మూడు యుగాల నుంచి వెలుగుతున్న ఈ ‘శివజ్యోతి’ని ఈ శ్రావణ మాసంలో చూస్తే

భారత దేశం విశిష్ట దేవాలయాల నిలయం. కొన్ని దేవాలయాల్లో జరుగుతున్న విషయాల మర్మాన్ని శాస్త్ర సాంకేతికత ఇంతగా అందుబాటులోకి వచ్చినా కూడా ఛేదించలేకపోతున్నాం. అటువంటి కోవకు చెందినదే మనం ఇప్పుడు చెప్పుకోబోయే ఓ ఆలయం.అదే ఆది దంపతులైన శివపార్వతుల వివాహం జరిగిన ప్రాంతంలో మూడు యుగాల నుంచి హోమగుండం ఆరిపోలేదని పురాణ కథనం. అందులోని జ్యోతి మూడు యుగాల నుంచి వెలుగొందుతూనే ఉంది.ఇక శివుడికి ఎంతో ఇష్టమైన శ్రావణ మాసంలో ఈ దేవాలయాన్ని ముఖ్యంగా ఆ హోమగుండం నుంచి వెలువడే జ్యోతిని సందర్శించడం వల్ల సకల పాపాలు తొలిగిపోయి మోక్షం లభిస్తుందని భక్తులు భావిస్తారు. అందువల్లే కేవలం భారత దేశం నుంచే కాకుండా వివిధ దేశాల నుంచి కూడా భక్తులు ఇక్కడికి వస్తుంటారు. nbsp; P.C: You Tubeత్రియుగి నారాయణ దేవాయం త్రియుగి నారాయణ గ్రామంలో ఉంది. ఈ త్రియుగి నారాయణ గ్రామం ఉత్తరాఖండ్ రాష్ట్రంలోని రుద్రప్రయాగ్ జిల్లాలో ఉంది. P.C: You Tubeప్రముఖ ఆధ్యాత్మిక పర్యాటక క్షేత్రాలైన కేదర్నాథ్ కు 27 కిలోమీటర్లు, గౌరికుండ్ కు 13 కిలోమీటర్లు, సోన్ ప్రయాగ్ కు 10 కిలోమీటర్ల దూరంలో ఈ త్రియుగి నారాయణ దేవాలయం ఉంది. P.C: You Tubeఈ త్రియుగీ నారాయణ దేవాలయం అటు వైష్ణవులకు, ఇటు శైవులకు కూడా పరమ పవిత్రమైన పర్యాటక స్థలం. పురాణ ప్రాధాన్యత కలిగిన ఈ త్రియుగీ నారాయణ దేవాలయం అత్యంత ప్రాచీనమైనది. P.C: You Tubeమూడు యుగాల నుంచి జ్వలిస్తున్న హోమగుండమే ఇందుకు ప్రత్యక్షనిదర్శనం. ఇక్కడ ఉన్న హోమగుండం వల్ల ఎల్లప్పుడూ ఒక వ్యక్తి కుర్చొని హొమగుండంలోకి కర్రలను వేస్తూ ఉంటాడు. P.C: You Tubeదీనితోపాటు నెయ్యి, పుష్పాలు తదితర వస్తువులను వేస్తూ ఉంటారు. ఈ ప్రక్రియ మూడు యుగాల నుంచి నిరంతరాయంగా ఎటువంటి ఆటంకాలు లేకుండా జరుగుతూ ఉంది. P.C: You Tubeఇందుకు ఈ దేవాలయంలోని నారాయణుడే సాక్షి. అందువల్లే ఈ దేవాలయాన్ని త్రియుగీ నారాయణ దేవాలయం అని అంటారు. P.C: You Tubeఇక పురాణ కథనాన్ని అనుసరించి తారాకాసురుడు అపార తపస్సుతో బ్రహ్మను మెప్పించి శివపుత్రుడి చేతిలో తప్పా తనకు మరెవ్వరి చేతిలోనూ మరణం సంభవించకూడదనే వరం పొందుతాడు. P.C: You Tubeతనకు లభించిన వరంతో ముల్లోకాలను ముప్పు తిప్పలు పెడుతూ రాక్షసానందం పొందుతూ ఉంటాడు. దీంతో దక్షాయణిని