పౌర్ణమిరోజు శ్వేత వర్ణం, అమావాస్య రోజు నలుపు వర్ణంలోకి మారే ప్రపంచంలోని ఏకైక శివలింగం

భారత దేశంలో లక్షల సంఖ్యలో ఆలయాలు ఉన్నా ఒక్కొక్క ఆలయానిది ఒక్కొక్క విశిష్టత. ఈ విశిష్టతలకు గల కారణాలు సాంకేతికత ఇంతగా అందుబాటులోకి వచ్చిన రోజుల్లో కూడా చెప్పలేకపోతున్నాం. ఇది దైవలీలే అని ఆస్తికులు అంటే కాదు శాస్త్రీయ కోణంలో మరింత పరిశోధనలు జరగాలని నాస్తికులు వాదిస్తున్నారు.ఏది ఏమైనా ఆ విశిష్ట చమత్కారాలను గమనించడానికి నాస్తికులు ఆయా ప్రాంతాలను సందర్శిస్తూ ఉంటే, దైవానుగ్రహం కోసం ఆస్తికులు ఆ గుళ్లకు వెలుతున్నారు. ఈ నేపథ్యంలో భారత దేశంలోని శైవక్షేత్రాల్లో విశిష్టమైన ఒక దేవాలయంలో ఆశ్చర్యకరమైన సంగతి ప్రతి అమావస్య, పౌర్ణమి రోజున మనకు కనిపిస్తుంది.అమావాస్య రోజున ఆ శివాలయంలోని శివలింగం నలుపు రంగులో ఉంటే పౌర్ణమి రోజున శ్వేత వర్ణంలో మనకు కనిపిస్తుంది. ఈ దేవాలయం ఎక్కడో కాదు మన తెలుగు నేల పైనే ఉంది. మరెందుకు ఆలస్యం ఆ దేవాలయం విశిష్టతను తెలుసుకొందాం. అంతేకాకుండా సమయం చిక్కినప్పడు అక్కడికి వెలుదాం. nbsp; nbsp; P.C: You Tubeస్కంధపురాణం ప్రకారం హిరణ్యకశ్యపుడి కొడుకు నీముచి కాగా అతని కొడుకు తారకాసురుడు. విష్ణు ద్వేశి అయిన తారకాసురుడు ఈశ్వరుడి గురించి ఘోర తపస్సు చేసి అమితమైన బల సంపన్నుడిగా మారుతాడు. P.C: You Tubeఅంతే కాకుండా ఆత్మ లింగాన్ని కూడా సంపాదిస్తాడు. మరోవైపు ఓ బాలుడితో తప్ప మరే ఇతరులతో తనకు చావు ఉండకూడదని కోరుకొంటాడు. ఇందుకు పరమశివుడు అంగీకరించి తారకాసురుడు కోరిన కోర్కెలన్నీ ఇచ్చేస్తాడు. P.C: You Tubeతనకు లభించిన వర గర్వంతో తారకాసురుడు దేవతలను, మునులను తీవ్రంగా బాధపెడుతూ ఉంటాడు. దీంతో వారు పరమశివుడిని వేడుకోగా వారి పార్థనను పరమశివుడు మన్నిస్తాడు. దీంతో పార్వతీ పరమేశ్వరులకు కుమారస్వామి జన్మిస్తాడు. P.C: You Tubeకుమారస్వామి దేవతాగణాలను వెంటపెట్టుకొని వెళ్లి తారకాసురుడిని వధిస్తాడు. ఆ సమయంలో అతని శరీరంలో ఉన్న ఆత్మలింగం ఐదు ముక్కలై ప్రస్తుతం ఆంధ్రప్రదేశ్ గా పిలువబడే ప్రాంతంలో వేర్వేరు ప్రదేశాల్లో పడ్డాయి. P.C: You Tubeఅలా పడిన ప్రాంతాలే పంచారామాలుగా ప్రసిద్ధి చెందాయి. ఈ పంచారామాల గురించి వేర్వేరు పురాణాల్లో వేర్వేరు కథలు ఉన్నా బహుళ ప్రాచూర్యం పొందినది ఈ కథే. ఇదిలా ఉండగా ఐదు ఆత్మలింగం ముక్కలను ఐదుగురు వేర్వేరు పురాణ పురుషులు ప్రతిష్టించి దేవాలయాలు నిర్మించారని చెబుతారు. P.C: You Tubeఈ క్రమంలోనే శివలింగం ఆగ్రభాన ఉన్న ముక్క ప్రస్తుత పశ్చిమగోదావరి జిల్లాలోని భీమవరానికి రెండు కిలోమీటర్ల దూరంలో ఉన్న గునుపూడిలో పడింది. ఇలా పడిన శివలింగం ముక్కను చంద్రుడు ప్రతిష్టించారని పురాణాలు చెబుతున్నాయి. P.C: You Tubeచంద్రుడికి సోముడన్న పేరు ఉన్న విషయం తెలిసిందే. అందువల్లే ఈ క్షేత్రాన్ని సోమారామం అని సోమేశ్వర క్షేత్రమని