నగరానికి దాడుల నుండి రక్షణ గా ఉండడానికి సుల్తాన్ అహ్మద్ యొక్క మనవడు మహ్మద్ బేగ్డా చేత నిర్మించబడిన 10కిలో మీటర్ల పరిధి కలిగిన గోడ కి పన్నెండు గేట్లు, 189 కోట బురుజులు, 6000 కు పైగా పిట్టగోడలు కలవు. అద్భుతమైన నగిషీలతో ఈ గేట్లు అన్ని అలంకరించబడి ఉన్నాయి. కొన్ని గేట్లకి బాల్కనీలు కూడా కలవు. మొఘలుల కాలం లో సామ్రాట్ అఖ్బర్ చేత ఆహ్మేదాబాద్ అక్రమించబడింది. అయితే ఈ ప్రాంతం లో తమదైన ముద్ర లు మిగిల్చిన మొఘల్ రాజు మాత్రం షాజహాన్. షాహీ బాగ్ లో ఉన్న మోతీ షాహి మహల్ షాజహాన్ చే నిర్మించబడింది.
గాంధీ ప్రభావం బ్రిటిష్ వారి పరిపాలన లో మహాత్మా గాంధీ మార్గదర్శకత్వంలో ముందుకు సాగిన భారతీయ స్వాతంత్ర ఉద్యమం వల్ల ఈ నగరం అమితంగా ప్రాముఖ్యత సంతరించుకుంది. ప్రస్తుతం సబర్మతి ఆశ్రమం గా పిలువబడే సబర్మతి నది ఒడ్డున ఉన్న సత్యాగ్రహ ఆశ్రమం అలాగే ఆహ్మేదాబాద్ లో ఉన్న కోచ్రబ్ ఆశ్రమాలనీ గాంధీ గారు స్థాపించారు. సత్యాగ్రహ ఉద్యమం లో భాగం గా గాంధీ గారు సబర్మతి ఆశ్రమం నుండి ఆహ్మేదాబాద్ వరకు దండీ మార్చ్ ని ప్రారంభించారు. బ్రిటిష్ పరిపాలన లో 'మాంచెస్టర్ అఫ్ ది ఈస్ట్' గా ఇది ప్రసిద్ది చెందింది. అలాగే గాంధీజీ స్వదేశీ ఉద్యమం లో వస్త్ర పరిశ్రమ వేగంగా విస్తరించింది. ఆ సమయం లో ఉనికి లో కి వచ్చిన అరవింద్ మిల్స్, కాలికో మిల్స్ వంటివి స్వదేశీ వస్త్రాలని ఉత్పత్తి చెయ్యడం వల్ల ఏంతో ప్రాముఖ్యత పొందాయి.
పర్యాటక ఆకర్షణలుఅటు చారిత్రక ఆనవాళ్ళు, ఇటు అదునాతీన ఆకర్షణలైన పెద్ద మాల్స్ మరియు సినిమా మాల్స్, హట్హీసింగ్ జైన్ టెంపుల్, సిది సయీద్ మస్జిద్, స్వామినారాయణ్ టెంపుల్, జమ్మా మసీద్, మహుడి జైన్ టెంపుల్, అక్షరధాం, సిటీ వాల్స్ మరియు గేట్స్, రాణి నో హజిరో, బాద్షా నో హజిరో, ఝుల్తా మినార, సర్ఖేజ్ రోజా, దాదా హరిర్ వావ్, ది అదలజ్ స్టెప్ వంటివి ఈ ప్రాంతం లో ప్రసిద్ది చెందినవి. అనేకమైన మ్యూజియం లు, సహజమైన పర్యావరణ వ్యవస్థ, ఇండోర నతురల్ పార్క్ మరియు కంకరియా సరస్సు వంటివి ఈ ప్రాంతం లో ఉన్న మరికొన్ని పర్యాటక ఆకర్షణలు.
జనాభా వివరాలు ఆహ్మేదాబాద్ యొక్క మొత్తం జనాభా 4.5 మిలియన్లు. వాణిజ్య కేంద్రం కావడం వల్ల వైష్ణవ హిందుత్వానికి అలాగే జైనిసం సేక్ట్ కి సంబంధించిన వర్తకుల యొక్క జనాభా ఎక్కువగా ఉంది. అలాగే పార్సీలు ఎక్కువగా ఇక్కడ నివసిస్తారు. ఇస్రాయిల్ జ్యూ లు అతి తక్కువగా 300 ల మంది జనాభా మాత్రమే ఇక్కడ కనిపిస్తారు. ముస్లిములు గణనీయంగా పెద్ద సంఘం కలిగి ఉన్నారు. గుజరాతీ రాష్ట్ర భాష అయినప్పటికీ హిందీ ని వర్తకం, విద్య, ప్రభుత్వ మరియు ఇతర రోజు వారీ కార్యక్రమాలలో సాధారణంగా ఉపయోగిస్తారు.
