ఇక్కడ పురుషులు మహిళలైతే మాత్రమే మంచి ఉద్యోగం దొరుకుతుంది

మహిళలకు మాత్రమే

P.C: You Tube

మామూలుగా ఈ దేవాలయంలో మహిళలతో పాటు లింగ అల్పసంఖ్యాకులకు ప్రవేశం ఉంది. అయితే పురుషులకు ప్రవేశం లేదు. అయితే ఒక చిన్న పనిచేస్తే మాత్రం పురుషులు ఈ దేవాలయంలోకి ప్రవేశించడానికి అర్హత సంపాదిస్తారు. అదే మహిళలుగా తయారవడం.

మేకప్ వేసుకోవాలి

P.C: You Tube

అంటే మహిళల మాదిరి చీరలు, నగలు ధరించి వారిలా మేకప్ చేసుకోవాల్సి ఉంటుంది. సాధారణంగా మేకప్ అంటే మనకు మొదట గుర్తుకు వచ్చేది మహిళలే. అయితే పురుషులు లిప్ స్టిక్ వేసుకొని, ఐ లాష్ పెట్టుకొంటే ఎలా ఉంటారో చూడాలనుకొంటే మాత్రం కేరళలోని కొల్లం కు వెళ్లాల్సి ఉంటుంది.

చీరలు కట్టుకోవాలి

P.C: You Tube

ఇక్కడ పురుషులు మహిళల వలే చీరలకు కట్టుకొని జడలు వేసుకొని పువ్వులు కూడా ముడుచుకొంటారు. ఈ విధంగా వారు మేకప్ వేసుకోవడం వెనుక ఒక కారణం ఉంది. ఈ విధంగా పురుషులు మహిళల వలే మారి ఇక్కడి దేవుడికి పూజలు చేస్తే వారికి మంచి ప్రభుత్వ ఉద్యోగం లభిస్తుందని భావిస్తారు.

ప్రభుత్వ ఉద్యోగం

P.C: You Tube

అంతేకాకుండా ధనలాభం కలుగుతుందని నమ్మకం. అందువల్లే పురుషులు ఈ విధంగా మేకప్ చేసుకొంటారు. ఆ దేవాలయం పేరు కొట్టుకులంగర దేవి మందిరం. ఇది కేరళలోని కొల్లం జిల్లాలోని చవారా అనే ప్రాంతంలో ఉంది. ఈ ఆచారం ఇప్పటిది కాదు. దాదాపు శతాబ్ద కాలంగా నడుచుకొంటూ వస్తోంది.

శిఖరం పై కలశం ఉండదు.

P.C: You Tube

సాధారణంగా మార్చి నెలలో జరిగే చమాయివిలక్కు అనే ఉత్సవం జరుగుతుంది. ఈ ఉత్సవంలో పాల్గొనడానికి లక్షల సంఖ్యలో పురుషులు ఇక్కడికి వస్తారు. ఈ మందిరంలో ఉన్న దేవత స్వయంభువుగా చెబుతారు. ఇక్కడి దేవాలయ శిఖరం పై కలశం ఉండదు. కేరళలో దేవాలయ శిఖరం పై కలశం లేని ఏకైక దేవాలయం ఇదే.

స్థానిక కథనాన్ని అనుసరించి

P.C: You Tube

స్థానిక కథనాన్ని అనుసరించి ఒకప్పుడు ఈ ప్రాంతం దట్టమైన అటవీ ప్రాంతం. ఈ దేవాలయానికి ఒక పక్కన ఎల్లప్పుడు పచ్చగా ఉండటమే కాకుండా అక్కడ ఎక్కువగా పాములు ఉండేవి. దీంతో స్థానికులు ఈ ప్రాంతాన్ని భూతకులం అని పిలిచేవారు.

చిన్న సరస్సు

P.C: You Tube

మరోవైపున ఒక చిన్న సరస్సు ఉండేది. దాని పక్కనే పచ్చటి గడ్డి మైదానం ఉండేది. దీంతో ఇక్కడ పుష్కలంగా నీరు, గడ్డి ఉండటంతో స్థానికులు ఇక్కడ గోవులను మేపేవారు. ఈ నేపథ్యంలో ఇక్కడ ఒక రోజు గోవులు కాసేవారికి ఒక కొబ్బరి కాయ దొరికింది.

పీచును తీయడం కోసం

P.C: You Tube

దీని పై ఉన్న పీచును తీయడం కోసం భూత కులం పక్కనే ఉన్న రాతి పై కొట్టారు. అయితే ఆ రాయి నుంచి రక్తం వచ్చింది. ఈ విషయాన్ని తమ కుల పెద్దలకు చెప్పారు. వారు పండితులతో చర్చించిన అనంతరం ఆ రాయికి అతీత శక్తులు ఉన్నాయనే నిర్ణయానికి వచ్చారు.

పార్వతీ దేవి ప్రతి రూపం

P.C: You Tube

ఆ రాయిని పార్వతీ దేవి ప్రతి రూపంగా భావిస్తూ వచ్చారు. అటు పై స్థానికంగా దొరికే చెట్ల ఆకులు, కొమ్మలతోనే దేవాలయాన్ని నిర్మించారు. ఆ రాయిని పార్వతీ దేవి ప్రతి రూపంగా కొలిచేవారు. అయితే ఆ
విగ్రహం స్థానిక అమ్మాయిలు తయారు చేసిన పూల మాలలను మాత్రమే స్వీకరించేది.

పురుషులు తయారు చేసిన

P.C: You Tube

అంటే పురుషులు తయారు చేసిన పూలమూలలు ఎన్ని సార్లు ఆ రాయి పై వేసిని కిందికి పడిపోతుండేవి. దీంతో పండితుల సూచనల మేరకు పురుషులు అమ్మాయిలాగా వేషం వేసుకొని పూలమాలలు సమర్పించారు. అప్పుడు ఆ పూల మాలలు అలాగే విగ్రహం పై ఉండిపోయాయి. ఆ ఆచారం ఇప్పటికీ కొనసాగుతూనే ఉంది.