మెస్మరైజింగ్ మేఘాలయ అండ్ అస్సాం పేరుతో ఐఆర్‌సిటిసి స‌రికొత్త టూర్ ప్యాకేజీ..

ప‌ర్యాట‌కుల‌కు ఐఆర్‌సిటిసి నిత్యం స‌రికొత్త టూర్ ప్యాకేజీల‌ను అందిస్తోంది. ప‌ర్యాటక అందాల‌తో పాటు ప్ర‌సిద్ధ పుణ్యక్షేత్రాల‌తో పాటు వివిధ ప్రాంతాల‌ను కూడా టూరిస్టుల‌కు అందిస్తోంది. ఇందులో భాగంగానే ఇండియన్​ రైల్వే క్యాటరింగ్​ అండ్​ టూరిజం కార్పొరేషన్​ సంద‌ర్శ‌కుల‌కు ఓ శుభ‌వార్త‌ను మోసుకొచ్చింది. ఈ సీజ‌న్‌లో మంచు అందాల‌లో ప‌ర్యటించాల‌నుకునేవారికి ఐఆర్‌సిటిసి ఓ స‌రికొత్త టూర్ ప్యాకేజీనీ అందుబాటులోకి తెచ్చింది. ఆ ప్యాకేజీ వివ‌రాలు మీకోసం..

ఐఆర్‌సీటీసీ మెస్మరైజింగ్ మేఘాలయ అండ్ అస్సాం పేరుతో ప‌ర్యాట‌కుల‌కు ఈ టూర్ ప్యాకేజీని అందిస్తోంది. ఈ టూర్ ప్యాకేజీలో భాగంగా షిల్లాంగ్, చిరపుంజి, గువాహటి వంటి ప్రాంతాలను చుట్టేయొచ్చు. ఈ టూర్ ప్యాకేజీ హైదరాబాద్ నుంచి ప్రారంభ‌వుతుంది. విమాన ప్ర‌యాణం చేయాల్సి ఉంటుంది. మెుత్తం 5 రాత్రులు, 6 పగళ్లు ఈ టూర్ ప్యాకేజీ ఉంటుంది.

టూర్ వివ‌రాలు..

ఈ ప్యాకేజీలో భాగంగా మొదటి రోజు హైదరాబాద్‌ నుంచి టూర్​ ప్రారంభమ‌వుతుంది. ఉదయం 9:25 గంటలకు హైదరాబాద్‌లో విమానం ఎక్కితే మధ్యాహ్నానికి గువాహటి చేరుకుంటారు. అక్కడ ఎయిర్​పోర్ట్​లో ప‌ర్యాట‌కుల‌ను పికప్​ చేసుకుని షిల్లాంగ్‌కు తీసుకెళ్తారు. షిల్లాంగ్ చేరుకున్నఅనంత‌రం లోకల్ మార్కెట్‌లో విహ‌రించొచ్చు. ఆ నైట్‌కు షిల్లాంగ్‌లోనే స్టే చేయాల్సి ఉంటుంది.

రెండో రోజు హోటల్​లో బ్రేక్​ఫాస్ట్ తర్వాత చిరపుంజి ట్రిప్ ఉంటుంది. అక్కడ ఎలిఫాంటా ఫాల్స్, వ్యూ పాయింట్​, నోహ్కలికై జలపాతం, మావ్స్మై గుహలు, సెవన్​ సిస్టర్​ వాటర్​ఫాల్స్​ విజిట్​ చేయొచ్చు. రాత్రికి తిరిగి షిల్లాంగ్​ చేరుకుని అక్కడే బస చేస్తారు.

మ‌రుస‌టి రోజు ఉదయం టిఫిన్ అనంత‌రం దావ్కీ లేక్ సంద‌ర్శ‌న ఉంటుంది. ఆ తర్వాత మావ్లిన్‌నాంగ్, లివింగ్ రూట్ బ్రిడ్జ్ ప‌ర్య‌ట‌న‌కు ప్ర‌యాణం ఉంటుంది. సాయంత్రానికి షిల్లాంగ్​ చేరుకుని ఆ రాత్రికి అక్కడే స్టే ఇయింగ్ ఉంటుంది. ఇక‌, నాలుగో రోజు హోటల్​లో బ్రేక్​ఫాస్ట్​ అనంత‌రం కజరంగి ప్ర‌యాణం ఉంటుంది. అక్కడ హోటల్​లో చెకిన్​ అయ్యాక‌, ఆ రాత్రికి అక్కడే బస చేస్తారు.

ఐదో రోజు తెల్లవారుజామున సఫారికి సిద్ధ‌మ‌వుతారు. అనంత‌రం హోటల్​లో టిఫిన్ చేసి, చెక్​ అవుట్​ అయ్యి గువాహటికి ప‌య‌నిస్తారు. అక్కడ ఒక‌వేళ కాస్త స‌మ‌య‌ముంటే బ్రహ్మపుత్ర న‌దిని కూడా సంద‌ర్శిస్తారు. అనంత‌రం హోటల్​లో చెకిన్​ అయ్యాక‌ ఆ రాత్రికి అక్కడే స్టే ఇయింగ్ ఉంటుంది. ఆరో రోజు బ్రేక్​ఫాస్ట్​ అనంత‌రం చెక్​ అవుట్​ అయ్యి కామాఖ్య దేవాలయ సంద‌ర్శ‌న‌కు వెళ్తారు. అక్క‌డినుండి గువాహటి ఎయిర్​పోర్ట్​లో డ్రాపింగ్ ఉంటుంది. ఇక‌, అక్క‌డినుండి హైదరాబాద్​ రావడంతో ఈ టూర్ ప్యాకేజీ ముగుస్తోంది.

టూర్ ప్యాకేజీ వివరాలివే..

ఈ టూర్ ప్యాకేజీ ధ‌ర‌లను ఓసారి ప‌రిశీలిస్తే.. కంఫర్ట్​లో సింగిల్​ ఆక్యూపెన్సీకి రూ.53,250 ఉంటుంది. డబుల్​ ఆక్యూపెన్సీకి రూ.46,500గా నిర్ణ‌యించారు. అదే ట్రిపుల్​ ఆక్యూపెన్సీకయితే రూ. 44,750 చెల్లించాల్సి ఉంటుంది. ఇక‌, 5 నుంచి 11 సంవత్సరాల చిన్నారులకు విత్​ బెడ్​ అయితే రూ. 40,650 ఉంటుంది. విత్​ అవుట్​ బెడ్​ అయితే రూ.36,650 చెల్లించాల్సి ఉంటుంది. 2 నుంచి 4 సంవత్సరాల చిన్నారులకు విత్​ అవుట్​ బెడ్​ అయితే రూ.30,500 చెల్లించాలి.

ఇక‌, ఈ ప్యాకేజీలో టిక్కెట్ల‌తో పాటు హోటల్​ అకామిడేషన్​, 5 బ్రేక్​ఫాస్ట్​లు, 5 డిన్నర్​లు, లోకల్​ ట్రాన్స్​పోర్ట్​ కోసం వెహికల్​, ట్రావెల్​ ఇన్సూరెన్స్​ అన్నీ క‌వ‌ర్ అవుతాయి. ప్రస్తుతం ఈ ప్యాకేజీ నవంబర్​ 7వ తేదీన ప‌ర్యాట‌కుల‌కు అందుబాటులో ఉంటుంది. ఇత‌ర పూర్తి స‌మాచారం మేర‌కు ప‌ర్యాట‌కుల‌కు ఐఆర్‌సిటిసి అధికారిక వెబ్‌సైట్‌ను సంద‌ర్శించగ‌ల‌రు.