గోపురంలేని గుడిలో రెండు శివలింగాలంట...దర్శనంతో

చంద్రమౌళేశ్వర దేవాలయం, హుబ్లీ

P.C: YouTube

జంటనగరాలైన హుబ్లీ-ధార్వాడ నగరాల మధ్య ఉణకల్ అనే ఊరు ఉంది. ఈ ఊరు నుంచి ఒక కిలోమీటరు దూరంలో అత్యంత సుందరమైన చంద్రమౌలేశ్వర దేవాలయం ఉంది. చాలుక్యులు నిర్మించిన ఈ దేవాలయం దాదాపు 900 ఏళ్లకు పూర్వం నిర్మించినదని చెబుతారు.

చంద్రమౌళేశ్వర దేవాలయం, హుబ్లీ

P.C: YouTube

బాదామి, ఐహోలు దేవాలయాల వలే అత్యంత అరుదుగా లభించే రాతితో ఈ దేవాలయాన్ని నిర్మించారు. ఈ దేవాలయానికి గోపురం అనేదే ఉండదు. ఇలా ప్రాచీన కాలానికి చెంది గోపురం లేని దేవాలయం ఇది చంద్రమౌలేశ్వర దేవాలయం మాత్రమేనని పురావస్తుశాఖ అధికారులు కూడా చెబుతున్నారు.

చంద్రమౌళేశ్వర దేవాలయం, హుబ్లీ

P.C: YouTube

ప్రస్తుతం ఈ దేవాలయం పురావస్తు శాఖ ఆధీనంలో ఉంది. మిగిలిన దేవాలయాలతో పోలిస్తే ఈ దేవాలయం విభిన్నమైనది. నాలుగు దిక్కుల్లో నాలుగు ద్వారాలతో సహా మొత్తం 12 ద్వారాలు ఉన్న దేవాలయం ఈ చంద్రమైలేశ్వర దేవాలయం.

చంద్రమౌళేశ్వర దేవాలయం, హుబ్లీ

P.C: YouTube

అంతేకాకుండా ఒక్క గర్భగుడిలోనే రెండు శివలింగాలు ఉండటం ఈ దేవాలయం ప్రత్యేకత. ఒక శివలింగానికి నాలుగు ముఖాలు ఉంటాయి. అందువల్లే ఈ దేవాలయాన్ని చతుర్ముకేశ్వర దేవాలయం అని అంటారు. ప్రతి శివలింగానికి ఎదురుగా రెండు నందులు ఉంటాయి.

చంద్రమౌళేశ్వర దేవాలయం, హుబ్లీ

P.C: YouTube

అదే విధంగా దేవాలయంలో నాలుగు దిక్కులకు ఉన్న నాలుగు ద్వారాల పైన అద్భుతమైన శిల్పాలు ఉన్నాయి. 900 ఏళ్లనాటి ఈ దేవాలయంలో ఇప్పటికీ పూజలు జరుగుతుండటం విశేషం. ఈ దేవాలయానికి దగ్గరగా న`పతుంగ బెట్ట, నవరంగ తీర్థ, ఇందిరా గాంధీ గ్లాస్ హౌస్ లను కూడా చూడవచ్చు.

చంద్రమౌళేశ్వర దేవాలయం, హుబ్లీ

P.C: YouTube

ప్రతి రోజూ ఉదయం 6 నుంచి 11 వరకూ అదే విధంగా సాయంత్రం 5 నుంచి 7.30 గంటల వరకూ ఈ దేవాలయాన్ని సందర్శించుకోవచ్చు.. బెంగళూరు నుంచి నిత్యం హుబ్లీకు బస్సు సర్వీసులు ఉన్నాయి. అక్కడి నుంచి ఈ దేవాలయానికి వెళ్లడానికి అనేక ఆటోలు అందుబాటులో ఉంటాయి.