దక్షిణ భారత దేశంలోని ఈ దేవాలయాను ఒక్కసారైనా దర్శించుకోవాల్సిందే

విరూపాక్ష దేవాలయం

P.C: You Tube

కర్నాటకలోని తుంగభద్ర నది ఒడ్డున ఉన్న విరూపాక్ష దేవాలయం విజయనగర సామ్రాజ్య అద్భుత నిర్మాణం. ఇక్కడ శివుడు విరూపాక్షుడి పేరుతో కొలువై ఉన్నాడు. ఇక్కడ శిల్ప సంపద అద్భుతం. అందువల్లే యునెస్కో ఈ దేవాలయాన్ని ప్రపంచ వారసత్వ సంపదగా గుర్తించి సంరక్షణ చర్యలు చేపడుతోంది.

మీనాక్షి దేవాలయం

P.C: You Tube

తమిళనాడులోని వైగై నది ఒడ్డున మధురై పట్టణంలో ఉన్న ఈ దేవాలయంలో ప్రధాన దైవం మీనాక్షి అమ్మవారు. ఈ ఆలయాన్ని మీనాక్షి సుందరేశ్వర ఆలయం అని కూడా పిలుస్తారు. ప్రపంచంలో ఓ ధార్మిక ప్రాంతానికి సంబంధించి ఈ దేవాలయంలో ఉన్న శిల్ప సంపద మరెక్కడా కనిపించదు. దక్షిణ భారత దేశంలో ఎక్కువ మంది సందర్శించే ఆలయాల్లో ఇది కూడా ఒకటి.

తిరుమల ఆనంద నిలయం

P.C: You Tube

ఆంధ్రప్రదేశ్ లోని తిరుమల కొండపై ఉన్న శ్రీ వేంకటేశ్వర స్వామి దేవాలయం ప్రపంచ ప్రఖ్యాతి చెందినది. ముఖ్యంగా ఇక్కడ లడ్డు ప్రసాదం చాలా ప్రాచూర్యం పొందింది. ఈ దేవాలయాన్ని సాదారణంగా ఆనంద నిలయం అని పిలుస్తారు. ద్రావిడ శైలిలో నిర్మించిన ఈ దేవాలయం క్రీస్తు పూర్వం 300 ఏళ్ల నాటిదని చెబుతారు.

ఐరావతేశ్వర దేవాలయం

P.C: You Tube

తమిళనాడులోని కుంభకోణం సమీపంలో ఉన్న దురాసుర పట్టణ సమీపంలో ఐరావతేశ్వర దేవాలయం ఉంది. ఇక్కడ శిల్ప సంపద ప్రపంచ ప్రఖ్యాతి చెందినది. అందువల్లే మునెస్కో సంస్థ వరల్డ్ హెరిటేజ్ జాబితాలో ఈ ఐరావతేశ్వర దేవాలయం స్థానం సంపాదించుకుంది. ఇక్కడ ప్రధాన దైవం శివుడు. ఇంద్రుడి వాహనం ఐరావతం తన శాపాన్ని ఇక్కడ పోగొట్టుకొంది కాబట్టి ఈ ఆలయాన్ని ఐరావతేశ్వరాలయం అని పిలుస్తారు.

బృహదీశ్వర దేవాలయం

P.C: You Tube

తమిళనాడులోని తంజావూరులో ఉన్న బృహదీశ్వర దేవాలయం నిర్మించి దాదాపు వెయ్యి సంత్సరాలవుతోంది. ఇక్కడ చోళ సంప్రదాయ శిల్ప కళ ప్రపంచ పర్యాటకులను ఎక్కువగా ఆకర్షిస్తోంది. ఈ దేవాలయం గోపురం నీడ భూమిని తాకక పోవడం విశేషం. ఈ దేవాలయం కూడా యునెస్కో ప్రపంచ వారసత్వ సంపద జాబితాలో ఒకటి.