కూడా పిలుస్తారు. ఇక ఇక్కడ కొలువై ఉన్న స్వామివారిని సోమేశ్వడని పిలుస్తారు. P.C: You Tubeచంద్రుడు తన గురువైన బృహస్పతి భార్యను మోహించాడు. గురువు భార్యను మోహించిన పాపానికి ప్రాయశ్చిత్తంగా ఆయన నారదుడి సూచనమేరకు ఈ శివలింగాన్ని ప్రతిష్టించాడని పురాణాలు చెబుతున్నాయి. P.C: You Tubeఇక చరిత్రను అనుసరించి చాళుక్య భీముడు ఈ దేవాలయానికి ప్రాకారాలు, గోపురాలు నిర్మించినట్లు స్థానికంగా దొరికిన శాసనాల వల్ల తెలుస్తోంది. అందువల్లే ఈ క్షేత్రానికి భీమారామం అనే పేరు కూడా ఉంది. P.C: You Tubeదేవాలయంలోని శివలింగం అమావాస్య రోజు నలుపు రంగులో కనబడుతుంది. అదే విధంగా పౌర్ణమి సమీపించేకొద్ది ఆ శివలింగం రంగు ప్రకాశవంతమై ఆ శివలింగం రంగు శ్వేత వర్ణం అంటే తెలుపు రంగులోకి మారుతుంది. P.C: You Tubeఅదే విధంగా అమావాస్య దగ్గర పడేకొద్ది రంగును కోల్పోతు చివరికి నలుపురంగులోకి మారుతుంది. ఇది శతాబ్దకాలంగా జరుగుతోందిని ఇక్కడి పూజారులు చెబుతున్నారు. ఈ మార్పులను గమనించాలంటే అమావస్యతో పాటు పౌర్ణమి రోజున దేవాలయాన్ని సందర్శించాల్సి ఉంటుంది. P.C: You Tubeఇందుకు గల శాస్త్రీయ కారణాలను ఇప్పటి వరకూ ఎవరూ కనుగొనలేక పోయారు. అయితే చంద్రుడి చేత ఈ శివలింగం ప్రతిష్టించడం వల్ల అలా రంగులు మారుతుందని దేవాలయ పూజారులు చెబుతున్నారు. P.C: You Tubeదేవాలయం ముందు భాగంలో రెండు నందులు ఉండగా ధ్వజస్తంభం వద్ద మరో నంది ఉంటుంది. అటు పై ఆలయ ప్రాంగణంలో ఒక నంది, దేవాలయం ఎదురుగా ఉన్న చంద్ర పుష్కరిణిలో మరో నంది ఉంటుంది. P.C: You Tubeఅందువల్లే ఈ క్షేత్రానికి పంచనందీశ్వర దేవాలయం అని కూడా పేరు. ఇదిలా ఉండగా ఆలయం ముందు భాగాన ఉన్న కోనేరు గట్టున రాతి స్తంభం పై ఉన్న నందీశ్వరుడి నుంచి గర్భాలయంలోకి చూస్తే శివలింగం కనిపిస్తుంది. P.C: You Tubeఅయితే అదే దేవాలయం ముందున్న రాతి గట్టు నుంచి చూస్తే శివలింగానికి బదులు అన్నపూర్ణాదేవి కనిపిస్తుంది. మొత్తం రెండు అంతస్తుల ఉన్న దేవాలయంలో మూలవిరాట్ అయిన సోమేశ్వరుడు కింది అంతస్తులో ఉంటాడు. P.C: You Tubeఅదే గర్భాలయం పై భాగాన ఉన్న రెండో అంతస్తులో పార్వతీ దేవి అన్నపూర్ణాదేవి రూపంలో మనకు కనిపిస్తుంది. ఈ విధంగా శివుడి పై భాగంలో పార్వతీ దేవి ఉండటం మనం ఇక్కడ మాత్రమే చూడగలం. P.C: You Tubeఈ క్షేత్రంలో ప్రతిసారి మహాశివరాత్రి సందర్భంగా స్వామి వారి కళ్యాణోత్సవాలు ఐదు రోజుల పాటు బ్రహ్మండంగా జరుగుతాయి. ఈ ఉత్సవాలకు కొన్ని లక్షల మంది భక్తులు హాజరవుతారు. అదేవిధంగా ఇక్కడ దేవీ నవరాత్రులు కూడా ఎంతో వైభవంగా నిర్విహిస్తారు. P.C: You Tubeపంచారామాల సందర్శన వల్ల మోక్షం లభిస్తుందని చెబుతారు. అందువల్లే ఆంధ్రప్రదేశ్ రాష్ట్ర రోడ్డు రవాణా సంస్థ పంచారామాలను ఒక్క రోజులో సందర్శించే యాత్రా సౌకర్యాన్ని కలిప్పిస్తున్నారు. ఇందుకోసం ముందుగా పేర్లు నమోదు చేసుకోవాల్సి ఉంటుంది.