శ్రీనాథ్ జీ మందిర్, నాథ్ ద్వారా, రాజస్థాన్ !

ఏక్ లింగ్ జీ ఆలయం

ఉదయ్ పూర్ కు 24 కి. మీ ల దూరంలో ఉన్న ఈ దేవాలయంలో శివుడు ఉంటాడు. ఇది క్రీ. శ. 734 లో ఆచార్య విశ్వరూప చే నిర్మించబడిందని నమ్ముతారు. 50 అడుగుల ఎత్తు ఉండి, నాలుగు ముఖాలు కలిగిన నల్లని శివలింగం ఇక్కడి ప్రత్యేకత. ఆలయ ప్రాంగణంలో 108 దేవాలయాలు ఉన్నాయి.

చిత్ర కృప : Dennis Jarvis

ద్వారకాధీశ్ ఆలయం

నాధ్ ద్వారా లోని కంకోళి గ్రామంలో ఉన్న ద్వారకాదీశ ఆలయం ఇక్కడి మరో ప్రధాన ఆకర్షణ. ఇది వైష్ణవ మతానికి, వల్లభాచార్యులకు చెందినది. ఇందులో శ్రీకృషుడు ఉంటాడు. బర్డ్ వాచింగ్ మీద ఆసక్తి గలవారు సమీపంలోని కంకోళి డ్యాం వద్దకు వెళ్ళవచ్చు.

చిత్రకృప : Ian Sutton

శ్రీనాథ్ జీ ఆలయం

శ్రీనాథ్ జీ ఆలయం క్రీ.శ. 12 వ శతాబ్దానికి చెందినది. ఇందులో శ్రీకృష్ణుని నల్లని పాలరాతి విగ్రహం ఉంటుంది. ఎపి లోకి తిరుపతి తర్వాత ఇదే ధనవంత ఆలయం గా చెబుతారు.

చిత్రకృప : Redtigerxyz

చార్ భుజ దేవాలయం

చార్ భుజ సమీప చిన్న పట్టణం. ఇక్కడ చార్ భుజాజీ దేవాలయం కలదు. విగ్రహం విష్ణుమూర్తి అవతారంలో ఉంటుంది మరియు దేవాలయం శిల్పకళకు ప్రసిద్ధి చెందినది. సమయముంటే రాజ పుత్ర రాజులు నిర్మించిన కోట సందర్శించండి.

చిత్రకృప : SAPEDIYA

రాజసమండ్

నాధ్ ద్వారా కు 15 కి. మీ. ల దూరంలో రాజసమండ్ ప్రదేశం కలదు. హాండ్ లూమ్ ఉత్పత్తులకు, మార్బుల్ ఉత్పత్తులకు ఇది ఫెమస్. డ్యాం, సరస్సులు, కోటలు మొదలైనవి చూడవచ్చు.

చిత్రకృప : Rajsamand Blog

షాపింగ్

నాధ్ ద్వారా లో షాపింగ్ ఆసక్తికరంగా ఉంటుంది. సంప్రదాయ వస్తువులు తక్కువ ధరకే లభిస్తాయి. టెర్రా కోట వస్తువులు, చేతి వస్తువులు మొదలైనవి కొనుగోలు చేయవచ్చు. స్థానిక మిఠాయిలు ఎంతో రుచికరంగా ఉంటాయి.

చిత్ర కృప : Prakhar Amba

కుంభాల్ ఘర్ కోట

నాథ్ ద్వారా నుండి 51 కిలోమీటర్ల దూరంలో ఉన్న చారిత్రాత్మక ప్రదేశం కుంభాల్ ఘర్ కోట గురించి ఇక్కడ క్లిక్ చేయండి.

చిత్ర కృప : Honza Soukup

అద్భుత ఆలయం

నాథ్ ద్వారా నుండి 57 కిలోమీటర్ల దూరంలో ఉన్న అద్భుత ఆలయం రానక్ పూర్ గురించి ఇక్కడ క్లిక్ చేయండి.

చిత్ర కృప : Paul Asman and Jill Lenoble

నాథ్ ద్వారా ఎలా చేరుకోవాలి ?

వాయు మార్గం : 45 కి. మీ ల దూరంలో ఉదయపూర్ విమానాశ్రయం కలదు. ఇది ఢిల్లీ, ముంబై, కలకత్తా తదితర ప్రాంతాల నుండి కనెక్ట్ చేయనాడింది. ఈ విమానాశ్రయం నుండి క్యాబ్ లేదా టాక్సీ లలో నాథ్ ద్వారా చేరుకోవచ్చు.

రైలు మార్గం : నాథ్ ద్వారా కు 13 కి. మీ ల దూరంలో ఒక చిన్న రైల్వే స్టేషన్, 48 కి.మీ ల దూరంలో ఉదయపూర్ రైల్వే స్టేషన్ కలదు.

రోడ్డు మార్గం : ఉదయపూర్, రానక్ పూర్, పుష్కర్, ఢిల్లీ, జైపూర్, అజ్మీర్ తదితర ప్రాంతాల నుండి నాథ్ ద్వారా కు ప్రభుత్వ/ ప్రవేట్ బస్సులు కలవు.

చిత్ర కృప : indian railinfo