కామాఖ్య ఆలయం - నరకాసురుడు కట్టించిన దేవాలయం !

ఎక్కడ ఉంది ?

కామాఖ్య దేవాలయం, గువహతి (గౌహతి) నగరానికి పశ్చిమ భాగంలో నాలాచల్ కొండల యందు ఉన్నది. ఇది అనేక దేవాలయాలు కలిగిన ప్రత్యేక దేవాలయం.

చిత్రకృప : Deeporaj

ఏ ప్రాంతం నుంచైనా

గువహతి చేరుకోవటానికి విమాన, రైలు మరియు రోడ్డు మార్గాలు అందుబాటులో ఉన్నాయి. దేశంలోని అన్ని ప్రధాన నగరాల నుండి ఇక్కడికి విమానాలు, రైళ్లు మరియు బస్సులు వస్తుంటాయి. నగరంలోని ఏ ప్రాంతం నుంచైనా కామాఖ్య దేవాలయానికి సులభంగా చేరుకోవచ్చు. క్యాబ్, టాక్సీ లేదా ఆటో రిక్షాలు, సిటీ బస్సులు మొదలైన రవాణా సాధనాలను ఉపయోగించి గుడి వద్దకు చేరుకోవచ్చు.

చిత్రకృప : Kamalakshidevi1

కామాఖ్య దేవాలయం

కామాఖ్య దేవాలయం లో పది ఆలయాలు ఉన్నాయి. ఈ దేవాలయాలన్నీ పది మహావిద్యలకు అంకితం చేయబడ్డాయి. అ దేవాలయాలు వరుసగా : కాళీ, తార, సోదశీ, భువనేశ్వరి, భైరవి, చిన్న మస్తా, ధుమవతి, బగళాముఖీ, మాతంగి మరియు కమల దేవాలయాలు.

చిత్రకృప : Kunal Dalui

యాత్రా స్థలం

సాధారణ హిందూ భక్తులకు మరియు తాంత్రిక భక్తులకు ఇదొక ముఖ్యమైన యాత్రా స్థలం. కాళికా పురాణం ప్రకారం కామాఖ్య భక్తుల కోరికలను తీర్చేదిగా, శివుని చిన్న భార్యగా, ముక్తిని ప్రసాదించేదిగా వర్ణించారు.

చిత్రకృప : Subhashish Panigrahi

యోని భాగం

కాళికా పురాణం ప్రకారం, ఈ ఆలయం శివుని కోసం సతీదేవి తన సొగసును అర్పించిన రహస్య ఏకాంత ప్రదేశాన్ని సూచిస్తుంది. అంతేకాదు శివుడు సతీదేవి శవంతో నృత్యం చేస్తున్నప్పుడు ఆమె యోని భాగం పడిపోయిన స్థలం కూడా.

చిత్రకృప : Raymond Bucko, SJ

మార్పులు, చేర్పులు

నరకాసురుడు కామాఖ్య అమ్మవారికి ఆలయాన్ని కట్టించి, పూజలు చేసేవాడు. అతని మరణానంతరం (సత్యభామ నరకాసురుడుని చంపుతుంది) ఎన్నో ప్రకృతి వైపరీత్యాలకు తట్టుకొని మరలా క్రీ.శ 8- 17 వ మధ్యకాలంలో అనేకసార్లు పునర్నిర్మించబడినది.

చిత్రకృప : Gitartha Bordoloi

ఉమానందుడు

కామాఖ్య ఆలయంలో శివుడిని 'ఉమానందుడు' అని పిలుస్తారు. ఇక్కడ భక్తులే స్వయంగా పూజలు చేసుకొనే వీలుంటుంది. జంతుబలులు ఇక్కడ సర్వ సాధారణం.

చిత్రకృప : Deeporaj

మగ జంతువులు

అమ్మవారికి నల్లరంగు అంటే మహా ఇష్టం. అందుకే అన్ని నల్ల రంగు జంతువులనే కోతి, మేక, పావురం, గాడిద లాంటివి బలిగా ఇస్తారు. ఇది ఇక్కడి ఆచారం. అదికూడా మగ జంతువులనే బలిగా ఇస్తారు.

చిత్రకృప : chandrashekharbasumatary

బహిష్టు అయ్యే అమ్మవారు

అమ్మవారు ప్రతిఏటా జూన్ రెండవ వారంలో బహిష్టు అవుతుంది. ఆ సమయంలో గుడిని నాలుగు రోజులు మూసేస్తారు. అయిదవ రోజు స్నానం తర్వాత దేవాలయాన్ని తెరిచి భక్తులకు దర్శనం కలిగిస్తారు. అస్సామీ భాషలో దీనిని 'అంబుబాచి' అని పిలుస్తారు. ఆ సమయంలో జరిగే వేడుకలను 'అంబుబాచి మేళా' గా జరుపుకుంటారు.

చిత్రకృప : Vikramjit Kakati

గుడిలో

అద్భుతమైన శిల్ప శ్రేణులు, వెలుపలివైపు వినాయకుడు మరియు దేవుళ్ళు, దేవతల చిత్రాలు మరియు మూడు పెద్ద మండపాలను కలిగి ఉంది ఈ దేవాలయం.

చిత్రకృప : carol mitchell

పవిత్రస్థలం

గుడిలోని మధ్య మండపం పవిత్రస్థలం గా భక్తులను అలరిస్తుంది. సహజంగా ఏర్పడిన నీటిబుగ్గలోని నీరు యోని ఆకారంలో గల గండశిల పగులలోంచి ప్రవహిస్తూ ఉంటుంది. అంబువాసి వేడుకల సందర్బంగా కామాఖ్య దేవత యొక్క రసజ్వల ఉత్సవాలు నిర్వహిస్తారు. ఆ సమయంలో గర్భగుడిలోంచి ప్రవహించే నీరు ఎర్రగా ఐరన్ ఆక్సయిడ్ వలె రుతుస్రావం వలె కనిపిస్తుంది.

చిత్రకృప : Devi bhakta