వాతావరణం పాక్షిక శుష్క వాతావరణం కలిగిన ఆహ్మేదాబాద్ లో సాధారణ వర్షపాతం కంటే తక్కువగా వర్షపాతం నమోదవుతుంది. అందువల్ల ఇక్కడి వాతావరణం ఎడారి మరియు ఆర్ద్ర వాతావరణాల మధ్య ఉంటుంది. వర్షాకాలం మినహాయించి వాతావరణం పూర్తిగా పొడిగా ఉంటుంది. చల్లటి ఉత్తర గాలుల వల్ల జనవరి లో మితంగా చలి కనిపిస్తుంది.
సంస్కృతి మరియు పండుగలువిభిన్న సంస్కృతుల అలాగే మతాల మేళవింపు తో అహ్మదాబాద్ బలమైన సాంస్కృతిక సాంప్రదాయం కలిగి ఉంటుంది. తొమ్మిది రోజుల పాటు నిర్వహించబడే నవరాత్రి ఉత్సవాలలో గర్బ అనబడే జానపద నృత్యాన్ని ప్రదర్శిస్తారు. దీపావళి, హోలీ, గణేష్ చతుర్థి, గుడి పాడ్వా, ఈద్ ఉల్-ఫితర్, ముహర్రం మరియు క్రిస్మస్ వంటి ఇతర పండుగలని కూడా ఎంతో ఉత్సాహంగా జరుపుకుంటారు.
అనుసంధానం మరియు ప్రయాణ సౌకర్యంఆటో రిక్షా లు అలాగే బస్సులు తరచుగా తిరగడం వల్ల ఈ నగరానికి చేరుకోవడం ఎంతో సులభం. అహ్మదాబాద్ మునిసిపల్ ట్రాన్స్పోర్ట్ సర్వీస్ (AMTS) నడిపే స్థానిక బస్సు సర్వీసులు నగరం లో అందుబాటులో ఉంటాయి. ప్రధాన కాలుపూర్ ప్రాంతం లో నెలకొని ఉన్న ఆహ్మేదాబాద్ రైల్వే స్టేషన్ కాలుపూర్ స్టేషన్ గా కూడా ప్రసిద్ది. మనినగర్, వత్వ, గంధిగ్రం, అసర్వ, చంద్లోడియా, కాళీ గం, వస్త్రపూర్, సబర్మతి, సర్ఖేజ్, నరోడ మరియు ఆమ్లి వంటివి అహ్మదాబాద్ లో ఉన్న మరికొన్ని స్టేషన్ లు. సర్దార్ వల్లభాయ్ పటేల్ అంతర్జాతీయ విమానాశ్రయం నగరం నుండి 15 కిలోమీటర్ల దూరం లో అలాగే అహ్మదాబాద్ రైల్వే స్టేషన్ ఇంకా బస్ స్టాండ్ నుండి 8 కిలో మీటర్ల దూరం లో ఉంది. ఈ విమానాశ్రయం అంతర్జాతీయ అలాగే స్వదేశీ ప్రయాణీకులకి సేవలందిస్తుంది.
అభివృద్ధి చెందుతున్న నగరం రియల్ ఎస్టేట్, ఆటోమొబైల్, కెమికల్, ఫార్మాసిటికల్, పెట్రోలియం మరియు ఐటి ఇండస్ట్రీల వంటి వివిధ రంగాల లో ని ప్రాజెక్టుల రాక తో అహ్మదాబాద్ వేగంగా అభివృద్ధి చెందుతోంది. ఐఐఎం(ఇండియన్ ఇన్స్టిట్యూట్ అఫ్ మేనేజ్మెంట్)- అహ్మదాబాద్, NID(నేషనల్ ఇన్స్టిట్యూట్ అఫ్ డిజైన్), NIFT(నేషనల్ ఇన్స్టిట్యూట్ అఫ్ ఫాషన్ టెక్నాలజీ), ధీరూభాయి అంబాని ఇన్స్టిట్యూట్ అఫ్ ఇన్ఫర్మేషన్ అండ్ కమ్యూనికేషన్ టెక్నాలజీ వంటి వివిధ విద్యా సంస్థలు ఈ ప్రాంతం లో ఉన్నాయి.
నేటి అహ్మదాబాద్ పర్యాటకులకి ఆనందాన్ని కలిగించేందుకు అనువైన ప్రదేశం. పెద్ద మాల్స్ లో షాపింగ్ నుండి అంతర్జాతీయ స్టాండర్డ్ హోటల్స్ లో బస వరకు, నేచురల్ పార్క్స్ లో సఫారీ నుండి చారిత్రక నగరాల సందర్శన వరకు ఈ ప్రాంతం లో అందుబాటులో ఉన్నాయి. పర్యాతకుడి ప్రతి అవసరాన్ని తీర్చడం వాళ్ళ అహ్మదాబాద్ ప్రసిద్ద మైన పర్యాటక మజిలీ అయింది.