పోగొట్టుకొని దు:ఖంలో ఉన్న శివుడికి పార్వతితో వివాహం జరిపించాలని దేవతలు భావిస్తారు. P.C: You Tubeతద్వారా ద్వారా కుమారస్వామిని జనింపచేయాలని దేవతల ఆలోచన. ఇందుకు త్రియుగీ నారాయణ ప్రాంతం సరైన ప్రాంతమని భావించిన దేవతలు ఆ శివపార్వతుల వివాహం త్రియుగీ నారాయణ ప్రాంతంలో జరిపిస్తారు. P.C: You Tubeముఖ్యంగా ఇక్కడ ఉన్న ఆలయం బయట ఒక చిన్న దేవాలయం ఉంది. నాలుగు మూలలా నాలుగు రాతి స్తంభాలు, రాతి పై కప్పు మాత్రం ఉంటుంది. P.C: You Tubeమధ్యలో నేల మీద కొద్దిగా ఎత్తులో ఒక రాతి పలక పానపట్టలాగ ఉండి మధ్యలో ఒక చిన్న శివలింగం ఉంటుంది. శివపార్వతుల వివాహం ఈ పీఠం మీదనే జరిగిందని చెబుతారు. P.C: You Tubeఇక ఆలయం బయట ప్రాంగణంలో మూడు తీర్థాలు వరుసగా ఒకదాని పక్కన పరొకటి ఉన్నాయి. వీటికే బ్రహ్మకుండం, విష్ణుకుండం, సరస్వతీ కుండం అని పేరు. P.C: You Tubeఇక శివపార్వతుల వివాహానికి సంబంధించిన అనేక వస్తువులు ఈ దేవలయం చుట్టు పక్కల కనిపిస్తాయి. ఈ ఆదిదంపతులైన శివపార్వతుల వివాహం జరిగే సమయంలో విష్ణువు అన్నస్థానంలో ఉండి అన్ని కార్యక్రమాలు నిర్వహించినట్లు స్థానిక కథనం. P.C: You Tubeఇక్కడ ఉన్న ఒక తీర్థంలో విష్ణుమూర్తి స్నానం చేసిన తర్వాత వివాహ సమయంలో ఏ ఏ కార్యక్రమాలు నిర్వహించాలో ఆ కత్రువు అన్నీ నిర్వహించినట్లు చెబుతారు. P.C: You Tubeఅందువల్లే ఇక్కడ ఉన్న ఒక కుండానికి విష్ణుకుండమని పేరు. ఇందులో స్నానం చేయడాన్ని భక్తులు పరమ పవిత్రమైనదిగా భావిస్తారు. శివపార్వతుల వివాహానికి బ్రహ్మదేవుడే పురోహితుడు. P.C: You Tubeపౌరోహిత్యం అంగీకరించడానికి ముందు ఇక్కడి తీర్థంలో స్నానం చేసి శుచిగా ఈ కార్యం నిర్వహించాడు. అందుకే ఇక్కడ ఉన్న తీర్థాన్ని బ్రహ్మ కుండం అని అంటారు. P.C: You Tubeఆ వివాహ సమయంలో జ్వలింపజేసిన హోమగుండమే ఇక్కడ ఉన్న హోమగుండమని చెబతారు. అది మూడు యుగాల నుంచి అలాగే మండుతూ ఉందని చెబుతారు. P.C: You Tubeశివుడికి ఎంతో ప్రీతిపాత్రమైన శ్రావణ మాసంలో ఈ హోమగుండాన్ని సందర్శిస్తే కోరిన కోర్కెలన్నీ నెరవేరుతాయని భక్తులు నమ్మకం. P.C: You Tubeఅందువల్లే ఈ శ్రావణ మాసంలో వేల సంఖ్యలో ఈ ధార్మిక క్షేత్రానికి భక్తులు వస్తుంటారు. రుద్రప్రయాగ్ నేషనల్ హైవే 58 మార్గంలో ఈ గ్రామం ఉండటం వల్ల బస్సు సౌకర్యాలు బాగున్నాయి. రుద్రప్రయాగ్ కు రుషికేష్ రైల్వేస్టేషన్ చాలా దగ్గరగా ఉంటుంది.