దేవాలయాల రాజస రాష్ట్రం...రాజస్థాన్

జగదీష్ దేవాలయం

P.C: You Tube

రాజస్థాన్ లోని ప్రముఖ పర్యాటక కేంద్రమైన ఉదయ్ పూర్ లో ఈ జగదీష్ దేవాలయం ఉంది. ఇండో ఆర్యన్ వాస్తు శైలిలో నిర్మించిన ఈ దేవాలయంలో మూలవిరాట్టు విష్ణువు. ఉదయ్ పూర్ లోని సిటీ ప్యాలెస్ లోపల ఉన్న ఈ అద్భుతమైన దేవాలయాన్ని రాజ జగదీష్ నిర్మించాడు.

మోతీ డ్రోంగ్రీ దేవాలయం

P.C: You Tube

రాజస్థాన్ లోని మోతీ డ్రోంగ్రీ పర్వత శిఖరం పై ఉన్న గణపతి దేవాలయం మోతీ డ్రోంగ్రీ పేరుతో ప్రఖ్యాతి గాంచింది. స్థానికులతో పాటు రాజస్థాన్ కు చెందిన రాజకీయ నాయకులు ముఖ్యమైన కార్యక్రమలు ప్రారంభించే సమయంలో ఈ దేవాలయాన్ని సందర్శిస్తూ ఉంటారు. 18వ శతాబ్దంలో జై రామ్ ఈ దేవాయాన్ని నిర్మించారు.

రనక్ పూర్ దేవాలయం

P.C: You Tube

జైనులకు అత్యంత పవిత్రమైన ఐదు పుణ్యక్షేత్రాల్లో రనక్ పూర్ దేవాలయం కూడా ఒకటి. ఈ దేవాలయం కొన్ని ఉప దేవాలయాల సమూహం అని చెప్పపడం సబబుగా ఉంటుంది. ఇది ఉదయ్ పూర్ కు 95 కిలోమీటర్ల దూరంలో ఉంది. పాలరాతితో నిర్మించిన ఈ దేవాలయం నిర్మాణశైలి విభిన్నంగా ఉంటుంది. రనక్ పూర్ దేవాలయ సముదాయంలో పార్శనాథ దేవాలయం, అంబా మాతా దేవాలయం, చౌముఖ దేవాలయం, సూర్య దేవాలయం తదితర ఆలయాలు ఎన్నో ఉన్నాయి.

గోవింద్ దేవ్ జీ దేవాలయం

P.C: You Tube

ఇక్కడ శ్రీ క`ష్ణుడు ప్రధాన దైవం. చంద్రమహల్, బాదల్ మహల్ మధ్యన ఈ దేవాలయం ఉంటుంది. ఔరంగజేబు సమయంలో మూలవిరాట్టు అయిన శ్రీ క`ష్ణ విగ్రహాన్ని మధురకు దగ్గర్లో ఉన్న ను బ`ందావన్ నుంచి ఇక్కడికి తీసుకువచ్చారు.

రిషభనాథ దేవాలయం

P.C: You Tube

ఉదయ్ పూర్ కు 65 కిలోమీటర్ల దూరంలో ఉన్న థూలేవ్ గ్రామంలో ఈ రిషభనాథ దేవాలయం ఉంది. ఈ దేవాలయం జైనులకు పరమ పవిత్రమైనది. జైనుల తీర్థాంకరుల్లో మొదటివాడైన రిషభనాథుడు ఇక్కడ పూజలందుకొంటాడు.

బిర్లా దేవాలయం

P.C: You Tube

మోదీ దుర్గా దేవాలయం పర్వత పాదాల వద్ద ఉన్న బిర్లా దేవాలయంలో ప్రధాన దైవం లక్ష్మీనారాయణ స్వామి. ఈ దేవాలయాన్ని బిర్లా కుటుంబ సభ్యులు 1988లో నిర్మించారు. జైపూర్లోని ఈ దేవాలయం నిర్మాణంలో మొత్తం గ్రానైట్ ను వాడారు. ఈ దేవాలయంలోని శిల్ప సంపద కూడా భారతీయ శిల్ప శైలికి అద్దం పడుతుంది.

జరత్ దేవాలయం

P.C: You Tube

ఉదయ్ పూర్ కు కేవలం 58 కిలోమీటర్ల దూరంలోనే జరత్ దేవాలయం ఉంది. ఈ దేవాలయాన్ని రాజస్థాన్ ఖజురహో దేవాలయం అని పిలుస్తారు. ఆలయం గోడల పై శృంగార భరితమైన శిల్పలు ఉండటమే ఇందుకు కారణం. ఇక్కడ ప్రధాన దైవం అంబికా మాత. అందువల్లే ఈ దేవాలయాన్ని అంబికా మాత దేవాలయం అని కూడా అంటారు.

