మలంపూజ డాం పాలక్కాడ్ ప్రధాన ఆకర్షణలలో ఒకటి. ఇది కేరళలో అతి పెద్ద సాగునీటి రిజర్వాయర్. ఒక మేసోనేరి డాం, ఒక మట్టి డాం కలిగి , ఎన్నో కాలువలు కలిగి ఉంటుంది. డాం వెనుక భాగం లో కల కొండలతో నేపధ్యం ఎంతో అందంగా ఉంటుంది.

పాలక్కాడ్ పట్టణానికి సుమారు 10 కి.కమి. ల దూరం లో కల ఈ ప్రదేశానికి రోడ్డు మార్గం లో తేలికగా చేరవచ్చు.

చిత్రకృప : Joseph Lazer

థ్రెడ్ గార్డెన్

మలంపూజ లోని ఈ గార్డెన్ కు లక్షలాది పర్యాటకులు వస్తారు. ఇది ఒక విశిష్ట మైనది గాను మరియు అసాధరణమైనది గాను ఉంటుంది. దీనిలో ఇతర తోటలవలేనే పూవులు మొక్కలు వుంటాయి. కాని అవన్నీ కూడా దారం తో తయారు చేయబడి వుంటాయి.

చిత్రకృప : Ranjithsiji

ఉడాన్ ఖటోల

ఉడాన్ ఖటోల అంటే ఇది ఒక పర్యాటకుల రోప్ వే. దీనిని మలంపూజ గార్డెన్ల లో పెట్టారు. మలంపూజ లో ఇది ఒక ప్రధాన ఆకర్షణ. సౌత్ ఇండియా లో ఇది మొదటి రోప్ వే గా కేరళకి వచ్చే పర్యాటకులను ఎంతో ఆకర్షిస్తోంది. ఈ రోప్ వేని గార్డెన్ లో సుమారు 60 అడుగుల ఎత్తు లో నిర్మించారు. సుమారు 625 మీ.ల దూరం నడుస్తుంది. ఈ రోప్ వే అక్కడి పర్వతాలలోను మరియు తోటల లోనుఎంతో ఆనందం కలిగిస్తుంది.

చిత్రకృప : Ranjithsiji

స్నేక్ పార్క్

వివిధ రకాల సరీనృపాలు కలిగిన ఈ స్నేక్ పార్క్ మలంపూజ డాం మరియు మలంపూజ గార్డెన్ ల సమీపం లో కలదు. ఎన్నో రకాల పాములు ఉంటాయి. సంవత్సరం అంతా ఈ పార్క్ విజిటర్లను ఆకర్షిస్తూనే ఉంటుంది. అటవీ శాఖ నిర్వహించే ఈ పార్క్ లో విషపు పాములు మరియు విషం లేనివి కూడా వుంటాయి.

చిత్రకృప : Ranjithsiji

తెన్ కురుస్సి

తెన్ కురుస్సి గ్రామం దాని సహజ అందాలకు మరియు వారసత్వ కట్టడాలకు ప్రసిద్ధి గాంచింది. ఇది పాలక్కాడ్ కు సుమారు 10 కి.మీ. దూరంలో కలదు. ఈ ప్రదేశానికి రోడ్డు మార్గం అనుకూలం. పాలక్కాడ్ పట్టణం నుండి తరచుగా బస్సులు కలవు. కొద్దిసేపు ప్రయాణం మాత్రేమే. తెన్ కురిస్సి నుండి ఒక గంట ప్రయాణించి నారింజ తోటలు కల నేల్లియంపతి ప్రదేశాన్ని కూడా చూడవచ్చు.

చిత్రకృప : കാക്കര

యక్షి విగ్రహం

ఈ విగ్రహాన్ని కేరళ కళా ప్రియుల పనితనానికి ఒక మంచి ఉదాహరణగా చెపుతారు. ఈ విగ్రహం మలంపూజ గార్డెన్ ల లో ఉంది, ప్రతి సంవత్సరం వేలాది పర్యాటకులను ఆకర్షిస్తోంది. పర్వత శ్రేణులు, మరియు పచ్చటి తోటలు నేపధ్యం గా గల ఈ విగ్రహం పర్యాటకుల కన్నుల విందుగా వుంటుంది. విగ్రహాన్ని దర్శించేందుకు ఒకే సారి డాం సైట్ మరియు గార్డెన్ల తో పాటు వెళ్ళవచ్చు.

చిత్రకృప : Ranjithsiji

మలంపూజా ఎలా చేరుకోవాలి ?

వాయు మార్గం : 55 కి. మీ ల దూరంలో కోయంబత్తూర్ విమానాశ్రయం కలదు. అక్కడి నుండి క్యాబ్ లేదా టాక్సీ లలో మలంపూజా చేరుకోవచ్చు.

రైలు మార్గం : పాలక్కాడ్ సమీపంలో ఉన్న రైల్వే స్టేషన్. అక్కడ దిగి టాక్సీ లేదా బస్సులలో మలంపూజా చేరుకోవచ్చు.

రోడ్డు / బస్సు మార్గం : కేరళ మరియు తమిళనాడు ప్రాంతాల నుంచి మలంపూజా కు ప్రభుత్వ / ప్రవేట్ బస్సులు తిరుగుతుంటాయి.

చిత్రకృప : Ranjithsiji