గల్తా జీ దేవాలయం

P.C: You Tube

గల్తాజీ భారత దేశంలోని అతి ప్రాచీన దేవాలయాల్లో ఒకటి. ఇక్కడ ప్రక`తి సిద్ధంగా ఏర్పడిన పుష్కరిణిలో స్నానం చేస్తే సర్వపాపాలు తొలిగిపోతాయని భక్తుల నమ్మకం. ఇక్కడ ఆంజనేయుడు ప్రధానంగా పూజలు అందుకొంటాడు. జైపూర్-ఆగ్రా హైవే మార్గంలో ఈ దేవాలయం ఉంది.

ఏక లింగ దేవాలయం

P.C: You Tube

ఉదయ్ పూర్ కు 22 కిలోమీటర్ల దూరంలోని కైలాస్ పూర్లోనే ఏక లింగ దేవాలయం ఉంది. అత్యంత ప్రాచీనమై ఈ దేవాలయాన్ని క్రీస్తు పూర్వం 734 లో బాపా ఏవాల్ నిర్మించినట్లు చెబుతారు. ఇక్కడ ప్రధాన దైవం శివుడు.

బ్రహ్మ దేవాలయం

P.C: You Tube

భారత దేశంలో అతి ప్రాచీన దేవాలయల్లో రాజస్థాన్ లోని పుష్కర్ లోని బ్రహ్మ దేవాలయం కూడా ఒకటి. దీనిని దాదాపు 2వేల సంవత్సరాల క్రితం నిర్మించినట్లు చెబుతారు. ఈ దేవాలయంలోకి బ్రహ్మచారుల ప్రవేశం నిశిద్ధం.

కంక్రోలి దేవాలయం

P.C: You Tube

ఉదయ్ పూర్ కు 65 కిలోమీటర్ల దూరంలోని కంక్రోలి అనే చిన్న పట్టణంలో ఈ దేవాలయం ఉంది. ఇక్కడ శ్రీ శ్రీ కృష్ణుడిని ద్వారకాధీశుడనే పేరుతో కొలుస్తారు. ఈ దేవాలయం రాజ్ సమంద్ అనే సరస్సు ఒడ్డున ఉంటుంది.

మొహందిపూర్ బాలాజీ

P.C: You Tube

ఈ దేవాలయంలో ప్రధానంగా హనుమంతుడిని పూజిస్తారు. జైపూర్-ఆగ్రా రహదారిలో మనకు ఈ దేవాలయం కనిపిస్తుంది. దెయ్యాలు పట్టిన వారిని ఇక్కడికి తీసుకువస్తే మంచి ఫలితం ఉంటుందని వేల ఏళ్లుగా ఇక్కడి ప్రజలు నమ్ముతున్నారు.

నాథ్ ద్వారా దేవాలయం

P.C: You Tube

ఇది కూడా శ్రీ క`ష్ణ దేవాలయం. ఉదయ్ పూర్ కు కేవలం 48 కిలోమీటర్ల దూరంలో ఈ దేవాలయం ఉంటుంది. బానస్ నది ఒడ్డున ఉన్న ఈ దేవాలయాన్ని నిత్యం వేల మంది సందర్శిస్తూ ఉంటారు.

దిగంబర్ జైన్ దేవాలయం

P.C: You Tube

అజ్మీర్ లో ఉన్న జైన పున్యక్షేత్రంలో జైనుల గురువైన అధినాథ్ ప్రధాన దైవం. దీనిని నాషియన్ జైన్ టెంపుల్ అని కూడా పిలుస్తారు. క్రీస్తు శకం 1865లో ఈ దేవాలయాన్ని నిర్మించారు. దేవాలయం నిర్మాణంలో ఎర్రటి గ్రానైట్ ను వినియోగించడం వల్ల దీనిని లాల్ దేవాలయం అని కూడా పిలుస్తారు.

దిల్వార దేవాలయం

P.C: You Tube

రాజస్థాన్ లోని మౌంట్ అబు పర్వత శిఖరం పై ఈ దిల్వారా దేవాలయం ఉంది. జైనుల పుణ్యక్షేత్రమైన ఈ దేవాలయంలోని అద్భుత శిల్ప సంపద ప్రపంచ పర్యాటకులను ఆకర్షిస్తోంది. ఈ దేవాలయాన్ని 11వ శతాబ్దంలో చాళుక్యులు నిర్మించినట్లు చెబుతారు.

ఆజ్మీర్ దర్గా

P.C: You Tube

ఈ దర్గా ముస్లీం సోదరులకే కాకుండా హిందువులకు కూడా పరమ పవిత్రమైన పుణ్యక్షేత్రం. ఆజ్మీర్ లోని ఈ దర్గాలో ప్రతి సంవత్సరం జరిగే ఉర్సుకు ప్రపంచంలోని నలుమూలల నుంచి ఇక్కడకు పెద్ద సంఖ్యలో భక్తులు వస్తూ ఉంటారు.